കാറും സ്‌കൂട്ടറും കൂട്ടിയിടിച്ച് സ്‌കൂട്ടര്‍ യാത്രക്കാരിയായ വീട്ടമ്മ മരിച്ചു
ഇരിങ്ങാലക്കുട: കാറും സ്‌കൂട്ടറും കൂട്ടിയിടിച്ച് സ്‌കൂട്ടര്‍ യാത്രക്കാരിയായ വീട്ടമ്മ മരിച്ചു. തൃശൂര്‍ കൊടുങ്ങല്ലൂര്‍ സംസ്ഥാനപാതയില്‍ ഇരിങ്ങാലക്കുട കോമ്പാറ ജംഗ്ഷനു സമീപം ബുധനാഴ്ചഞ്ഞ് മൂന്നരക്കായിരുന്നു അപകടം. വെള്ളാങ്ങല്ലൂര്‍ ചാമക്കുന്ന് പാലേരി വാഴൂര്‍ വീട്ടില്‍ നേവല്‍ ബേയ്‌സ് ഉദ്യോഗസ്ഥന്‍ ദിനേഷ്‌കുമാറിന്റെ ഭാര്യ ഷൈജ(44) ആണ് മരിച്ചത്. ഷൈജ ഓടിച്ചിരുന്ന സ്‌കൂട്ടറില്‍ ഇരിങ്ങാലക്കുടയില്‍ നിന്ന് അമിത വേഗതയില്‍ വരികയായിരുന്ന കാര്‍ നിയന്ത്രണം വിട്ട് ഇടിക്കുകയായിരുന്നു. ബസിനെ കാര്‍ മറികടക്കുന്നതിനിടയിലാണ് അപകടം സംഭവിച്ചത്. ഉടന്‍തന്നെ ഇരിങ്ങാലക്കുട സഹകരണ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ക്രൈസ്റ്റ് കോളജില്‍ ബികോം വിദ്യാര്‍ഥിയായ മകന്‍ ആദര്‍ശിനെ കൊണ്ടുവരാന്‍ വീട്ടില്‍ നിന്ന് ഷൈജ സ്‌കൂട്ടറില്‍ പോകുമ്പോഴാണ് അപകടം സംഭവിച്ചത്. ഇരിങ്ങാലക്കുട പോലീസ് തുടര്‍നടപടികള്‍ സ്വീകരിച്ചു. സംസ്‌കാരം വ്യാഴാഴ്ച നടക്കും.
About Author
മരിച്ചവരുടെ ഓര്‍മ്മദിനം 
കാലിക്കട്ട് യൂണിവേഴ്‌സിറ്റി ഇന്റര്‍സോണ്‍ ക്രോസ് കണ്‍ട്രി മത്സരം; ചാമ്പ്യന്‍മാരായി ക്രൈസ്റ്റ് കോളജ് ടീം 
പി.കെ. ചാത്തന്‍ മാസ്റ്ററുടെ ജീവചരിത്രം പാഠ്യപദ്ധതിയില്‍ ഉള്‍പ്പെടുത്തണം: കുമ്മനം രാജശേഖരന്‍ 
കാട്ടൂരില്‍ തെരുവുനായ്ക്കളുടെ ശല്യം രൂക്ഷം 
ഇരിങ്ങാലക്കുട നഗരസഭയില്‍ കേരളോത്സവത്തിന് ഉജ്ജ്വല തുടക്കം 
ഗ്രേസ് 2026: അധ്യാപകര്‍ക്ക് ആദരവുമായി ക്രൈസ്റ്റ് എന്‍ജിനീയറിംഗ് കോളജ് 
