ഇന്ത്യയില്‍ നിന്നും അപൂര്‍വ ഇനം കുയില്‍ കടന്നലിനെ കണ്ടെത്തി
ഇരിങ്ങാലക്കുട: ക്രൈസ്റ്റ് കോളജ് ജന്തുശാസ്ത്ര വിഭാഗം ഷഡ്പദ എന്റമോളജി ഗവേഷണ കേന്ദ്രത്തിലെ (എസ്ഇആര്‍എല്‍) ഗവേഷകര്‍ ഇന്ത്യയില്‍ നിന്നും അപൂര്‍വ ഇനം കുയില്‍ കടന്നലിനെ കണ്ടെത്തി. ഷഡ്പദ എന്റമോളജി ഗവേഷണ കേന്ദ്രത്തിലെ ഗവേഷകയായ പി.ജി. അശ്വതിയും ഗവേഷണ വിഭാഗം മേധാവിയായ ഡോ. സി.ബി. ജോയിയുമാണു ‘ക്രൈസിഡിയ ഫാള്‍സ’ എന്ന കുയില്‍ കടന്നലിനെ കണ്ടെത്തിയതിനു പിന്നില്‍. ഈ വിഭാഗം കടന്നലുകളെ ആദ്യമായാണ് ഇന്ത്യയില്‍ കണ്ടെത്തുന്നത്. ചൈന, മലേഷ്യ, ഫിലിപീന്‍സ് എന്നീ രാജ്യങ്ങളില്‍ മാത്രമാണ് ഇവയെ കണ്ടെത്തിയിട്ടുള്ളത്. ‘ക്രൈസിഡിയ ഫാള്‍സ’ ഇനം കുയില്‍ കടന്നലുകളെ കോഴിക്കോട് ജില്ലയിലെ വടകരയില്‍ നിന്നും കാസര്‍ഗോഡ് ജില്ലയിലെ കോയിത്തട്ട, പെരിയങ്ങാനം കാവുകളില്‍ നിന്നുമാണു കണ്ടെത്തിയിരിക്കുന്നത്. ഇന്‍ഡോനേഷ്യയില്‍ നിന്നും പ്രസിദ്ധീകരിക്കുന്ന അന്തര്‍ദേശീയ ശാസ്ത്ര മാസികയായ ടാപ്രോബാനിക്കയുടെ ഏറ്റവും പുതിയ ലക്കത്തിലാണ് ഇവരുടെ കണ്ടെത്തലുകള്‍ പ്രസിദ്ധീകരിച്ചിട്ടുള്ളത്. കുയില്‍ കടന്നലുകളെപ്പറ്റി ഗവേഷണം നടത്തുന്ന ഇന്ത്യയിലെ ഏക ഗവേഷണ കേന്ദ്രമാണു ക്രൈസ്റ്റ് കോളജ് ഷഡ്പദ എന്റമോളജി ഗവേഷണ കേന്ദ്രം. കൗണ്‍സില്‍ ഓഫ് സയന്റിഫിക് ആന്‍ഡ് ഇന്‍ഡസ്ട്രിയല്‍ റിസര്‍ച്ചിന്റെ ധനസഹായത്തോടെയാണ് ഈ പഠനം നടത്തിയത്. ഈ കുയില്‍ കടന്നലിന്റെ കണ്ടെത്തലോടു കൂടി ഇന്ത്യയില്‍ നിന്നും ഇതുവരെ 121 ഇനം കുയില്‍ കടന്നലുകളെയാണു ലഭിച്ചിട്ടുള്ളത്. അതില്‍ ഏഴ് ഇനം കടന്നലുകള്‍ ഷഡ്പദ എന്റമോളജി ഗവേഷണ കേന്ദ്രത്തിന്റെ സംഭാവനയാണ്.
About Author
അമര്‍ജവാന്‍ യുദ്ധസ്മാരകത്തിന് സ്റ്റോപ്പ് മെമ്മോ 
യുവജന കൂട്ടായ്മയുടെ മാതൃകാപരമായ പ്രവര്‍ത്തനം; പൂവത്തുംകടവില്‍ ആധുനിക സൗകര്യങ്ങളോടെ വേറിട്ട ബസ് സ്റ്റോപ്പ് 
പ്ലാസ്റ്റിക് മാലിന്യങ്ങള്‍ കുറയ്ക്കുന്നതിനും പരിസ്ഥിതി സംരക്ഷണത്തിനുമായി സ്വയം നിര്‍മിച്ച പേപ്പര്‍ ക്യാരിബാഗുകള്‍ വിതരണം ചെയ്തു 
ഇരിങ്ങാലക്കുട ജനമൈത്രി പൊലിസ് ഓപ്പറേഷന്‍ തൂഫാന്‍ ഫുട്‌ബോള്‍ ടൂര്‍ണമെന്റ്; ക്രൈസ്റ്റ് കോളജ് ജേതാക്കള്‍ 
ദി എഐ ടേണ്‍ ത്രിദിന അന്താരാഷ്ട്ര സമ്മേളനം സമാപിച്ചു 
പി.കെ. ചാത്തന്‍ മാസ്റ്ററുടെ ജീവചരിത്രം പാഠ്യപദ്ധതിയില്‍ ഉള്‍പ്പെടുത്തണം: കുമ്മനം രാജശേഖരന്‍ 
