കനാല്‍ ബണ്ടിടിയുന്നു, ബണ്ട് റോഡിന് വിള്ളല്‍. പരിസരവാസികൾ ഭീതിയിൽ
ഇരിങ്ങാലക്കുട. ഷണ്മുഖം കനാലിന്റെ പൂമംഗലം മരപ്പാലം ഭാഗത്തുളള തെക്കേ കനാല്‍ ബണ്ടിലൂടെ പോകുന്ന റോഡ് വിള്ളല്‍ വന്ന് കനാലിലേക്ക് ഇടിയാന്‍ തുടങ്ങിയത് പ്രദേശവാസികളില്‍ ഭീതി പരത്തി. നവീകരണത്തിനായി കനാലിന്റെ വശങ്ങളിലെ മരങ്ങളും ചെടികളും പറിച്ചുമാറ്റിയ പ്രവൃത്തി ബണ്ടിന്റെ ബലക്ഷയത്തിന് കാരണമാക്കിയതായി പ്രദേശവാസികള്‍ അഭിപ്രായപ്പെടുന്നു. ഇന്നലെ രാവിലെയാണ് റോഡിലുള്ള വിള്ളലും മണ്ണിടിച്ചിലും ശ്രദ്ധയില്‍പ്പെട്ടത്. തുടര്‍ന്ന് ഇതുവഴിയുള്ള ഗതാഗതം താല്‍ക്കാലികമായി നിര്‍ത്തിവെച്ചു. റോഡ് അന്‍പത് സെന്റീമീറ്റര്‍ വീതിയില്‍ വിണ്ടുകീറിയിട്ടുണ്ട്. റവന്യൂ, ഇറിഗേഷന്‍ ഉദ്യോഗസ്ഥരും പൂമംഗലം പഞ്ചായത്ത് അംഗങ്ങളും സ്ഥലത്തെത്തി. മുപ്പത് മീറ്ററോളം നീളത്തിലുള്ള ഭാഗത്താണ് അപകടഭീഷണിയുള്ളത്. കനാലിലേക്ക് ഇടിയുന്ന റോഡിന്റെ തെക്കേ അതിരിലെ പതിച്ചുനല്‍കിയ പുറമ്പോക്കില്‍ നിരവധി താമസക്കാരുണ്ട്.
About Author
അമര്‍ജവാന്‍ യുദ്ധസ്മാരകത്തിന് സ്റ്റോപ്പ് മെമ്മോ 
യുവജന കൂട്ടായ്മയുടെ മാതൃകാപരമായ പ്രവര്‍ത്തനം; പൂവത്തുംകടവില്‍ ആധുനിക സൗകര്യങ്ങളോടെ വേറിട്ട ബസ് സ്റ്റോപ്പ് 
പ്ലാസ്റ്റിക് മാലിന്യങ്ങള്‍ കുറയ്ക്കുന്നതിനും പരിസ്ഥിതി സംരക്ഷണത്തിനുമായി സ്വയം നിര്‍മിച്ച പേപ്പര്‍ ക്യാരിബാഗുകള്‍ വിതരണം ചെയ്തു 
ഇരിങ്ങാലക്കുട ജനമൈത്രി പൊലിസ് ഓപ്പറേഷന്‍ തൂഫാന്‍ ഫുട്‌ബോള്‍ ടൂര്‍ണമെന്റ്; ക്രൈസ്റ്റ് കോളജ് ജേതാക്കള്‍ 
ദി എഐ ടേണ്‍ ത്രിദിന അന്താരാഷ്ട്ര സമ്മേളനം സമാപിച്ചു 
പി.കെ. ചാത്തന്‍ മാസ്റ്ററുടെ ജീവചരിത്രം പാഠ്യപദ്ധതിയില്‍ ഉള്‍പ്പെടുത്തണം: കുമ്മനം രാജശേഖരന്‍ 
