വേളൂക്കര പഞ്ചായത്ത് വളപ്പിലെ മാലിന്യക്കൂമ്പാരം; സെക്രട്ടറിക്കെതിരെ ഹരിത ചട്ടലംഘനത്തിന് നടപടി വേണം: നാഷണല്‍ ഗ്രീന്‍ സോഷ്യലിസ്റ്റ്
വേളൂക്കര പഞ്ചായത്ത് ഓഫീസിനും കുടുംബശ്രീ ജനകീയ ഹോട്ടലിനും തൊട്ടടുത്ത് പഞ്ചായത്ത് വളപ്പില്‍ കൂട്ടിയിരിക്കുന്ന മാലിന്യം.
ഇരിങ്ങാലക്കുട: വേളൂക്കര പഞ്ചായത്ത് ഓഫീസിനും കുടുംബശ്രീ ജനകീയ ഹോട്ടലിനും തൊട്ടടുത്ത് പഞ്ചായത്ത് വളപ്പില്‍ വന്‍തോതില്‍ മാലിന്യം തള്ളുന്ന സംഭവത്തില്‍ പഞ്ചായത്ത് സെക്രട്ടറിക്കെതിരെ ഹരിത ചട്ടലംഘനത്തിന് നടപടി സ്വീകരിക്കണമെന്ന് നാഷണല്‍ ഗ്രീന്‍ സോഷ്യലിസ്റ്റ് പ്രസിഡന്റ് വാക്‌സറിന്‍ പെരേപ്പാടന്‍ ആവശ്യപ്പെട്ടു. വന്‍തോതില്‍ അജൈവ മാലിന്യങ്ങള്‍ കൂട്ടിയിട്ടിരിക്കുന്നത് മൂലം പ്രദേശത്ത് കടുത്ത ആരോഗ്യപ്രതിസന്ധി നിലനില്‍ക്കുകയാണ്. മാലിന്യങ്ങളില്‍ നിന്നുള്ള ദുര്‍ഗന്ധം കാരണം പഞ്ചായത്ത് ഓഫീസില്‍ വരുന്നവര്‍ക്കും ജനകീയ ഹോട്ടലില്‍ ഭക്ഷണം കഴിക്കാനെത്തുന്ന സാധാരണക്കാര്‍ക്കും പൊതുജനങ്ങള്‍ക്കും വഴി യാത്രികര്‍ക്കും പരിസരവാസികള്‍ക്കും സാമാന്യം നല്ല ബുദ്ധിമുട്ടുള്ള സ്ഥിതിയാണുള്ളത്.
ഹരിതകര്‍മ്മ സേന ശേഖരിക്കുന്ന മാലിന്യങ്ങള്‍ കൃത്യമായി വേര്‍തിരിച്ച് ആര്‍ആര്‍എഫുകള്‍ക്ക് കൈമാറി 15 മുതല്‍ 30 ദിവസത്തിനുള്ളില്‍ പഞ്ചായത്ത് പരിധിയില്‍ നിന്ന് നീക്കം ചെയ്യണമെന്ന കേന്ദ്ര നിയമത്തിന്റെ ലംഘനമാണിവിടെ നടക്കുന്നത്. പഞ്ചായത്ത് പരിസരത്തെ മാലിന്യക്കൂമ്പാരം അടിയന്തരമായി നീക്കം ചെയ്യാനും ജനകീയ ഹോട്ടലിന്റെ ശുചിത്വം ഉറപ്പാക്കാനും അധികൃതര്‍ തയാറായില്ലെങ്കില്‍ തദ്ദേശ സ്വയംഭരണ വകുപ്പ് ഓഫീസുകളിലേക്ക് ശക്തമായ ജനകീയ പ്രക്ഷോഭവും നിയമനടപടികളും ആരംഭിക്കുമെന്ന് വാക്‌സറിന്‍ പെരേപ്പാടന്‍ മുന്നറിയിപ്പ് നല്‍കി. വിഷയത്തില്‍ ആരോഗ്യ തദ്ദേശ സ്വയംഭരണ വകുപ്പ് മന്ത്രിമാരുടെ ശ്രദ്ധ ക്ഷണിച്ച് നാഷണല്‍ ഗ്രീന്‍ സോഷ്യലിസ്റ്റ് പ്രവര്‍ത്തകര്‍ കത്തയച്ചു.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ഇരിങ്ങാലക്കുട ബാർ അസോസിയേഷന് പുതിയ നേതൃത്വം 
ഡോ. അമ്മന്നൂര്‍ രജനീഷ് ചാക്യാര്‍ കൂടിയാട്ടം കേന്ദ്രയുടെ പ്രൊജക്റ്റ് ഡയറക്ടര്‍ 
പ്രകൃതി പഠന യാത്ര സംഘടിപ്പിച്ചു 
സോണിയ ഗിരി നാദോപാസന പ്രസിഡന്റ് 
ഇരിങ്ങാലക്കുട ബ്ലോക്ക് പഞ്ചായത്ത് ഹരിതവസന്തം 2026 27 പദ്ധതി ഉദ്ഘാടനം ചെയ്തു 
ഇരിങ്ങാലക്കുട ടൗണ്‍ അമ്പ് ഫെസ്റ്റ് 2027 സ്വാഗതസംഘം ഓഫീസ് ഉദ്ഘാടനം 
1 thought on “വേളൂക്കര പഞ്ചായത്ത് വളപ്പിലെ മാലിന്യക്കൂമ്പാരം; സെക്രട്ടറിക്കെതിരെ ഹരിത ചട്ടലംഘനത്തിന് നടപടി വേണം: നാഷണല്‍ ഗ്രീന്‍ സോഷ്യലിസ്റ്റ്”