സെന്റ് ജോസഫ്‌സ് കോളജില്‍ പൂര്‍വ വിദ്യാര്‍ഥിനി സംഗമം 2026 നടന്നു

January 30, 2026

Social media

ഇരിങ്ങാലക്കുട: സെന്റ് ജോസഫ്സ് കോളജിലെ പൂര്‍വ വിദ്യാര്‍ഥിനി സംഗമം കോളജ് പ്രിന്‍സിപ്പല്‍ സിസ്റ്റര്‍ ഡോ. ബ്ലെസി ഉദ്ഘാടനം ചെയ്തു. ഈ ചടങ്ങില്‍ തൃശൂര്‍ മേയറും പൂര്‍വ്വ വിദ്യാര്‍്ഥിനിയുമായ ഡോ. നിജി ജെസ്റ്റിന്‍, തദ്ദേശ സ്വയംഭരണ ഇലക്ഷനില്‍ വിജയികളായ പൂര്‍വ്വ വിദ്യാര്‍ഥിനികളായ ഡോ. സി.ബി. ഷക്കീല, രഹ്ന ഉണ്ണികൃഷ്ണന്‍, അഞ്ജന ശ്രീധരന്‍ എന്നിവരെയും കലാലയത്തില്‍ നിന്നും പഠനം പൂര്‍ത്തിയാക്കിയതിന്റെ സില്‍വര്‍, സുവര്‍ണ നിറവില്‍ ആയിരിക്കുവരെയും മുന്‍വര്‍ഷങ്ങളില്‍ കലാലയത്തിന്റെ ചെയര്‍പേഴ്സണ്‍ ആയിരുന്നവരെയും ആദരിച്ചു.

1992 1995 വര്‍ഷങ്ങളില്‍ ഇംഗ്ലീഷ് ഡിപ്പാര്‍ട്മെന്റിലെ പൂര്‍വ വിദ്യാര്‍ഥിനിയും മികച്ച കലാകാരിയും കൂടിയായ ഡോ. കവിത ബാലകൃഷ്ണന് മികച്ച പൂര്‍വ വിദ്യാര്‍ഥിനിക്കുള്ള അവാര്‍ഡ് നല്‍കി. കലാലയത്തിലെ പഠനത്തിനുശേഷം സന്യസ്ത ജീവിതം ആശ്ലേഷിച്ച 26 സിസ്റ്റേഴ്സിനെയും മറ്റ് പ്രധാന നേട്ടങ്ങള്‍ കൈവരിച്ച അലൂമിനി അംഗങ്ങളെയും ആദരിച്ചു. 1976 സുവോളജി വിഭാഗത്തിലെ ഗീത ഗോപാലകൃഷ്ണന്റെ വെറും ഒരു നിമിത്തം മാത്രം എന്ന പുസ്തകം പ്രകാശനം ചെയ്തു. 2025 2026 അധ്യയന വര്‍ഷം കോളജില്‍ നിന്ന് വിരമിക്കുന്ന ഓഫീസ് സൂപ്രണ്ട് ജ്യോതി, കോഡിനേറ്റര്‍ സുജിത ദീപു, സുവോളജി വിഭാഗം പ്രഫ. ജിജി പൗലോസ്, അലുമിനേ പ്രസിഡന്റ് ടെസി വര്‍ഗീസ്, സെക്രട്ടറി ഷാജിത ബഷീര്‍, മുന്‍ അലുമിനേ പ്രസിഡന്റ് സുധ രാധാകൃഷ്ണന്‍ തുടങ്ങിയവര്‍ സംസാരിച്ചു.