വഴിവിളക്കുകള്‍ പുനഃസ്ഥാപിച്ചില്ല; അപകട മരണങ്ങള്‍ തുടര്‍ക്കഥയായ കരുവന്നൂര്‍ പാലത്തില്‍ ഇരുട്ട് മാത്രം
കരുവന്നൂര്‍: അപകട മരണങ്ങള്‍ തുടര്‍ക്കഥയായ പാലത്തില്‍ സുരക്ഷാ വേലി സ്ഥാപിക്കുന്നതിന്റെ ഭാഗമായി മാസങ്ങള്‍ക്ക് മുന്‍പ് അഴിച്ചുമാറ്റിയ വഴിവിളക്കുകള്‍ പുനഃസ്ഥാപിക്കാന്‍ അധികൃതര്‍ തയാറാകുന്നില്ലെന്ന് പരാതി. ദിവസവും നൂറുകണക്കിന് വാഹനങ്ങള്‍ കടന്നു പോകുന്ന തൃശൂര്‍ കൊടുങ്ങല്ലൂര്‍ സംസ്ഥാന പാതയുടെ ഭാഗമായ കരുവന്നൂര്‍ പാലത്തിനു മുകളില്‍ രാത്രി ഇരുട്ടു മൂടിയ സ്ഥിതിയാണ്. പാലത്തിന്റെ തെക്കു ഭാഗത്ത് നടപ്പാതയോട് ചേര്‍ന്നുള്ള ഭാഗം തകര്‍ന്ന് കുഴിയായി കിടക്കുകയാണ്.
പ്രദേശത്ത് വെളിച്ചമില്ലാത്തതിനാല്‍ രാത്രി കാല്‍നടയാത്രികര്‍ അപകടത്തില്‍ പെടുത്തും. തൃശൂര്‍ കൊടുങ്ങല്ലൂര്‍ റോഡിന്റെ നവീകരണം നടത്തുന്ന കെസ്ടിപിഎ കരാര്‍ കമ്പനിയാണ് പാലത്തിന്റ ഇരു കൈവരികളിലും സുരക്ഷാ വേലി സ്ഥാപിച്ചത്. പാലത്തില്‍ അടിയന്തരമായി വഴിവിളക്കുകള്‍ സ്ഥാപിക്കണമെന്ന് കോണ്‍ഗ്രസ് പൊറത്തിശേരി മണ്ഡലം 33, 35 ബൂത്ത് കമ്മിറ്റി ആവശ്യപ്പെട്ടു. ഡിസിസി സെക്രട്ടറി സതീഷ് വിമലന്‍, റപ്പായി കോറോത്തു പറമ്പില്‍, കെ.കെ. അബ്ദുല്ലക്കുട്ടി, ടി.എം. ധര്‍മരാജന്‍, കെ.എ. അബൂബക്കര്‍, പി.ഒ. റാഫി എന്നിവര്‍ പ്രസംഗിച്ചു.
About Author
പൂമംഗലം പടിയൂര്‍ കോള്‍ പാടശേഖരം തെക്കോര്‍ത്ത് കോളിലെ ബണ്ടിന്റെ നിര്‍മാണോദ്ഘാടനം നടത്തി 
വിദ്യാര്‍ഥികളെ ശ്രദ്ധിക്കുക, അപകടം കണ്‍മുമ്പിലുണ്ട് 
നാടന്‍ കലകള്‍ അന്യംനിന്നുപോകുന്നു; സര്‍ക്കാര്‍ പൂര്‍ണ പിന്തുണ നല്‍കണം, മന്ത്രി രമേശ് ചെന്നിത്തല 
ഠാണ ചന്തക്കുന്ന് റോഡിലെ അശാസ്ത്രീയ മീഡിയന്‍ നിര്‍മാണം; ആക്ഷന്‍ കൗണ്‍സില്‍ നിവേദനങ്ങള്‍ നല്‍കി 
നാഷണല്‍ ക്വാളിറ്റി അഷ്വറന്‍സ് സ്റ്റാന്‍ഡേര്‍ഡ് സര്‍ട്ടിഫിക്കേഷന്‍: ഇരിങ്ങാലക്കുട ജനറല്‍ ആശുപത്രിയില്‍ ദേശീയതല മൂല്യനിര്‍ണയം 
പി.കെ. ചാത്തന്‍ മാസ്റ്റര്‍ സ്മൃതിസഭ: പ്രചരണത്തിന് തുടക്കം കുറിച്ച് കേന്ദ്രമന്ത്രി സുരേഷ് ഗോപി എംപി ഇരിങ്ങാലക്കുടയില്‍ ചുമരെഴുത്ത് നടത്തി 
