തൃശൂര്‍ ഐക്കണ്‍ പുരസ്‌കാരം നേടിയ പോൾ ജെയിംസിനു ആദരം
ഇരിങ്ങാലക്കുട: തൃശൂര്‍ ജില്ലയിലെ മികച്ച കായികാധ്യാപകനുള്ള തൃശൂര്‍ ഐക്കണ്‍ പുരസ്‌കാരത്തിനു തെരഞ്ഞെടുത്ത കൊരട്ടി എംഎഎം ഹയര്‍ സെക്കന്‍ഡറി സ്‌കൂള്‍ അധ്യാപകന്‍ പോള്‍ ജെയിംസിനെ ഇരിങ്ങാലക്കുട നഗരസഭ ചെയര്‍പേഴ്‌സണ്‍ സോണിയഗിരി ഉപഹാരം നല്കി ആദരിച്ചു. കായികാധ്യാപനത്തില്‍ 32 വര്‍ഷം പിന്നിട്ട ഇദ്ദേഹം പല തവണ ഉപജില്ല സ്‌കൂള്‍ സ്‌പോട്‌സ് സെക്രട്ടറിയായിരുന്നു. സംസ്ഥാനത്തെ അറിയപ്പെടുന്ന ബാസ്‌ക്കറ്റ് ബോള്‍ പരിശീലകന്‍, സ്‌പോട്‌സ് അനൗണ്‍സര്‍, വിവിധ കായിക മേളകളുടെ മുഖ്യ സംഘാടകര്‍ എന്നീ നിലകളിലും ശ്രദ്ധേയനാണ്. ഫെഡറേഷന്‍ കപ്പ് ഉള്‍പ്പെടെ നിരവധി ദേശീയ ചാമ്പ്യന്‍ഷിപ്പുകളില്‍ കേരള സംസ്ഥാന ടീമിന്റെ പരിശീലകനും മാനേജരുമായി സേവനം ചെയ്തിട്ടുണ്ട്. കേരളത്തില്‍ നടന്ന ദേശീയ ഗെയിംസിന്റെ ടെക്‌നിക്കല്‍ ഒഫിഷ്യലായും ഇദ്ദേഹം പ്രവര്‍ത്തിച്ചിട്ടുണ്ട്. ടെന്നീസ് വോളിബോള്‍ അസോസിയേഷനും കായികതാരങ്ങളും ചേര്‍ന്ന് സംഘടിപ്പിച്ച സ്വീകരണയോഗം സംസ്ഥാന പ്രസിഡന്റ് ബാലന്‍ അമ്പാടി ഉദ്ഘാടനം ചെയ്തു. ജില്ലാ പ്രസിഡന്റ് സാജു പാറേക്കാടന്‍ അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി അബ്ദുള്‍ റഹിമാന്‍, സംസ്ഥാന ലീഗല്‍ അഡൈ്വസര്‍ അഡ്വ. ശശികുമാര്‍ ഇടപ്പുഴ, ജില്ലാ സെക്രട്ടറി ജെയ്ക്കബ് ആലപ്പാട്ട്, ട്രഷറര്‍ പി.വി. ജോണ്‍സണ്‍ എന്നിവര്‍ പ്രസംഗിച്ചു.
About Author
സിഐഎസ്‌സിഇ അണ്ടര്‍ 14 ദേശീയ ഹാന്‍ഡ്‌ബോള്‍ ചാമ്പ്യന്‍ഷിപ്പില്‍ അഭിമാന നേട്ടവുമായി ക്രിസ്റ്റോ 
ഇന്റര്‍സോണ്‍ ഖോ ഖോ മത്സരത്തില്‍ തുടര്‍ച്ചയായി മൂന്നാം തവണയും ഇരിങ്ങാലക്കുട ക്രൈസ്റ്റ് കോളജ് ചാമ്പ്യന്‍മാരായി 
ടേബിള്‍ ടെന്നീസില്‍ സ്വര്‍ണവുമായി ജൊവന്ന ജെനില്‍ 
കത്തോലിക്ക കോണ്‍ഗ്രസ് നേതൃത്വത്തില്‍ കനിവ് ഫുട്‌ബോള്‍ ഷൂട്ട് ഔട്ട് മേള; എഫ്‌സി തലൂര്‍ ജേതാക്കള്‍ 
ജെസിഐ ക്രിക്കറ്റ് ടൂര്‍ണമെന്റ്; ഡൈനാമിക് ഡെയര്‍ ഡേവിള്‍സ് ജേതാക്കള്‍ 
ഭാരോദ്വഹനത്തില്‍ ഒന്നാംസ്ഥാനം നേടി ദേശീയതലത്തിലേക്ക് അമീഷ അന്‍വര്‍ തെരഞ്ഞെടുക്കപ്പെട്ടു 
