മോഹിനിയാട്ടത്തില്‍ മികവിന്റെ മുദ്ര പതിപ്പിച്ച് പാര്‍വതി സിനേഷ്; ഉര്‍വശിയുടെ കഥയ്ക്ക് നൃത്താവിഷ്‌കാരം
ഇരിങ്ങാലക്കുട: ചുവടുകളുടെ താളവും മുദ്രകളുടെ ചാരുതയും ഭാവാഭിനയത്തിന്റെ മികവും ഒത്തുചേര്‍ന്ന മോഹിനിയാട്ടത്തില്‍ ഒന്നാം സ്ഥാനം നേടി സംസ്ഥാനതല മത്സരത്തിന് യോഗ്യത നേടിയിരിക്കുകയാണ് പാര്‍വതി സിനേഷ്. തൃശൂര്‍ സെന്‍ട്രല്‍ സിബിഎസ്ഇ സഹോദയ കലോത്സവത്തില്‍ കാറ്റഗറി രണ്ടിലാണ് പാര്‍വതി മികവിന്റെ തിളക്കമാര്‍ന്ന നേട്ടം സ്വന്തമാക്കിയത്. പുരാണത്തിലെ ഉര്‍വശിയുടെ കഥയെ മോഹിനിയാട്ടത്തിന്റെ ലാസ്യഭംഗിയില്‍ വേദിയിലെത്തിച്ചാണ് ആറാം ക്ലാസുകാരി ഈ നേട്ടം കൈവരിച്ചത്.
മാള ഹോളി ഗ്രേസ് അക്കാദമിയിലെ ആറാം ക്ലാസ് വിദ്യാര്‍ഥിനിയായ പാര്‍വതി എട്ടാം വയസിലാണ് നൃത്തപഠനം ആരംഭിച്ചത്. കൊരട്ടി നൂപുര നൃത്തവിദ്യാലയത്തില്‍ കലാമണ്ഡലം ഷീന സുനിലിന്റെ കീഴിലാണ് നൃത്തപഠനം. ഗുരുവിന്റെ മാര്‍ഗനിര്‍ദേശവും നിരന്തരമായ പരിശീലനവും നൃത്തത്തോടുള്ള താല്‍പര്യവും ചേര്‍ന്നാണ് പാര്‍വതിയുടെ കലാപ്രയാണം മുന്നേറുന്നത്. പുരാണത്തിലെ അപ്‌സരസായ ഉര്‍വശിയുടെ കഥയെ ആസ്പദമാക്കിയാണ് പാര്‍വതി നൃത്താവിഷ്‌കാരം ഒരുക്കിയത്.
മോഹിനിയാട്ടത്തിന്റെ തനിമ നിലനിര്‍ത്തി കഥയെ വേദിയില്‍ അവതരിപ്പിക്കാനുള്ള ശ്രമമാണ് ഈ കൊച്ചുകലാകാരിയുടെ പ്രകടനത്തെ ശ്രദ്ധേയമാക്കുന്നത്. നൃത്തപഠനത്തിനൊപ്പം സ്‌കൂള്‍ പഠനവും മുന്നോട്ടുകൊണ്ടുപോകുന്ന പാര്‍വതിക്ക് ഈ വിജയം പുതിയൊരു ചുവടുവയ്പ്പാണ്. ആദ്യമായാണ് സംസ്ഥാനതല മത്സരത്തിന് അര്‍ഹത നേടുന്നത്. കുഴിക്കാട്ടുശേരി സ്വദേശി സിനേഷിന്റെയും നിമയുടെയും മകളാണ് പാര്‍വതി. സഹോദരന്‍ പാര്‍ഥിവ് മാള ഹോളി ഗ്രേസ് അക്കാദമിയില്‍ പ്ലസ് വണ്‍ വിദ്യാര്‍ഥിയാണ്.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
17-ാമത് ദേശീയ പല്ലാവൂര്‍ താളവാദ്യ മഹോത്സവത്തിന് ഇരിങ്ങാലക്കുടയില്‍ തുടക്കമായി 
ഫോട്ടോഗ്രാഫിയുടെ ഋതുഭേദങ്ങള്‍ അടയാളപ്പെടുത്തിയ പുസ്തകശേഖരം സെന്റ് ജോസഫ്‌സ് കോളജിന് കൈമാറി എ.സി. ജയന്‍ 
ജില്ലാ ശാസ്ത്രമേളയില്‍ ഹരിതസന്ദേശവുമായി സ്റ്റുഡന്റ് പോലീസ് കേഡറ്റുകള്‍ 
ആര്‍പ്പുവിളികളോടെ ചേറില്‍ ചവിട്ടി, വിത്തെറിഞ്ഞ്… 
മുരിയാട് പഞ്ചായത്ത് ഭരണസമിതി നെല്‍കൃഷിയിലേക്ക് 
കല്‍പറമ്പ് സെന്റ് മേരീസ് ഫൊറോന ദേവാലയത്തില്‍ പരിശുദ്ധ ജപമാല രാജ്ഞിയുടെ ദര്‍ശന തിരുനാളിന് കൊടികയറി 
