തന്റെ പഠനത്തിലും കളിയിലും മികവ് തെളിയിച്ച് ജൊവീറ്റ സ്റ്റാലിന്‍
ഇരിങ്ങാലക്കുട: പ്ലസ് ടു റിസള്‍ട്ട് വന്നപ്പോള്‍ 1200 ല്‍ 1198 മാര്‍ക്കോടെ 99. 83 ശതമാനം നേടി എടതിരിഞ്ഞി എച്ച് ഡി പി എച്ച് എസ് സ്‌കൂളിലെ ജൊവീറ്റ സ്റ്റാലിന്‍ എന്ന മിടുക്കി തന്റെ പഠന മികവ് തെളിയിച്ചു. ബയോ സയന്‍സ് വിദ്യാര്‍ത്ഥിനിയാണ്. മികവ് പഠനത്തില്‍ മാത്രമല്ല കളിയിലും ഉണ്ട് . കഴിഞ്ഞവര്‍ഷം നടന്ന സംസ്ഥാന ഷൂട്ടിംഗ് ചാമ്പ്യന്‍ഷിപ്പില്‍ 10 മീറ്റര്‍ എയര്‍ പിസ്റ്റലില്‍ മൂന്നു സ്വര്‍ണ്ണ മെഡലുകള്‍ കരസ്ഥമാക്കി. കൂടാതെ കഴിഞ്ഞ രണ്ടു വര്‍ഷവും ദേശീയ എയര്‍ പിസ്റ്റല്‍ 10 മീറ്റര്‍ ഷൂട്ടിംഗ് ചാമ്പ്യന്‍ഷിപ്പില്‍ പങ്കെടുക്കുകയും ദേശീയ ടീമിലേക്കുള്ള സെലക്ഷന്‍ ട്രയല്‍സിലേക്ക് യോഗ്യത നേടുകയും ചെയ്തു. ജൂണ്‍ ആറിന് ഉത്തര്‍പ്രദേശില്‍ ആരംഭിക്കുന്ന ദേശീയ സ്‌കൂള്‍ ഷൂട്ടിംഗ് ചാമ്പ്യന്‍ഷിപ്പില്‍ കേരളത്തെ പ്രതിനിധീകരിച്ച് മത്സരിക്കാനുള്ള തയ്യാറെടുപ്പിലാണ്. ഗ്രേസ് മാര്‍ക്കിന്റെ ആനുകൂല്യമില്ലാതെയാണ് ഇത്രയും മാര്‍ക്ക് നേടിയത്. ഇരിഞ്ഞാലക്കുട സെന്റ് ജോസഫ്‌സ് കോളേജിലെ കായിക വിഭാഗം മേധാവി ഡോക്ടര്‍ സ്റ്റാലിന്‍ റാഫേലിന്റെയും വലപ്പാട് ഗവണ്‍മെന്റ് ഹയര്‍ സെക്കന്‍ഡറി സ്‌കൂളിലെ അധ്യാപിക രാജി ജോസിന്റെയും മകളാണ്.
About Author
ക്വാണ്ടം മെക്കാനിക്‌സിന്റെ നിഗൂഢതകള്‍ ശാസ്ത്ര വിജ്ഞാന ക്ലാസ് നടത്തി 
ഇരിങ്ങാലക്കുട ഉപജില്ലാ ശാസ്‌ത്രോത്സവം: ലോഗോ പ്രകാശനം ചെയ്തു 
വിദ്യാരംഗം കലാസാഹിത്യ വേദി ഇരിങ്ങാലക്കുട ഉപജില്ല സര്‍ഗോത്സവം ആരഭി സമാപിച്ചു 
ഡബ്ലിന്‍ യൂണിവേഴ്‌സിറ്റി കോളജുമായി സഹകരിക്കാന്‍ ഇരിങ്ങാലക്കുട സെന്റ് ജോസഫ്‌സ് കോളജ്; പ്രഫ. ജെറമി സിംപ്‌സണ്‍ ക്യാമ്പസിലെത്തി 
അധ്യാപനത്തിനും ഗവേഷണത്തിനും എഐയുടെ കരുത്ത്; സെന്റ് ജോസഫ്‌സില്‍ അധ്യാപകര്‍ക്ക് പരിശീലനം 
ഭരതനാട്യത്തില്‍ മികവിന്റെ മുദ്ര പതിപ്പിച്ച് കാറ്റ്‌ലിന്‍; സഹോദയ കലോത്സവത്തില്‍ തുടര്‍ച്ചയായ മൂന്നാം വര്‍ഷവും ഒന്നാം സ്ഥാനം 
