കരുവന്നൂര്‍ ബാങ്ക് തട്ടിപ്പ്: ഒളിവിലായിരുന്ന രണ്ട് വനിതാ ഡയറക്ടര്‍മാര്‍ കൂടി അറസ്റ്റില്‍
ഇരിങ്ങാലക്കുട: കരുവന്നൂര്‍ സഹകരണ ബാങ്ക് തട്ടിപ്പുകേസില്‍ രണ്ട് വനിതാ ഡയറക്ടര്‍മാര്‍ കൂടി അറസ്റ്റിലായതോടെ എല്ലാ പ്രതികളും അറസ്റ്റിലായി. മുന്‍കൂര്‍ ജാമ്യത്തിനായി കോടതിയെ സമീപിച്ച ബാങ്ക് ഡയറക്ടര്‍മാരായിരുന്ന അമ്പിളി മഹേഷ്, മിനി നന്ദനന്‍ എന്നിവരാണ് കഴിഞ്ഞ ദിവസം കേസ് അന്വേഷിക്കുന്ന ക്രൈം ബ്രാഞ്ചിനു മുന്നില്‍ കീഴടങ്ങിയത്. അറസ്റ്റു ചെയ്ത ഇവരെ കോടതിയില്‍ ഹാജരാക്കി. ഇരിങ്ങാലക്കുട കോടതി 15 ദിവസത്തേക്ക് റിമാന്‍ഡ് ചെയ്തു. തട്ടിപ്പില്‍ നേരിട്ട് പങ്കാളികളായ ജീവനക്കാരും ഇടനിലക്കാരും കമ്മീഷന്‍ ഏജന്റുമടക്കം ആറുപേരെയാണ് ആദ്യം പ്രതിചേര്‍ത്തിരുന്നത്. പിന്നീടാണ് ബാങ്ക് ഭരണസമിതി അംഗങ്ങളായ 13 പേരെ കൂടി പ്രതിചേര്‍ത്തത്. ഇവരില്‍ രണ്ടുപേര്‍ മരിച്ചു. അമ്പിളി മഹേഷ്, മിനി നന്ദനന്‍ എന്നിവര്‍ അന്നുമുതല്‍ ഒളിവിലായിരുന്നു. ഭരണസമിതിയിലെ അസ്ലാം, ബാങ്കിന്റെ കീഴിലുള്ള സൂപ്പര്‍മാര്‍ക്കറ്റിലെ ജീവനക്കാരി റെജി അനില്‍കുമാര്‍ എന്നിവര്‍ക്കു മാത്രമാണ് ഇതുവരെയും കോടതി ജാമ്യം അനുവദിച്ചിട്ടുള്ളൂ.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
ദേശീയ പല്ലാവൂര്‍ താള വാദ്യോത്സവത്തിന്റെ ഭാഗമായി നല്‍കുന്ന പുരസ്‌കാരങ്ങള്‍ പ്രഖ്യാപിച്ചു 
മുകുന്ദപുരം ചാലക്കുടി താലൂക്ക് തല വാരാഘോഷം ഉദ്ഘാടനം നടന്നു 
