ജനറല് ആശുപത്രിയിലെ തുറന്ന വേദിയില് മറഞ്ഞിരിക്കുന്ന ഫ്ളോറന്സ് നൈറ്റിംഗ്ഗേളിന്റെ ശില്പം
ഇരിങ്ങാലക്കുട ജനറല് ആശുപത്രിക്കു മുന്നില് സ്ഥാപിച്ച വിളക്കേന്തിയ സ്ത്രീയുടെ പ്രതിമ വിവാദമായതോടെ മൂടിയിട്ട നിലയില്.
വിവാദം ഉയര്ന്നതോടെ പ്രതിമ മൂടിയിട്ടു
ഇരിങ്ങാലക്കുട: ആതുര ശുശ്രൂഷ രംഗത്ത് മികച്ച സേവനം കാഴ്ചവയ്ക്കുന്ന നഴ്സുമാരുടെ പ്രതീകമായി ജനറല് ആശുപത്രിയില് 15 അടി ഉയരമുള്ള ഫ്ളോറന്സ് നൈറ്റിംഗ്ഗേല് ശില്പം സ്ഥാപിച്ചു. ആശുപത്രിയിലെ പുതിയ കെട്ടിടത്തിന് മുന്പിലാണ് പ്രതിമ സ്ഥാപിച്ചത്. ശില്പത്തിന്റെ കൈകളില് ഘടിപ്പിച്ചിരിക്കുന്ന വിളക്ക് രാത്രി വെളിച്ചം പകരുന്ന തരത്തിലാണ് ഒരുക്കിയിട്ടുള്ളത്. തൃശൂര് പൂരം പ്രദര്ശനവേദിയില് വര്ഷങ്ങളായി പ്രധാന കവാടത്തില് ചിത്രങ്ങള് ഒരുക്കുന്ന കരുവന്നൂര് സ്വദേശി ടി.സി. സുരേഷാണ് ആശുപത്രി അധികൃതരുടെ നിര്ദേശപ്രകാരം ശില്പം നിര്മ്മിച്ചത്. മൂന്നാഴ്ച കൊണ്ടാണ് ശില്പത്തിന്റെ പണികള് തീര്ത്തത്.
എന്നാല് പ്രതിമ സ്ഥാപിച്ചതോടെ വിവാദങ്ങളും ഉയര്ന്നു. ജനറല് ആശുപത്രിക്കു മുന്നില് സ്ഥാപിച്ച പ്രതിമ ഫ്ളോറന്സ് നൈറ്റിങ്കേലിന്റെയല്ല എന്ന ആരോപണവുമായാണ് നഴ്സുമാരുടെ സംഘടനയായ കെജിഎന്എ രംഗത്ത് വന്നിരിക്കുന്നത്. ആശുപത്രിക്ക് മുന്നില് സ്ഥാപിച്ചിരിക്കുന്ന സ്ത്രീ പ്രതിമയ്ക്ക് നൈറ്റിങ്കേലുമായി യാതൊരു ബന്ധവുമില്ലെന്നും അസോസിയേഷന് അറിയിച്ചു. 1854 ല് ക്രിമിയന് യുദ്ധത്തില് പരിക്കേറ്റ പട്ടാളക്കാരെ ഒരു വിളക്ക് കൈയിലേന്തികൊണ്ട് രാത്രിയില് സൈനികരെ പരിശോധിച്ചിരുന്നു.
അതിനാലാണ് അവര്ക്ക് വിളക്കേന്തിയ സ്ത്രീ എന്ന വിളിപ്പേര് നല്കിയത്. റാന്തല് വിളക്കിനു പകരം ടോര്ച്ചാണ് സ്ത്രീയുടെ കൈകളിലുള്ളത്. അതിനാല് ഇത് നേഴ്സിംഗ് സമൂഹത്തിന് അപമാനമാണ്. വിഷയം വിവാദമായതിനു പിന്നാലെ പ്രതിമ മൂടിയിട്ടു. ഫ്ളോറന്സ് നൈറ്റിങ്കേലിന്റെ പ്രതിമയല്ല സ്ഥാപിച്ചിരിക്കുന്നതെന്നും സ്ത്രീകളോടുള്ള ആദരസൂചകമായി നിര്മിച്ച ശില്പമാണിതെന്നും ആശുപത്രി സൂപ്രണ്ട് ഡോ. ശിവദാസ് പറഞ്ഞു. കായകല്പം അവാര്ഡ് കിട്ടിയതിന്റെ സ്മരണയ്ക്കായി ആശുപത്രിയിലെ മെറ്റേണിറ്റി ബ്ലോക്കിന് മുന്നിലും ഒരു അമ്മയും കുഞ്ഞുമുള്ള ശില്പം കൂടി സ്ഥാപിക്കാന് ആശുപത്രി വികസന കമ്മറ്റി അംഗീകാരം നല്കിയിട്ടുണ്ടെന്നും ആശുപത്രി സൂപ്രണ്ട് പറഞ്ഞു.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
വൈദ്യുതി തകരാര് പരിഹരിക്കുന്നതിനിടെ ഷോക്കേറ്റ് ലൈന്മാന് മരിച്ചു 
ഇന്ദിരാ ഗ്യാരണ്ടി നടപ്പാക്കാനുള്ളത് നടപ്പാക്കുക തന്നെ ചെയ്യുമെന്ന് അഡ്വ. തോമസ് ഉണ്ണിയാടന് എംഎല്എ 
ഇവിടെ നിന്ന് പടരാം പുതിയ മാരകരോഗങ്ങള്; മാലിന്യക്കൂമ്പാരമായി നഗരത്തിലെ തോടുകള് 
യുവാവിന്റെ മരണം, ഷിഗെല്ല ബാധിച്ചാണെന്ന് സ്ഥിരീകരണം 
വിശ്വാസപരിശീലകര് ജീവിതംകൊണ്ട് സംസാരിക്കുന്നവരാകണം, മേജര് ആര്ച്ച് ബിഷപ്പ് മാര് റാഫേല് തട്ടില് 
കെഎസ്ആര്ടിസി സ്ത്രീ സൗജന്യ യാത്ര; പൊറത്തിശേരി മണ്ഡലം കോണ്ഗ്രസ് കമ്മിറ്റി സ്വീകരണം നല്കി