ഹൃദയഭേദകം ഈ കാഴ്ച, കുറുനരികളെയും തെരുവു നായ്ക്കളെയും ഭയന്ന് കര്‍ഷകര്‍

April 21, 2026

Social media

ആളൂരില്‍ നാല് ആടുകളെ കടിച്ചു കൊന്ന നിലയില്‍ കണ്ടെത്തി

ആളൂര്‍: നാല് ആടുകളെ കടിച്ചു കൊന്ന നിലയില്‍ കണ്ടെത്തി. പഞ്ചായത്തിലെ നാലാം വാര്‍ഡില്‍ ആനത്തടം ഭാഗത്ത് ചാതേലി വീട്ടില്‍ മാത്യു പൗലോസിന്റെ നാല് ആടുകളെയാണ് കടിച്ചു കൊന്ന നിലയില്‍ കൂട്ടില്‍ കണ്ടെത്തിയത്. ഇന്നലെ പുലര്‍ച്ചെ നാലിനും അഞ്ചിനും ഇടയിലാണ് സംഭവം. രാവിലെ പശുവിനെ കറക്കാന്‍ വീട്ടില്‍ നിന്നും പുറത്തുവന്ന മാത്യുവാണ് ആടുകള്‍ ചത്തനിലയില്‍ കാണപ്പെട്ടത്. ഉടന്‍ തന്നെ വനം വകുപ്പിനെയും പഞ്ചായത്തധികൃതരേയും വിവരം അറിയിച്ചു.

മുപ്ലിയം ഫോറസ്റ്റ് ഡെപ്യൂട്ടി റേഞ്ച് ഓഫീസര്‍ രഞ്ജിത്ത് രാജ്, സെക്ഷന്‍ ഫോറസ്റ്റ് ഓഫീസര്‍ ജോബി ജോസഫ്, ബീറ്റ് ഫോറസ്റ്റ് ഓഫീസര്‍ കെ.എസ്. സജിത്ത് എന്നില്‍ സംഭവ സ്ഥലത്തെത്തി പരിശോധന നടത്തി. കുറുനരിയുടെ ആക്രണമാണ് നടന്നതെന്ന് വീട്ടുക്കാര്‍ പറയുന്നുണ്ടെങ്കിലും വനംവകുപ്പ് ഓഫീസര്‍മാര്‍ സ്ഥിരീകരിച്ചിട്ടില്ല. നിരീക്ഷണത്തിനായി ഇന്നലെ തന്നെ സംഭവം നടന്ന സ്ഥലത്ത് കാമറയും സ്ഥാപിച്ചീട്ടുണ്ട്. രണ്ട് മാസത്തിനുള്ളില്‍ ഈ പരിസരത്തു നിന്ന് എട്ടോളം ആടുകളെ ഇതുപോലെ കടിച്ചു കൊന്നിട്ടുണ്ട്. വളര്‍ത്തുമൃഗങ്ങള്‍ക്കു നേരെയുള്ള നിരന്തര ആക്രമണത്തിനെതിരെ എത്രയും വേഗം ശാശ്വത പരിഹാരം കാണണമെന്ന് കര്‍ഷകര്‍ ആവശ്യപ്പെട്ടു.