കാട്ടൂര് സെന്റ് മേരീസ് ദേവാലയത്തില് തിരുനാളിന് കൊടിയേറി
കാട്ടൂര് സെന്റ് മേരീസ് ദേവാലയത്തില് തിരുനാളിന്റെ കൊടിയേറ്റുകര്മം എടത്തിരുത്തി ഫൊറോന വികാരി ഫാ. ജോഷി പാലിയേക്കര നിര്വഹിക്കുന്നു.
കാട്ടൂര്: കാട്ടൂര് സെന്റ് മേരീസ് ദേവാലയത്തില് പരിശുദ്ധ കന്യകാമറിയത്തിന്റെയും വിശുദ്ധ സെബസ്ത്യാനോസിന്റെയും തിരുനാളിന് കൊടികയറി. തിരുനാളിന്റെ കൊടിയേറ്റുകര്മം എടത്തിരുത്തി ഫൊറോന വികാരി ഫാ. ജോഷി പാലിയേക്കര നിര്വഹിച്ചു. നാളെയും മറ്റന്നാളുമാണ് തിരുനാള്. നാളെ രാവിലെ 6.15 ദിവ്യബലി, ലദീഞ്ഞ്, പ്രസുദേന്തിവാഴ്ച്ച, രൂപം എഴുന്നള്ളിപ്പ്, വീടുകളിലേക്ക് അമ്പ് പ്രദക്ഷിണം എന്നിവ നടക്കും. ദിവ്യബലിക്ക്് ഫാ. സെന്ജോ മാളിയേക്കല് മുഖ്യകാര്മികത്വം വഹിക്കും. രാത്രി യൂണിറ്റുകളിലെ അമ്പ് പ്രദക്ഷിണം പള്ളിയില് സമാപിക്കുന്നു.
തിരുനാള് ദിനമായ 30 ന് രാവിലെ 6.30 ന് ദിവ്യബലി. 10 ന് നടക്കുന്ന ആഘോഷമായ ദിവ്യബലിക്ക് ഫാ. ഡേവീസ് പുലിക്കോട്ടില് മുഖ്യകാര്മികത്വം വഹിക്കും. മാള ദയനഗര് പള്ളി വികാരി ഫാ. ഫ്രീജോ പാറയ്ക്കല് തിരുനാള് സന്ദേശം നല്കും. വൈകീട്ട് 5.30ന് പ്രദക്ഷിണം ആരംഭിച്ച് ഏഴിന് പള്ളിയില് സമാപിക്കുന്നു. തുടര്ന്ന് ആശീര്വാദം, വര്ണമഴ, ഗാനമേള, മഹേഷ് കുഞ്ഞുമോന് അവതരിപ്പിക്കുന്ന വണ്മാന്ഷോ എന്നിവ നടക്കും. 31 ന് രാവിലെ ആറിന് പൂര്വികരുടെ അനുസ്മരണ ദിവ്യബലിയും ഒപ്പീസും ഉണ്ടായിരിക്കും. തിരുനാളിന്റെ വിജയത്തിനായി വികാരി ഫാ. പയസ് ചെറപ്പണത്ത്, കൈക്കാരന്മാരായ ജോസ് പോള് പാലത്തിങ്കല്, ലോറന്സ് ചിറ്റിലപ്പിള്ളി, ജനറല് കണ്വീനര് വര്ഗീസ് പടമാടന്, പബ്ലിസിറ്റി കണ്വീനര് വര്ഗീസ് പുത്തനങ്ങാടി എന്നിവരുടെ തേതൃത്വത്തില് വിപുലമായ കമ്മിറ്റിയാണ് പ്രവര്ത്തിക്കുന്നത്.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ക്രൈസ്റ്റ് എന്ജിനീയറിംഗ് കോളജില് മാനേജ്മെന്റ് ഫെസ്റ്റ് 
ഹോണ് അടിച്ചതിനെച്ചൊല്ലി തര്ക്കം; യുവാവിനെ കല്ലുകൊണ്ട് തലക്കടിച്ച് ഗുരുതരമായി പരിക്കേല്പ്പിച്ച കേസിലെ പ്രതി അറസ്റ്റില് 
രാസ ലഹരി, കള്ളനോട്ട്, വധശ്രമം തുടങ്ങി നിരവധി ക്രിമിനല്ക്കേസില് പ്രതിയായ ദയാല് അറസ്റ്റില് 
ഭാര്യയെ കാറിടിപ്പിച്ച് പരിക്കേല്പ്പിച്ച കേസില് നിരവധി ക്രിമിനല്കേസില് പ്രതി അറസ്റ്റില് 
ഉല്സവത്തിന്റെ എഴുന്നള്ളിപ്പിനെത്തിയ ആന ഇടഞ്ഞത് പരിഭ്രാന്തി പരത്തി; ഇടഞ്ഞ ആന പിങ്ക് പോലീസിന്റെ കാര് കുത്തി മറച്ചിട്ടു 
കല്ലേറ്റുംകര ഇന്ഫന്റ് ജീസസ് ഇടവകയില് തിരുനാള് ഇന്നും നാളെയും 