ഐക്കോണിക് എഡ്യുക്കേഷണൽ ലീഡർ പുരസ്കാരം ഇന്ത്യയിൽനിന്ന് ഡോ. കെ.ജെ. വർഗീസിനു ലഭിച്ചു
![](https://irinjalakuda.news/wp-content/uploads/2023/09/DR.K.J.-VARGHESE.jpg)
ഡോ. കെ.ജെ. വർഗീസിന് അന്താരാഷ്ട്ര പുരസ്കാരം
ഇരിങ്ങാലക്കുട: തായ്ലൻഡിലെ അധ്യാപകരുടെയും ഗവേഷകരുടെയും സംഘടനയായ ഐസ്റ്റാറും ബാങ്കോക്കിലെ മേത്താരത്ത് യൂണിവേഴ്സിറ്റിയും സംയുക്തമായി ഏർപെടുത്തിയ വേൾഡ് ക്ലാസ് എക്സലൻസ് അവാർഡായ ഐക്കോണിക് എഡ്യുക്കേഷണൽ ലീഡർ പുരസ്കാരം ഇന്ത്യയിൽനിന്ന് ഡോ. കെ.ജെ. വർഗീസിനു ലഭിച്ചു. അന്തർദേശീയ തലത്തിൽ നേതൃത്വം നൽകി നടത്തിയിട്ടുള്ള കോണ്ഫറൻസുകളും പരിശീലന പരിപാടികളും ഗവേഷണങ്ങളും വിലയിരുത്തിയാണ് അവാർഡ് നൽകുന്നത്. ഇന്തോനേഷ്യയിലെ രണ്ട് യൂണിവേഴ്സിറ്റികളിൽ വിസിറ്റിംഗ് പ്രഫസറും ഇന്ത്യയിലെ പല യൂണിവേഴ്സിറ്റികളിലും വിദ്യാഭ്യാസ പരിശീലന കേന്ദ്രങ്ങളിലും വിസിറ്റിംഗ് ഫാക്കൽറ്റിയുമായിട്ടുള്ള ഡോ. വർഗീസ്, ഇരിങ്ങാലക്കുട ക്രൈസ്റ്റ് കോളജിലെ ഇംഗ്ലീഷ് അസോസിയേറ്റ് പ്രഫസറും ഇന്റർനാഷണൽ റിലേഷൻസ് ഡീനുമാണ്. സർട്ടിഫിക്കറ്റും ശിലാഫലകവും പതിനായിരം തായ് ബാത്തും അടങ്ങുന്നതാണ് പുരസ്കാരം. ബാങ്കോക്കിലെ മേത്താരത്ത് യൂണിവേഴ്സിറ്റിയിൽ നടന്ന അന്താരാഷ്ട്ര കോണ്ഫറൻസിൽ വച്ച് പുരസ്കാരം ഏറ്റുവാങ്ങി.