കുച്ചുപ്പുടിയില്‍ ശിവന്യ വിനോദിന് മിന്നും വിജയം; സംസ്ഥാനതലത്തിലേക്ക് ആദ്യ ചുവടുവെപ്പ്
ഇരിങ്ങാലക്കുട: ത്രിപുരദഹനത്തിന്റെ ഐതിഹ്യകഥയ്ക്ക് കുച്ചുപ്പുടിയുടെ ചുവടുകളും മുദ്രകളും ഭാവങ്ങളും പകര്‍ന്നുനല്‍കിയപ്പോള്‍ ശിവന്യ വിനോദിന് വിജയം. തൃശൂര്‍ സെന്‍ട്രല്‍ സഹോദയ സിബിഎസ്ഇ കലോത്സവത്തില്‍ കാറ്റഗറി നാലില്‍ കുച്ചുപ്പുടിയില്‍ ഒന്നാം സ്ഥാനത്തോടെ എ ഗ്രേഡ് നേടിയ ശിവന്യ സംസ്ഥാനതല മത്സരത്തിന് അര്‍ഹത നേടി. കുച്ചുപ്പുടിയില്‍ സംസ്ഥാനതല മത്സരത്തിന് യോഗ്യത നേടുന്നത് ആദ്യമായാണ്. അഷ്ടമിച്ചിറ വിജയഗിരി പബ്ലിക് സ്‌കൂളിലെ പ്ലസ് ടു വിദ്യാര്‍ഥിനിയായ ശിവന്യയ്ക്ക് നൃത്തം ജീവിതത്തിന്റെ ഭാഗമാണ്. മൂന്നര വയസില്‍ നൃത്തപഠനം ആരംഭിച്ച ശിവന്യ എട്ടാം ക്ലാസ് മുതല്‍ സഹോദയ കലോത്സവങ്ങളില്‍ മത്സരിക്കുന്നുണ്ട്.
കഴിഞ്ഞ നാലുവര്‍ഷമായി ഭരതനാട്യത്തിലും മോഹിനിയാട്ടത്തിലും സംസ്ഥാനതലത്തില്‍ മത്സരിച്ച അനുഭവസമ്പത്തുമായാണ് കുച്ചുപ്പുടിയിലും പുതിയ നേട്ടം സ്വന്തമാക്കിയത്. കുച്ചുപ്പുടിയില്‍ രണ്ടുവര്‍ഷമായി മാത്രമാണ് ശിവന്യ പരിശീലനം നടത്തുന്നത്. പ്രശസ്ത നര്‍ത്തകനും ഗുരുവുമായ ഡോ. ആര്‍എല്‍വി രാമകൃഷ്ണന്റെ കീഴിലാണ് പരിശീലനം. ചാലക്കുടിയിലെ കുന്നിശേരി രാമന്‍ സ്മാരക കലാഗൃഹത്തിലാണ് കുച്ചുപ്പുടി അഭ്യസിക്കുന്നത്. ശിവന്റെ ത്രിപുരദഹനകഥയാണ് മത്സരവേദിയില്‍ ശിവന്യ അവതരിപ്പിച്ചത്.
പുരാണകഥയുടെ ആശയവും ഭാവതീവ്രതയും നൃത്താവിഷ്‌കാരത്തിലൂടെ അവതരിപ്പിക്കുന്നതിനായി കൊറിയോഗ്രാഫര്‍ ദേവേഷാണ് നൃത്തം ചിട്ടപ്പെടുത്തിയത്. ഗംഭീരനാട്ട രാഗത്തില്‍ ആദിതാളത്തിലാണ് ഈ നൃത്താവിഷ്‌കാരം ഒരുക്കിയിരിക്കുന്നത്. കഥയുടെ ഭാവവും കുച്ചുപ്പുടിയുടെ സവിശേഷമായ ചുവടുകളും സമന്വയിപ്പിച്ച അവതരണമാണ് മത്സരത്തിനായി തയ്യാറാക്കിയത്. ഭരതനാട്യത്തിലും മോഹിനിയാട്ടത്തിലും മത്സരിച്ചുള്ള അനുഭവം കുച്ചുപ്പുടിയിലെ മുന്നേറ്റത്തിന് കരുത്തായി. അന്നനാട് സ്വദേശി വിനോദിന്റെയും ആശയുടെയും ഏകമകളാണ് ശിവന്യ.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
17-ാമത് ദേശീയ പല്ലാവൂര്‍ താളവാദ്യ മഹോത്സവത്തിന് ഇരിങ്ങാലക്കുടയില്‍ തുടക്കമായി 
ഫോട്ടോഗ്രാഫിയുടെ ഋതുഭേദങ്ങള്‍ അടയാളപ്പെടുത്തിയ പുസ്തകശേഖരം സെന്റ് ജോസഫ്‌സ് കോളജിന് കൈമാറി എ.സി. ജയന്‍ 
ജില്ലാ ശാസ്ത്രമേളയില്‍ ഹരിതസന്ദേശവുമായി സ്റ്റുഡന്റ് പോലീസ് കേഡറ്റുകള്‍ 
ആര്‍പ്പുവിളികളോടെ ചേറില്‍ ചവിട്ടി, വിത്തെറിഞ്ഞ്… 
മുരിയാട് പഞ്ചായത്ത് ഭരണസമിതി നെല്‍കൃഷിയിലേക്ക് 
കല്‍പറമ്പ് സെന്റ് മേരീസ് ഫൊറോന ദേവാലയത്തില്‍ പരിശുദ്ധ ജപമാല രാജ്ഞിയുടെ ദര്‍ശന തിരുനാളിന് കൊടികയറി 
