മഴക്കാല രോഗങ്ങളെ പ്രതിരോധിക്കാന് തൊഴിലുറപ്പ് തൊഴിലാളികള്ക്ക് മെഡിക്കല് ക്യാമ്പ്
പൂമംഗലം പഞ്ചായത്തിന്റെയും ഗവ. ആയുര്വേദ ഡിസ്പെന്സറിയുടെയും സംയുക്താഭിമുഖ്യത്തില് തൊഴിലുറപ്പ് പദ്ധതി അംഗങ്ങള്ക്കായി സംഘടിപ്പിച്ച മഴക്കാല രോഗപ്രതിരോധ മെഡിക്കല് ക്യാമ്പ് പൂമംഗലം പഞ്ചായത്ത് പ്രസിഡന്റ് കെ.എസ്. തമ്പി ഉദ്ഘാടനം ചെയ്യുന്നു.
പൂമംഗലം: മഴക്കാലത്ത് പകര്ച്ചവ്യാധികളും ജീവിതശൈലീ രോഗങ്ങളും വര്ധിക്കുന്ന സാഹചര്യത്തില് തൊഴിലുറപ്പ് പദ്ധതി അംഗങ്ങള്ക്ക് ആരോഗ്യപരിരക്ഷ ഉറപ്പാക്കാന് പൂമംഗലം പഞ്ചായത്തില് മെഡിക്കല് ക്യാമ്പ് സംഘടിപ്പിച്ചു. പൂമംഗലം പഞ്ചായത്തിന്റെയും ഗവ. ആയുര്വേദ ഡിസ്പെന്സറിയുടെയും സംയുക്താഭിമുഖ്യത്തില് എഎംഎഐ ഇരിങ്ങാലക്കുട ഏരിയയുടെ സഹകരണത്തോടെയായിരുന്നു ക്യാമ്പും ബോധവല്ക്കരണ പരിപാടികളും നടന്നത്. പഞ്ചായത്തിലെ അഞ്ച് മുതല് പതിനൊന്ന് വരെ വാര്ഡുകളിലെ തൊഴിലുറപ്പ് പദ്ധതി അംഗങ്ങള്ക്കായി സംഘടിപ്പിച്ച മഴക്കാല രോഗപ്രതിരോധ മെഡിക്കല് ക്യാമ്പും ആരോഗ്യ പരിശോധനയും പൂമംഗലം പഞ്ചായത്ത് പ്രസിഡന്റ് കെ.എസ്. തമ്പി ഉദ്ഘാടനം ചെയ്തു.
ബ്ലോക്ക് പഞ്ചായത്തംഗം ജിതിന് ഗോപി അധ്യക്ഷത വഹിച്ചു. ആരോഗ്യ വിദ്യാഭ്യാസ സ്റ്റാന്ഡിംഗ് കമ്മിറ്റി ചെയര്പേഴ്സണ് സമസ്യ മുരളി യോഗദിന പരിപാടികളുടെ പഞ്ചായത്ത് തല പ്രഖ്യാപനം നടത്തി. മഴക്കാല രോഗങ്ങള് പ്രതിരോധിക്കുന്നതിനും വ്യക്തിശുചിത്വവും ആരോഗ്യകരമായ ജീവിതശൈലിയും പ്രോത്സാഹിപ്പിക്കുന്നതിനുമായി വിദഗ്ധരുടെ നേതൃത്വത്തില് ബോധവല്ക്കരണ ക്ലാസും സംഘടിപ്പിച്ചു. എഎംഎഐ ഇരിങ്ങാലക്കുട ഏരിയയെ പ്രതിനിധീകരിച്ച് ഡോ. ഹരിദാസ്, ഡോ. ദൃശ്യ, എഫ്എച്ച്സി ജെഎച്ച്ഐ അനില്കുമാര്, ശര്മിള, സ്മിത എന്നിവര് ക്ലാസുകള്ക്ക് നേതൃത്വം നല്കി. ക്യാമ്പിന്റെ ഭാഗമായി തൊഴിലുറപ്പ് തൊഴിലാളികള്ക്ക് ആരോഗ്യ പരിശോധന, ഔഷധസസ്യ വിതരണം, കുടുംബാരോഗ്യ കേന്ദ്രത്തിന്റെ നേതൃത്വത്തില് എന്സിഡി (ജീവിതശൈലീ രോഗ) സ്ക്രീനിംഗ് എന്നിവയും നടത്തി.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
പോലീസ് ജീപ്പിടിച്ച് സ്കൂട്ടര് തെറിച്ചു; രണ്ട് വിദ്യാര്ഥികള് ഗുരുതരാവസ്ഥയില് അമിതവേഗവും അശ്രദ്ധയും ആരോപിച്ച് നാട്ടുകാര്; പോലീസിനെതിരെ പ്രതിഷേധം 
ഹാഷിഷ് ഓയിലും കഞ്ചാവുമായി മൂന്നുപേര് പിടിയില് 
സെന്സസില് ഇനി ജനപങ്കാളിത്തത്തിന്റെ പുതിയ മുഖം; സെല്ഫ് എന്യൂമറേഷന് ഉദ്ഘാടനം ചെയ്ത് അഡ്വ. തോമസ് ഉണ്ണിയാടന് എംഎല്എ 
ശ്മശാനം ഇനി സുന്ദരമാകും; ചെണ്ടുമല്ലി വിരിയും 
സംതൃപ്തിയോടെ തൃശൂർ റൂറൽ എസ്പി ബി. കൃഷ്ണകുമാർ പടിയിറങ്ങുന്നു 
ഇരിങ്ങാലക്കുട ഭാരതീയ വിദ്യാഭവന് സ്കൂളില് മെറിറ്റ് ഡേയും എംഎല്എ എക്സലന്സ് അവാര്ഡ് ദാന ചടങ്ങും നടത്തി 
