നവോത്ഥാന മുന്നേറ്റത്തിനു യുവജനങ്ങള്‍ മുന്നിട്ടിറങ്ങണം: മാര്‍ പോളി കണ്ണൂക്കാടന്‍
ഇരിങ്ങാലക്കുട: പാവപ്പെട്ടവരുടെയും പാര്‍ശ്വവല്‍ക്കരിക്കപ്പെട്ടവരുടെയും പക്ഷം ചേര്‍ന്ന് സമൂഹത്തിന്റെ നവോത്ഥാന മുന്നേറ്റത്തിനു യുവജനങ്ങള്‍ മുന്നിട്ടിറങ്ങണമെന്ന് ബിഷപ്പ് മാര്‍ പോളി കണ്ണൂക്കാടന്‍. ഇരിങ്ങാലക്കുട രൂപത സിഎല്‍സി സംഘടിപ്പിച്ച ദ്വിദിന നേതൃത്വ കണ്‍വെന്‍ഷന്‍ ഉദ്ഘാടനം ചെയ്ത് സംസാരിക്കുകയയിരുന്നു ബിഷപ്പ്.
മൂല്യച്യുതി സംഭവിച്ചുകൊണ്ടിരിക്കുന്ന ഇന്നത്തെ കാലഘട്ടത്തില്‍ തിന്മയ്‌ക്കെതിരേ നന്മയുടെ പ്രകാശം പരത്തി നന്മയുടെ വക്താക്കളായി യുവജനങ്ങള്‍ മാറണം. അനീതിക്കെതിരെ പോരാട്ടം ശക്തമാക്കണം. വിശ്വാസതീക്ഷ്ണതയുള്ള യുവജന മുന്നേറ്റത്തിനു മാത്രമേ ഇതിനു സാധിക്കൂ. സഭയുടെയും സമുദായത്തിന്റെയും പ്രതീക്ഷയാണ് യുവജനങ്ങളെന്നും ബിഷപ്പ് കൂട്ടിചേര്‍ത്തു. ഇരിങ്ങാലക്കുട നഗരസഭ വൈസ് ചെയര്‍മാനായി തെരഞ്ഞെടുക്കപ്പെട്ട മുന്‍ രൂപത സിഎല്‍സി പ്രസിഡന്റ് ബൈജു കുറ്റിക്കാടനെ ചടങ്ങില്‍ അനുമോദിച്ചു.
രൂപത ഡയറക്ടര്‍ ഫാ. ജോഷി കല്ലേലി അധ്യക്ഷത വഹിച്ചു. സംസഥാന ഡയറക്ടര്‍ ഫാ. ഫ്രജോ വാഴപ്പിള്ളി, സൗത്ത് സോണ്‍ കോ ഓര്‍ഡിനേറ്റര്‍ ഡില്‍ജോ തരകന്‍, ഫാ. അരുണ്‍, ഡീക്കന്‍ വിപിന്‍ എന്നിവര്‍ ക്ലാസുകള്‍ക്ക് നേതൃത്വം നല്കി. രൂപത പ്രസിഡന്റ് അലക്‌സ് ഫ്രാന്‍സീസ്, മോഡറേറ്റര്‍ സിസ്റ്റര്‍ സായൂജ്യ എഫ്‌സിസി, സംസ്ഥാന സെക്രട്ടറി ഷോബി കെ. പോള്‍, ഭാരവാഹികളായ മെല്‍ബിന്‍ ഫ്രാന്‍സീസ്, ബിബിന്‍ പോള്‍, സാവിയോ വിജു, ജുജില്‍ ജോണ്‍സന്‍, അനറ്റ് പോള്‍, കെ.ജെ. ആന്‍ഗ്ലോറിയ, അലന്‍ ക്രിസ്റ്റോ, അല്‍ജോ ജോര്‍ജ് തുടങ്ങിയവര്‍ സംസാരിച്ചു.
About Author
വത്തിക്കാനിലെ മത പാര്‍ലിമെന്റില്‍ പങ്കെടുക്കുന്ന ജനപ്രതിനിധികള്‍ക്ക് യാത്രയയപ്പ് നല്കി 
ദീപ്തി ബ്രെയിലി സാക്ഷരത പദ്ധതിയുടെ ആദ്യക്ലാസ് മന്ത്രി ഡോ.ആര്‍. ബിന്ദു ഉദ്ഘാടനം ചെയ്തു 
ഇരിങ്ങാലക്കുട ടൗണ്‍ ലയണ്‍സ് ക്ലബ്ബ് വാക്കറുകള്‍ ഹൃദയ പാലിയേറ്റീവ് കെയറിന് വിതരണം ചെയ്തു 
പടിയൂര്‍ പുളിക്കലച്ചിറ പഴയപാലം പൊളിച്ചുതുടങ്ങി, പായമ്മല്‍ പടിയൂര്‍ റോഡില്‍ ഭാരവാഹനങ്ങള്‍ നിരോധിച്ചു 
അഖിലേന്ത്യാ സഹകരണ വാരാഘോഷത്തിന് തുടക്കമായി 
സംസ്ഥാനതല ശാസ്ത്രപ്രശ്‌നോത്തരി മത്സരത്തില്‍ ഇരിങ്ങാലക്കുട ഭാരതീയ വിദ്യാഭവന്‍ ജേതാക്കളായി 
