പാറേക്കാട്ടുകര സെന്റ് മേരീസ് ദേവാലയത്തില്‍ തിരുനാളിന് കൊടികയറി. തിരുനാള്‍ ഇന്നും നാളെയും

January 24, 2026

Social media

പാറേക്കാട്ടുകര: പാറേക്കാട്ടുകര സെന്റ് മേരീസ് ദേവാലയത്തിലെ പരിശുദ്ധ കന്യകാമറിയത്തിന്റെയും വിശുദ്ധ സെബസ്ത്യാനോസിന്റെയും തിരുനാളിന് കൊടികയറി. ഫാ. ഡേവീസ് തോട്ടപ്പിള്ളി ഒഎഫ്എം കൊടിയേറ്റം നിര്‍വഹിച്ചു. തുടര്‍ന്ന് വൈകിട്ട് ദീപാലങ്കാരങ്ങളുടെ സ്വിച്ച് ഓണ്‍ കര്‍മ്മം നിര്‍വഹിച്ചു. ഇന്ന് രാവിലെ 6.45 ന് ദിവ്യബലി, ലദീത്ത്, നൊവേന, കൂടുതുറക്കല്‍, പ്രസുദേന്തിവാഴ്ച, വീടുകളിലേക്കുള്ള അമ്പ് എഴുന്നള്ളിപ്പ് എന്നിവ നടക്കും. ഫാ. സജി പൊന്‍മിനിശ്ശേരി മുഖ്യ കാര്‍മ്മികത്വം വഹിച്ചു.

തുടര്‍ന്ന് രാത്രി 10 ന് അമ്പ് പ്രദക്ഷിണ സമാപിക്കും. തിരുനാള്‍ ദിനമായ നാളെ 6.30 ന്, 10 ന് ദിവ്യബലി ഉണ്ടായിരിക്കും. 10 ന് നടക്കുന്ന ആഘോഷമായ ദിവ്യബലിക്ക് ഫാ. സിബിന്‍ വാഴപ്പിള്ളി മുഖ്യകാര്‍മ്മികത്വം വഹിക്കും. ഫാ. അനില്‍ പുതുശ്ശേരി തിരുനാള്‍ സന്ദേശം നല്‍കും. ഉച്ചതിരിഞ്ഞ് നാലിന് പ്രദക്ഷിണം ആരംഭിച്ച് വൈകിട്ട് ഏഴിന് പള്ളിയില്‍ സമാപിക്കുന്നു. തുടര്‍ന്ന് ദിവ്യകാരുണ്യാശീര്‍വാദം നടക്കും.

26 ന് രാവിലെ 6.30 ന് പരേതര്‍ക്ക് വേണ്ടിയുള്ള ദിവ്യബലി ഉണ്ടായിരിക്കും. തിരുനാളിന്റെ വിജയത്തിനായി വികാരി ഫാ. ജെയ്‌സന്‍ പാറേക്കാട്ട്, കൈക്കാരന്‍മാരായ ഡൊമിനി കണ്ണംപിള്ളി, റെജി മാടമ്പി, ജെറില്‍ കാവുങ്ങല്‍, ജനറല്‍ കണ്‍വീനര്‍ തൊമസ് ചോനേട്ടന്‍ എന്നിവരുടെ നേതൃത്വത്തില്‍ വിപുലമായ കമ്മിറ്റിയാണ് പ്രവര്‍ത്തിക്കുന്നത്.