പോക്സോ കേസിലെ പിടികിട്ടാപ്പുള്ളിയെ മധ്യപ്രദേശില് നിന്നും പിടികൂടി
രാജേഷ് ധ്രുവേ.
ഇരിങ്ങാലക്കുട: പോക്സോ കേസിലെ പിടികിട്ടാപ്പുള്ളിയെ മധ്യപ്രദേശില് നിന്നും പിടികൂടി. മധ്യപ്രദേശ് സ്വദേശിയായ രാജേഷ് ധ്രുവേ (25) നെയാണ് പോലീസ് പടികൂടിയത്. 2018 ജൂലൈ രണ്ടിന് പ്രായപൂര്ത്തിയാകാത്ത മധ്യപ്രദേശ് സ്വദേശിനിയായ അതിജീവിതയെ കാട്ടൂര് ബസ് സ്റ്റാന്ഡില് നിന്ന് വശീകരിച്ച് തട്ടിക്കൊണ്ടുപോയി ഇടുക്കി ജില്ലയിലെ ഉടുമ്പുംചോല സിദ്ധന്പടി പ്രദേശത്തുള്ള കല്ലുപാലം എസ്റ്റേറ്റിലുള്ള വീട്ടില് താമസിപ്പിച്ച് ലൈംഗിക പീഡനത്തിന് ഇരയാക്കിയതാണ് സംഭവം.
ഈ കേസില് അറസ്റ്റിലായ പ്രതി കോടതിയില് നിന്ന് ജാമ്യമെടുത്ത് വിചാരണ നടപടികളില് സഹകരിക്കാതെ ഒളിവില് പോകുകയായിരുന്നു. ഇയാളെ പിടികൂടുന്നതിനായി കോടതി പിടികിട്ടാപ്പുള്ളി വാറണ്ട് പുറപ്പെടുവിച്ചിരുന്നു. ഈ വാറണ്ട് പ്രകാരമാണ് പ്രതിയെ പിടികൂടിയത്. പ്രതിയെ മധ്യപ്രദേശിലെ നക്സല് സ്വാധീനമുള്ള മന്റല പ്രദേശത്തെ ആദിവാസി ഗോത്ര സമൂഹങ്ങളുടെ ഇടയില് നിന്നാണ് പോലീസ് പിടികൂടിയത്.
പ്രതിയെ പിടികൂടുന്നതിനിടെ പ്രദേശവാസികളില് നിന്ന് എതിര്പ്പുകള് നേരിട്ടെങ്കിലും മധ്യപ്രദേശ് മന്റലയിലെ സല്വ പോലീസ് ഔട്ട്പോസ്റ്റിലെ ധൗത്യസേനാ അംഗങ്ങളുടെ സഹകരണത്തോടെയാണ് അന്വേഷണ സംഘം പ്രതിയെ പിടികൂടിയത്. കാട്ടൂര് പോലീസ് സ്റ്റേഷന് ഇന്സ്പെക്ടര് ഇ.ആര്. ബൈജു, അസിസ്റ്റന്റ് സബ് ഇന്സ്പെക്ടര് എം.കെ. അസീസ്, സിവില് പോലീസ് ഓഫീസര് വിഷ്ണു എന്നിവരാണ് അന്വേഷണ സംഘത്തിലുള്ളത്.
About Author
ക്രൈസ്റ്റ് കോളജില് സ്പിക് മാക്കേയുടെ ആഭിമുഖ്യത്തില് സൂഫി ഖവാലി സംഘടിപ്പിച്ചു 
ഐഐടി മദ്രാസില് നിന്ന് പിഎച്ച്ഡി നേടി കാതറിന് തോമസ് 
കരുതലിന്റെയും സ്നേഹത്തിന്റെയും വാത്സല്യത്തിന്റെയും ഒരു തൂവല് സ്പര്ശം അതായിരുന്നു മാര് ജെയിംസ് പഴയാറ്റില്: ബിഷപ് മാര് പോളി കണ്ണൂക്കാടന് 
കലാ സംരംഭങ്ങള് സമൂഹത്തിന് ഗുണകരം, പെരുവനം കുട്ടന്മാരാര് 
ഇന്നസെന്റ് സ്മാരക ഫിലിം സൊസൈറ്റി രൂപീകരിച്ചു 
ഇരിങ്ങാലക്കുട സെന്ട്രല് റോട്ടറി ക്ലബ്ബ് ഭാരവാഹികള് 
