ഒന്നാം റാങ്ക് കരസ്ഥമാക്കിയ ജ്യോത്സന പത്മനാഭന് ബിജെപിയുടെ സ്‌നേഹാദരം

ജ്യോത്സന പത്മനാഭന് ബിജെപിയുടെ സ്‌നേഹാദരം
ഇരിങ്ങാലക്കുട: ഒന്നാം റാങ്ക് കരസ്ഥമാക്കിയ ജ്യോത്സനയെ ബിജെപി ആദരിച്ചു. കാഞ്ചീപുരം ശ്രീശങ്കരാചാര്യ സര്‍വകലാശാലയില്‍നിന്ന് ബിരുദാനന്തര ബിരുദത്തിനു സംസ്‌കൃതം സാഹിത്യത്തില്‍ സര്‍വകലാശാലയിലെ ഉയര്‍ന്ന മാര്‍ക്കും ഒന്നാം റാങ്കും കരസ്ഥമാക്കിയതിനെ തുടര്‍ന്നാണ് ആദരിച്ചത്. കാട്ടൂര്‍ കരാഞ്ചിറ തെക്കിനിയേടത്ത് തരണനെല്ലൂര്‍ പത്മനാഭന്‍ നമ്പൂതിരിയുടേയും അര്‍ച്ചന അന്തര്‍ജനത്തിന്റെയും മകളാണ് ജ്യോത്സന. ബിരുദത്തിന് കാലടി ശ്രീശങ്കര സര്‍വകലാശാലയില്‍നിന്ന് രണ്ടാം റാങ്ക് കരസ്ഥമാക്കിയിരുന്നു. വിശ്വാസവും വിപ്ലവവും ചേര്‍ന്ന വഴിയിലൂടെ പത്താം വയസില്‍ ദേവിയെ പ്രാണപ്രതിഷ്ഠ നടത്തി ക്ഷേത്രം തന്ത്രി എന്ന സ്ഥാനം അലങ്കരിക്കുവാനുള്ള മഹാഭാഗ്യവും ജ്യോത്സനയ്ക്ക് ലഭിച്ചിട്ടുണ്ട്. ഇരിങ്ങാലക്കുട മണ്ഡലം പ്രസിഡന്റ് കൃപേഷ് ചെമ്മണ്ട ജ്യോത്സന പത്മനാഭന്റെ വസതിയിലെത്തി ആദരിച്ചു. കാട്ടൂര്‍ പഞ്ചായത്ത് പ്രസിഡന്റ് വിജീഷ് മാസ്റ്റര്‍, മണ്ഡലം വൈസ് പ്രസിഡന്റ് സുനില്‍ തളിയപ്പറമ്പില്‍, ഓഫീസ് സെക്രട്ടറി സുരേഷ് എന്നിവര്‍ സന്നിഹിതരായി.

About Author

ijknews

See author's posts