കരുവന്നൂര്‍ പുഴയില്‍ ചാടിയ സ്ത്രീയുടെ മൃതദേഹം കണ്ടെത്തി
ഷീബ
ഇരിങ്ങാലക്കുട: കരുവന്നൂര്‍ പുഴയില്‍ ചാടിയ സ്ത്രീയുടെ മൃതദേഹം കണ്ടെത്തി. അവിട്ടത്തൂര്‍ നോബിള്‍ റോഡില്‍ കൊടിയില്‍ വീട്ടില്‍ ജോയിയുടെ ഭാര്യ ഷീബ (48 ) ആണ് മരിച്ചത്. ഇന്നലെ രാവിലെ പതിനൊന്നരയോടെ ആയിരുന്നു സംഭവം. പാലത്തിലൂടെ നടന്നുവന്ന സ്ത്രീ പുഴയിലേക്ക് ചാടുന്നത് അതുവഴി വന്ന സ്‌കൂട്ടര്‍ യാത്രക്കാരനാണു കണ്ടത്. കൈവരിയില്‍ കയറിനിന്ന് കരുവന്നൂര്‍ പുഴയിലേക്കു ചാടുകയായിരുന്നു. ഇതു കണ്ട ബൈക്ക് യാത്രികന്‍ നല്‍കിയ വിവരം അനുസരിച്ച് നാട്ടുകാര്‍ ഉടനെ തിരച്ചിലിന് ഇറങ്ങി. പിന്നീട് തൃശൂരില്‍ നിന്നുള്ള സ്‌കൂബ സംഘവും ഇരിങ്ങാലക്കുടയില്‍ നിന്നുള്ള അഗ്‌നിരക്ഷാ സേനയും സ്ഥലത്തെത്തി. ചാടുന്നതിനു മുന്‍പ് ഷാളും ബാഗും ഫോണും ചെരിപ്പും പാലത്തിന്റെ കൈവരിയോടു ചേര്‍ന്ന് മാറ്റിവച്ചിരുന്നു. ബാഗില്‍ നിന്നും കിട്ടിയ മരുന്നിന്റെ കുറിപ്പടിയില്‍ നിന്നാണ് ആളെ തിരിച്ചറിഞ്ഞത്. ഉച്ചത്തിരിഞ്ഞ് മൂന്നരയോടെയാണ് മൃതദേഹം കണ്ടെത്തിയത്. ഭര്‍ത്താവ് ജോയിയോടൊപ്പം വീട്ടില്‍ വസ്ത്ര വ്യാപാരം നടത്തി വരികയായിരുന്നു. സംസ്‌കാരം ഇന്ന് ഉച്ചതിരിഞ്ഞ് നാലിന് അവിട്ടത്തൂര്‍ തിരുകുടുംബ ദേവാലയത്തില്‍ നടക്കും. മക്കള്‍- അഞ്ജലി, അഖില്‍. മരുമകന്‍-ധീരജ്.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
