മഴ തുടരും, വിദ്യാഭ്യാസ സ്ഥാപനങ്ങള്ക്ക് ഇന്ന് അവധി
ജില്ലയില് രാത്രിയില് ശക്തമായ മഴ തുടരുന്ന സാഹചര്യത്തില്, വിദ്യാര്ത്ഥികളുടെ സുരക്ഷ മുന്നിര്ത്തി ദുരന്തസാഹചര്യം ഒഴിവാക്കുന്നതിനുള്ള മുന്കരുതല് നടപടിയുടെ ഭാഗമായി, തൃശ്ശൂര് ജില്ലയിലെ അങ്കണവാടികള്, ട്യൂഷന് സെന്ററുകള്, മദ്രസകള്, നഴ്സറികള്, കേന്ദ്രീയവിദ്യാലയങ്ങള്, CBSC, ICSE സ്കൂളുകള്, പ്രഫഷണല് കോളേജുകള്, ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ഇന്ന് (07.08.2026 ) അവധി പ്രഖ്യാപിച്ചുകൊണ്ട് ദുരന്തനിവാരണ നിയമം, 2005 സെക്ഷന് 30(2) (xxix) പ്രകാരം ജില്ലാ കളക്ടര് അവധി പ്രഖ്യാപിച്ചു.
മുന്കൂട്ടി നിശ്ചയിച്ച പരീക്ഷകള്ക്കും, ഇന്റര്വ്യൂകള്ക്കും മാറ്റമുണ്ടായിരിക്കുന്നതല്ല. മേല് അവധി മൂലം നഷ്ടപ്പെടുന്ന പഠന സമയം ക്രമീകരിക്കുന്നതിന് വിദ്യാഭ്യാസസ്ഥാപന മേധാവികള് നടപടി സ്വീകരിക്കേണ്ടതാണ്.
ജലാശയങ്ങളില് ഇറങ്ങരുത്: പുഴകള്, തോടുകള്, ക്വാറികള്, വെള്ളക്കെട്ടുകള് എന്നിവയ്ക്ക് സമീപത്തേക്ക് കുട്ടികള് പോകരുത്.
അത്യാവശ്യമല്ലാത്ത യാത്രകള് ഒഴിവാക്കുക: ശക്തമായ മഴയുള്ള സമയങ്ങളില് അത്യാവശ്യമല്ലാത്ത യാത്രകള് പൂര്ണ്ണമായും ഒഴിവാക്കുക.
മണ്ണിടിച്ചില്, വെള്ളപ്പൊക്ക സാധ്യതയുള്ള താഴ്ന്ന പ്രദേശങ്ങളില് കഴിയുന്നവര് തദ്ദേശ ഭരണകൂടത്തിന്റെയോ ദുരന്തനിവാരണ സേനയുടെയോ നിര്ദ്ദേശങ്ങള് കര്ശനമായി പാലിക്കേണ്ടതാണ്.
About Author
മാപ്രാണം കുരിശുമുത്തപ്പന്റെ തിരുനാളിനോട് അനുബന്ധിച്ചുള്ള വഴിപാട് തിരി തെളിയിക്കല് ഭക്തിനിര്ഭരമായി നടന്നു 
ജിയോളജിയില് പിഎച്ച്ഡി നേടി 
ഇരിങ്ങാലക്കുട റെയില്വേ സ്റ്റേഷന് വികസനം: ഒരു ലക്ഷം പേരുടെ ഭീമഹര്ജിക്ക് ഒപ്പുശേഖരണം തുടങ്ങി 
സഖാവ് പി.കെ. ചാത്തന് മാസ്റ്റര് കമ്യൂണിസ്റ്റുകാരുടെ വഴികാട്ടി: ബിനോയ് വിശ്വം 
എഫ്എന്പിഒ സൗഹൃദം 2026 കൂട്ടായ്മ സംഘടിപ്പിച്ചു 
അഖിലേന്ത്യ കിസാന് സഭ ഇരിങ്ങാലക്കുട മണ്ഡലം കണ്വെന്ഷന് നടത്തി 
