വയോജനങ്ങള്‍ക്ക് ഓണമൊരുക്കി ഗവ. ഗേള്‍സ് ഹയര്‍ സെക്കന്‍ഡറി എന്‍എസ്എസ്
ഇരിങ്ങാലക്കുട: ഇരിങ്ങാലക്കുട ഗവ. ഗേള്‍സ് ഹയര്‍ സെക്കന്‍ഡറി സ്‌കൂള്‍ എന്‍എസ്എസ് യൂണിറ്റിലെ വളണ്ടിയര്‍മാരുടെ ഓണാഘോഷം ശ്രദ്ധേയമായി. ഇരിങ്ങാലക്കുട പ്രൊവിഡന്‍സ് ഹൗസിലെ വയോജനങ്ങളായ അന്തേവാസികള്‍ക്കൊപ്പമാണ് ഓണം അവധിക്കുമുന്‍പുള്ള അവസാന പ്രവൃത്തി ദിനം വളണ്ടിയര്‍മാര്‍ ചിലവഴിച്ചത്. വിദ്യാര്‍ഥിനികളുടെ കലാ പ്രകടനങ്ങള്‍ക്കൊപ്പം അന്തേവാസികളും ചേര്‍ന്നതോടെ അസീസി പ്രൊവിഷണല്‍ഹൗസിലും ഓണത്തിന്റ ആരവമുയര്‍ന്നു. പായസ വിതരണവും സമ്മാനദാനവും ഇതോടൊപ്പം സംഘടിപ്പിച്ചിരുന്നു.
നാഷണല്‍ സര്‍വീസ് സ്‌കീം യൂണിറ്റിന്റെയും സൗഹൃദ ക്ലബ്ബിന്റെയും സംയുക്താഭിമുഖ്യത്തില്‍ നടന്ന പരിപാടിയില്‍ മുനിസിപ്പല്‍ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ ജിഷ അഡ്വ. ജിഷ ജോബി, സ്‌കൂള്‍ പ്രിന്‍സിപ്പല്‍ ബിന്ദു പി. ജോണ്‍ അസീസി ഡയറക്ടര്‍ ബ്രദര്‍ ഗില്‍ബെര്‍ട്ട്, പിടിഎ പ്രസിഡന്റ് പി.കെ. അനില്‍കുമാര്‍, പ്രോഗ്രാം ഓഫീസര്‍ കെ.എസ്. ഇന്ദുലേഖ, സൗഹൃദ കോ ഓര്‍ഡിനേറ്റര്‍ ഇ.ജി. ലിനി, അധ്യാപകരായ റോസ്‌മോള്‍ ആന്റണി, ടി.എന്‍. മഞ്ജു, ഇന്ദുകല രാമനാഥ് എന്നിവര്‍ സംസാരിച്ചു. വളണ്ടിയര്‍മാരായ ഇ.എസ്. അലീന, മിത്ര സുനില്‍, കെ.ആര്‍. കൃഷ്ണപ്രിയ, അനുശ്രീ അപ്പാട്ട് തുടങ്ങിയവര്‍ നേതൃത്വം നല്‍കി.
About Author
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
ഇരിങ്ങാലക്കുട ഗവ. എല്‍പി സ്‌കൂളില്‍ കിഡ്‌സ് ഫെസ്റ്റ് നടത്തി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
സിഐഎസ്‌സിഇ അണ്ടര്‍ 14 ദേശീയ ഹാന്‍ഡ്‌ബോള്‍ ചാമ്പ്യന്‍ഷിപ്പില്‍ അഭിമാന നേട്ടവുമായി ക്രിസ്റ്റോ 
