സ്‌കൗട്ട് ആന്‍ഡ് ഗൈഡ് ആസ്ഥാനമന്ദിരം, എതിര്‍പ്പുമായി സ്‌കൂള്‍ വികസന സമിതി-നിര്‍മാണം തടയാനാണ് പിടിഎയും ഒഎസ്എയും ശ്രമിക്കുന്നത്: നഗരസഭ ഭരണനേതൃത്വം. സ്‌കൂളില്‍ ഗ്രൗണ്ട് വികസനത്തിനു എതിരായുള്ള കെട്ടിടനിര്‍മാണത്തെ നിയമപരമായും ജനാധിപത്യപരമായും നേരിടും= പിടിഎ
Warning: Attempt to read property "post_excerpt" on null in /var/www/wptbox/wp-content/themes/magnitude/inc/hooks/hook-single-header.php on line 109
സ്‌കൂളില്‍ ഗ്രൗണ്ട് വികസനത്തിനു എതിരായുള്ള കെട്ടിടനിര്‍മാണത്തെ നിയമപരമായും ജനാധിപത്യപരമായും നേരിടുംസ്‌കൂള്‍ പിടിഎ
നിര്‍മാണം പൂര്‍ത്തിയായാലും ഇതിലേക്കു ഗതാഗത സംവിധാനമില്ല തങ്ങളെ വികസന വിരോധികളും കുറ്റവാളികളുമായി ചിത്രീകരിക്കുന്ന നഗരസഭ അധികാരികളുടെ നിലപാട് ഖേദകരം
ഇരിങ്ങാലക്കുട: ബോയ്‌സ് ഹയര്‍ സെക്കന്‍ഡറി സ്‌കൂളില്‍ ഗ്രൗണ്ടിന്റെ വികസനത്തെ തകര്‍ത്ത് സ്‌കൗട്ട്‌സ് ആന്‍ഡ് ഗൈഡ്‌സിനു വേണ്ടി ആസ്ഥാനമന്ദിരം നിര്‍മിക്കാനുള്ള നഗരസഭയുടെ നീക്കത്തെ നിയമപരമായും ജനാധിപത്യപരമായും നേരിടുമെന്നു പിടിഎ. സ്‌കൂള്‍ ഗ്രൗണ്ട് സംരക്ഷിച്ചു കൊണ്ടു കെട്ടിടം നിര്‍മിക്കാന്‍ കഴിയുമെന്നു നഗരസഭ അധികൃതരെ ബോധ്യപ്പെടുത്തിയതാണ്. എല്ലാ കയേറ്റങ്ങളും തിരിച്ചുപിടിച്ചു 200 മീറ്റര്‍ സ്റ്റേഡിയം എന്നതാണു പിടിഎ ആഗ്രഹിക്കുന്നത്. സമചതുരാകൃതിയിലുള്ള കെട്ടിട നിര്‍മാണത്തിനു പകരം ദീര്‍ഘചതുരാകൃതിയില്‍ കെട്ടിടം നിര്‍മിച്ചാല്‍ ഗ്രൗണ്ടിന്റെ വികസനപദ്ധതികള്‍ക്കു തടസമാകില്ല.
തങ്ങളെ വികസന വിരോധികളും കുറ്റവാളികളുമായി ചിത്രീകരിക്കുന്ന നഗരസഭ അധികാരികളുടെ നിലപാട് ഖേദകരമാണെന്നും ഇവര്‍ പറഞ്ഞു. പിടിഎ പ്രസിഡന്റ് ടി.എ. നൗഷാദ്, വൈസ് പ്രസിഡന്റ് റെജി സെബാസ്റ്റ്യന്‍, പൂര്‍വവിദ്യാര്‍ഥി സംഘടന പ്രസിഡന്റ് ജോസ് തെക്കേത്തല, സെക്രട്ടറി സി.പി. ഉണ്ണികൃഷ്ണന്‍, വികസനസമിതി മെമ്പര്‍ സണ്ണി കോമ്പാറക്കാരന്‍ എന്നിവര്‍ ഇതു സംബന്ധിച്ച് പത്രസമ്മേളനത്തില്‍ പങ്കെടുത്തു. ആസ്ഥാനമന്ദിരം പണിയുന്നതിനു എതിര്‍പ്പില്ല, പക്ഷേ കായിക വികസനത്തെ തകര്‍ത്തു ആസ്ഥാന മന്ദിരം നിര്‍മിക്കുന്നതിനെയാണു എതിര്‍ക്കുന്നതെന്നു ഇവര്‍ വ്യക്തമാക്കി. കെട്ടിട നിര്‍മാണം തുടങ്ങിയാല്‍ ഒന്നര നൂറ്റാണ്ട് പഴക്കമുള്ള ഹൈസ്‌കൂള്‍ വിഭാഗം കെട്ടിടത്തിന്റെ ഇടുങ്ങിയ വഴിയിലൂടെയും ഗ്രൗണ്ടിലൂടെയും കയറി മാത്രമേ വാഹനങ്ങള്‍ക്കു കെട്ടിട നിര്‍മാണസാമഗ്രികള്‍ എത്തിക്കാന്‍ കഴിയുകയുള്ളൂ.
നിര്‍മാണം പൂര്‍ത്തിയായാലും ഇതിലേക്കു ഗതാഗത സംവിധാനമില്ല. സ്‌കൂള്‍ ഗ്രൗണ്ട് നശിപ്പിക്കാതെ ഞവരികുളത്തിന്റെ സൈഡിലൂടെ റോഡിട്ട് നിയമപ്രകരം ഗ്രൗണ്ട് അളന്നു തിരിച്ചതിനുശേഷം മാത്രമേ 40 സെന്റിലെ കെട്ടിട നിര്‍മാണം ആരംഭിക്കാന്‍ പാടുള്ളൂവെന്നാണു പിടിഎയുടെ ആവശ്യം. സ്‌കൂളിന്റെ ഭാവി വികസന പ്രവര്‍ത്തനം കൂടി മുന്നില്‍ക്കണ്ട് ദീര്‍ഘവീക്ഷണത്തോടെയുള്ള പ്രവര്‍ത്തനങ്ങളാണു ഉണ്ടാകേണ്ടതെന്നു പിടിഎ പറഞ്ഞു.
എതിര്‍ക്കുന്നവരുടെ ആശങ്കകള്‍ ദുരീകരിച്ചതാണെന്ന് ചെയര്‍പേഴ്‌സണ്‍
ഇരിങ്ങാലക്കുട: ബോയ്‌സ് ഹയര്‍ സെക്കന്‍ഡറി സ്‌കൂളില്‍ ഭാരത് സ്‌കൗട്ട് ആന്‍ഡ് ഗൈഡ്‌സിന്റെ ആസ്ഥാനമന്ദിരം നിര്‍മാണത്തിനായി സര്‍ക്കാരില്‍ നിന്നു എല്ലാ അനുമതിയും ലഭിച്ചു കഴിഞ്ഞതാണെന്നും കെട്ടിട നിര്‍മാണം തടയാനാണു സ്‌കൂള്‍ പിടിഎയും ഒഎസ്എയും ശ്രമിക്കുന്നതെന്നും നഗരസഭ ചെയര്‍പേഴ്‌സണ്‍ നിമ്യ ഷിജു. എതിര്‍പ്പ് ഉന്നയിക്കുന്നവരുടെ ആശങ്കകള്‍ പലതവണ യോഗം വിളിച്ചു ദുരീകരിച്ചതാണെന്നും മന്ദിരം യാഥാര്‍ഥ്യമാകുമെന്ന കാര്യത്തില്‍ തര്‍ക്കമില്ലെന്നും ചെയര്‍പേഴ്‌സണ്‍ പത്രസമ്മേളനത്തില്‍ പറഞ്ഞു. 2016 ല്‍ എംഎല്‍എയുടെ ആസ്തിവികസന ഫണ്ടില്‍ നിന്നു അനുവദിച്ച 50 ലക്ഷം രൂപ കൊണ്ടു രണ്ടായിരം ചതുരശ്ര അടിയുള്ള കെട്ടിടമാണു നിര്‍മിക്കുന്നത്. സ്‌കൂള്‍ ഗ്രൗണ്ടിന്റെ വടക്ക് പടിഞ്ഞാറായിട്ടാണു കെട്ടിടം നിര്‍മിക്കുന്നതെന്നും താലൂക്ക് സര്‍വെയര്‍ സ്ഥലം അളന്നു തിട്ടപ്പെടുത്തിയിട്ടുണ്ടെന്നും ചെയര്‍പേഴ്‌സണ്‍ വ്യക്തമാക്കി. വൈസ് ചെയര്‍പേഴ്‌സണ്‍ രാജേശ്വരി ശിവരാമന്‍നായര്‍, സ്റ്റാന്‍ഡിംഗ് കമ്മിറ്റി ചെയര്‍മാന്മാരായ കുര്യന്‍ ജോസഫ്, ബിജു ലാസര്‍, കൗണ്‍സിലര്‍ ബേബി ജോസ് കാട്ടല്‍ സ്‌കൗട്ട്‌സ് ആന്‍ഡ് ഗൈഡ്‌സ് ജില്ലാ ഓര്‍ഗനൈസിംഗ് കമ്മീഷണര്‍ കെ.ഡി. ജയപ്രകാശ് എന്നിവരും പത്രസമ്മേളനത്തില്‍ പങ്കെടുത്തു.
About Author
വയോധികയെ കൊലപ്പെടുത്തി ആഭരണങ്ങള്‍ കവര്‍ന്നു; ലഹരിമാഫിയ സംഘങ്ങളെ കേന്ദ്രീകരിച്ച് അന്വേഷണം 
കാറളത്ത് വയോധികയെ കൊലപ്പെടുത്തി ആഭരണങ്ങള്‍ കവര്‍ന്നു, അന്വേഷണം ഊര്‍ജിതം 
കാറളത്ത് വയോധികയെ വീടിനുള്ളില്‍ കൊല്ലപ്പെട്ട നിലയില്‍ കണ്ടെത്തി; 15 പവനോളം സ്വര്‍ണം കവര്‍ന്നതായി സൂചന 
കോടികള്‍ ചെലവഴിച്ചു, ഒരു വര്‍ഷം തികയും മുമ്പേ കാടുകയറി; പൊതുമ്പുചിറയോരം ടൂറിസം പദ്ധതി തകര്‍ച്ചയില്‍ 
സൂക്ഷിച്ച് പോകുക, ഒരു നിമിഷത്തെ അശ്രദ്ധ മതി, അപകടത്തിലേക്ക് വീഴാന്‍ 
മക്കള്‍ വിളിച്ചുണര്‍ത്താന്‍ ശ്രമിച്ചെങ്കിലും ഉണര്‍ന്നില്ല; ഇരിങ്ങാലക്കുട സ്വദേശിയുടെ അപ്രതീക്ഷിത വിടവാങ്ങല്‍ 
