പുല്ലൂര്‍ ചമയം നാടകവേദിയുടെ നാടകരാവ് 2025 സമാപിച്ചു
പുല്ലൂര്‍ നാടകരാവിന്റെ സമാപന ഉദ്ഘാടനം കേരള സംഗീത നാടക അക്കാദമി ചെയര്‍മാന്‍ പത്മശ്രീ മട്ടന്നൂര്‍ ശങ്കരന്‍കുട്ടി ഭദ്രദീപം കൊളുത്തി നിര്‍വഹിക്കുന്നു.
പുല്ലൂര്‍: പുല്ലൂര്‍ ചമയം നാടകവേദിയുടെ ഇരുപത്തിയെട്ടാം വാര്‍ഷിക ആഘോഷത്തിന്റെ ഭാഗമായി നടന്ന നാടകരാവിന്റെ സമാപന ഉദ്ഘാടനം കേരള സംഗീത നാടക അക്കാദമി ചെയര്‍മാന്‍ പത്മശ്രീ മട്ടന്നൂര്‍ ശങ്കരന്‍കുട്ടി നിര്‍വഹിച്ചു. തൃശൂര്‍ ജില്ലാ കളക്ടര്‍ അര്‍ജുന്‍ പാണ്ഡ്യന്‍ ഐഎഎസ് മുഖ്യാതിഥിയായിരുന്നു. ചമയം പ്രസിഡന്റ് എ.എന്‍. രാജന്‍ അധ്യക്ഷത വഹിച്ചു. ചലച്ചിത്രതാരം കോട്ടയം രമേശ്, ചമയം രക്ഷാധികാരി ബാലന്‍ അമ്പാടത്ത്, കലാഭവന്‍ നൗഷാദ്, കേരള സംഗീത നാടക അക്കാദമി അഡ്മിനിസ്‌ട്രേറ്റര്‍ ശുഭ തുടങ്ങിയവര്‍ സംസാരിച്ചു.
ജനറല്‍ കണ്‍വീനര്‍ സജു ചന്ദ്രന്‍ സ്വാഗതവും കോ ഓര്‍ഡിനേറ്റര്‍ ടി.ജെ. സുനില്‍കുമാര്‍ നന്ദിയും പറഞ്ഞു. ചടങ്ങില്‍ ചമയ പുരസ്‌കാരവും പുല്ലൂര്‍ ചന്ദ്രന്‍ പുരസ്‌കാരവും നല്‍കി ജേതാക്കളെ ആദരിച്ചു. പ്രഫ. വി.കെ. ലക്ഷ്മണന്‍, പ്രഫ. പ്രസാദ് വര്‍മ്മ തമ്പാന്‍, യമുനാ ഭാരതി വയലാര്‍, പ്രഫ. മുന്‍ എംപി സാവിത്രി ലക്ഷ്മണന്‍, രക്ഷാധികാരി ബാലന്‍ അമ്പാടത്ത് എന്നിവര്‍ ചേര്‍ന്ന് നാടകരാവിന്റെ കൊടിയിറക്കി.
About Author
പൊറത്തിശേരി സ്വദേശി യുവാവ് ബൈക്ക് അപകടത്തില്‍ മരിച്ചു 
മന്നം സ്മാരക പ്രസംഗമത്സരം സംഘടിപ്പിച്ചു 
ഡല്‍ഹിയില്‍ നടക്കുന്ന ലോക പഞ്ചഗുസ്തി മത്സരത്തില്‍ യൂത്ത് 50 കിലോഗ്രാം വിഭാഗത്തില്‍ വെങ്കല മെഡല്‍ നേടി 
നാടന്‍ കലകള്‍ അന്യംനിന്നുപോകുന്നു; സര്‍ക്കാര്‍ പൂര്‍ണ പിന്തുണ നല്‍കണം, മന്ത്രി രമേശ് ചെന്നിത്തല 
റെസിഡന്റ്സ് അസോസിയേഷന്‍ കൂട്ടായ്മയുടെ പ്രസിഡന്റായി ഷാജു അബ്രാഹം കണ്ടംകുളത്തി തെരഞ്ഞെടുക്കപ്പെട്ടു 
ഠാണ ചന്തക്കുന്ന് റോഡിലെ അശാസ്ത്രീയ മീഡിയന്‍ നിര്‍മാണം; ആക്ഷന്‍ കൗണ്‍സില്‍ നിവേദനങ്ങള്‍ നല്‍കി 
