വയോജന പരാതി പരിഹാര അദാലത്ത് ക്രൈസ്റ്റ് കോളജില് നടന്നു
ഇരിങ്ങാലക്കുട: സാമൂഹ്യനീതി വകുപ്പിന്റെയും ഇരിങ്ങാലക്കുട മെയിന്റനന്സ് ട്രൈബ്യൂണലിന്റെയും ആഭിമുഖ്യത്തില് ‘മാതാപിതാക്കളുടെയും മുതിര്ന്ന പൗരന്മാരുടെയും ക്ഷേമവും സംരക്ഷണവും സംബന്ധിച്ച നിയമം 2007’ പ്രകാരം ലഭിച്ച അപേക്ഷകളില് പരാതി പരിഹാര അദാലത്ത് സാമൂഹ്യനീതി വകുപ്പ് ഉന്നത വിദ്യാഭ്യാസ വകുപ്പ് മന്ത്രി ഡോ.ആര്. ബിന്ദു ഉദ്ഘാടനം ചെയ്തു. ഇരിങ്ങാലക്കുട ക്രൈസ്റ്റ് കോളജ് ഡോ. ജോസ് തെക്കന് സെമിനാര് ഹാളില് സംഘടിപ്പിച്ച വയോജന പരാതി പരിഹാര അദാലത്തില് ആദ്യദിനം 25 ഓളം പരാതികള് പരിഗണിച്ചു. ചടങ്ങില് ഇരിങ്ങാലക്കുട മെയിന്റനന്സ് ട്രൈബ്യുണല് ആന്ഡ് ആര്ഡിഓ എം.എച്ച്. ഹരീഷ് അധ്യക്ഷത വഹിച്ചു. ജില്ലാ സാമൂഹ്യനീതി ഓഫീസര് കെ.ജി. രാഗപ്രിയ സ്വാഗതം ആശംസിച്ചു. ഇരിങ്ങാലക്കുട ക്രൈസ്റ്റ് കോളജ് പ്രിന്സിപ്പല് ഫാ.ഡോ. ജോളി ആന്ഡ്രൂസ്, ഇരിങ്ങാലക്കുട മുനിസിപ്പല് കൗണ്സിലര് ജെയ്സണ് പാറേക്കാടന് എന്നിവര് ആശംസകള് നേര്ന്നു. ഇരിങ്ങാലക്കുട മെയിന്റനന്സ് ട്രൈബ്യൂണല് ടെക്നിക്കല് അസിസ്റ്റന്റ് മാര്ഷല് സി. രാധാകൃഷ്ണന് ‘വയോജന ക്ഷേമനിയമം ഇരിങ്ങാലക്കുട മെയിന്റനന്സ് ട്രൈബ്യൂണല് പ്രവര്ത്തനങ്ങളെപ്പറ്റി’ വിഷയാവതരണം നടത്തി. സാമൂഹ്യനീതി വകുപ്പിന്റെ വയോജനക്ഷേമ ബോധവല്കരണത്തിന് വേണ്ടി ‘വയോജനക്ഷേമ സന്ദേശ കവിത’ രചിച്ച ഓമനക്കുട്ടന് പങ്ങപ്പാട്ട്, കവിത ആലപിച്ച ക്രൈസ്റ്റ് കോളജ് വിദ്യാര്ഥിനി ആശ സുരേഷ് എന്നിവരെ സാമൂഹ്യനീതി വകുപ്പ് മന്ത്രി ഡോ. ആര്. ബിന്ദു പൊന്നാടയും ഫലകവും നല്കി ആദരിച്ചു.
About Author
കലകളിലൂടെ ക്രൈസ്തവ സന്ദേശങ്ങള് മറ്റുള്ളവരിലേക്ക് പകരുവാന് ബൈബിള് കലോത്സവങ്ങള് സഹായകരമാകണം, ബിഷപ് മാര് പോളി കണ്ണൂക്കാടന് 
ഗൂഢാലോചനയുടെ ഭാഗമായാണ് പാര്ട്ടി യോഗത്തില് അക്രമണം അഴിച്ചുവിട്ടത്, കേരള കോണ്ഗ്രസ് ജില്ലാ പ്രസിഡന്റ് സി.വി. കുര്യാക്കോസ് 
വീടില്ലാത്തവര്ക്ക് വീട് പദ്ധതിക്ക് തുടക്കം കുറിച്ച് മര്ച്ചന്റ് അസോസിയേഷന് 
ഇരിങ്ങാലക്കുട റെയില്വേ സ്റ്റേഷന് വികസനം: സഹൃദയ ഗ്രൂപ്പ് വിദ്യാഭ്യാസ സ്ഥാപനങ്ങളെ ഉള്പ്പെടുത്തി ഒപ്പ് ശേഖരണം 
സംസ്ഥാന പാതയില് നടവരമ്പ് ഭാഗത്തെ കാന നിര്മ്മാണം; അപാകതകള് പരിഹരിക്കണം എന്നാവശ്യപ്പെട്ട് സുരേഷ് ഗോപിക്ക് നിവേദനം നല്കി 
കുരിശിന്റെ പുകഴ്ചയുടെ തിരുനാള്: സെന്റ് തോമസ് കത്തീഡ്രലില് വിശുദ്ധരുടെ രൂപങ്ങള് എഴുന്നള്ളിച്ചുവെച്ചു 
