ഭാര്യ കൗണ്‍സിലറാകണമെന്ന വലിയ ആഗ്രഹം പൂര്‍ത്തിയാക്കി, സത്യപ്രതിജ്ഞാചടങ്ങ് വീഡിയോയില്‍ കണ്ട് മണിക്കൂറുകള്‍ക്കകം മരണമടഞ്ഞു
ഇരിങ്ങാലക്കുട: ഭാര്യ കൗണ്‍സിലറാകണമെന്ന അതിയായ ആഗ്രഹമായിരുന്നു ഇരിങ്ങാലക്കുട കളക്കാട്ട് അബ്ദുല്‍ ഖാദറുടെ (ചെല്ലപ്പന്‍ മാസ്റ്റര്‍) മകന്‍ കെ.എ. സജാദിന് (സച്ചു 49) ഉണ്ടായിരുന്നത്. അങ്ങനെ നഗരസഭ 11 ാം വാര്‍ഡ് ആസാദ് റോഡില്‍ യുഡിഎഫ് സ്ഥാനാര്‍ഥിയായി മഞ്ജു സജാദ് മത്സരിച്ചു. ഭാര്യ സ്ഥാനാര്‍ഥി ആയതോടെ രോഗ ബാധിതനായിരുന്നിട്ടും സജാദ് ഒരു വട്ടം വീടുകളിലേക്ക് പ്രചരണത്തിനുണ്ടായിരുന്നു. എട്ടു വര്‍ഷം മുമ്പ് വൃക്ക നീക്കം ചെയ്തിരുന്നു.
2023 ആഗസ്റ്റില്‍ ശ്വാസ കോശത്തില്‍ കാന്‍സര്‍രോഗം പിടിപെടുകയും ചെയ്തു. ആഴ്ചയില്‍ മൂന്നു ദിവസം ഡയാലിസിസിന് വിധേയമാക്കിയിരുന്നു. തെരഞ്ഞെടുപ്പു ദിവസം ആശുപത്രിയില്‍ തീവ്രപരിചരണ വിഭാഗത്തിലായതിനാല്‍ വോട്ടു രേഖപ്പെടുത്തുവാന്‍ സാധിച്ചിരുന്നില്ല. മത്സരത്തില്‍ ഭാര്യ മഞ്ജു 70 വോട്ടുകളുടെ ഭൂരിപക്ഷത്തില്‍ വിജയിച്ചു. ഇന്നലെ ഭാര്യ കൗണ്‍സിലറായി സത്യപ്രതിജ്ഞ ചെയ്യുന്നത് കാണണമെന്നും വലിയ ആഗ്രഹമുണ്ടായിരുന്നു. മൊബൈലില്‍ വീഡിയോ കണ്ടാണ് സജാദ് ഈ ആഗ്രഹം സാധ്യമാക്കിയത്.
സതപ്രതിജ്ഞാചടങ്ങും ആദ്യ കൗണ്‍സില്‍യോഗവും ഇന്നലെ 12.30ന് അവസാനിച്ചു. ഇന്നലെ ഉച്ചതിരിഞ്ഞ് സജാദ് മൂന്നു മണിയോടെ ആശുപത്രിയില്‍ വച്ച് മരണമടയുകയായിരുന്നു. ക്രൈസ്റ്റ് കോളജില്‍ കെഎസ്‌യു വിലും പിന്നീട് യൂത്ത്‌കോണ്‍ഗ്രസിലും സജീവ പ്രവര്‍ത്തകനായിരുന്നു. നഗരസഭയില്‍ ഡ്രൈവര്‍ തസ്തികയില്‍ താത്കാലിക ജീവനക്കാരനായിരുന്നു. സംസ്‌കാരം ഇന്ന് രാവിലെ 10ന് കാട്ടുങ്ങച്ചിറ ജുമാ മസ്ജിദ് ഖബര്‍സ്ഥാനില്‍ നടക്കും. മാതാവ്: നൂര്‍ജഹാന്‍. മക്കള്‍: റയാന്‍ സുല്‍ത്താന (പത്താം ക്ലാസ് വിദ്യാര്‍ഥിനി), റഹാനാ നൂര്‍ജഹാന്‍ (എട്ടാം ക്ലാസ് വിദ്യാര്‍ഥിനി).
About Author
മരിച്ചവരുടെ ഓര്‍മ്മദിനം 
കാലിക്കട്ട് യൂണിവേഴ്‌സിറ്റി ഇന്റര്‍സോണ്‍ ക്രോസ് കണ്‍ട്രി മത്സരം; ചാമ്പ്യന്‍മാരായി ക്രൈസ്റ്റ് കോളജ് ടീം 
പി.കെ. ചാത്തന്‍ മാസ്റ്ററുടെ ജീവചരിത്രം പാഠ്യപദ്ധതിയില്‍ ഉള്‍പ്പെടുത്തണം: കുമ്മനം രാജശേഖരന്‍ 
കാട്ടൂരില്‍ തെരുവുനായ്ക്കളുടെ ശല്യം രൂക്ഷം 
ഇരിങ്ങാലക്കുട നഗരസഭയില്‍ കേരളോത്സവത്തിന് ഉജ്ജ്വല തുടക്കം 
ഗ്രേസ് 2026: അധ്യാപകര്‍ക്ക് ആദരവുമായി ക്രൈസ്റ്റ് എന്‍ജിനീയറിംഗ് കോളജ് 
