രക്തം തരാം ജീവനായ്….. രോഗികളുടെ ജീവന് കൈത്താങ്ങായി രക്തദാനത്തിന്റെ മൂന്നു പതിറ്റാണ്ട്
അമ്പത് തവണ രക്തം ദാനം ചെയ്ത ഷാജന് ചക്കാലക്കലിന് തൃശൂര് മെഡിക്കല് കോളജില് രക്തബാങ്കിന്റെ ചുമതലയുള്ള ഡോ. സജിത്ത് വിളമ്പല് രക്തദാന സര്ട്ടിഫിക്കറ്റ് നല്കുന്നു
ഇരിങ്ങാലക്കുട: തുടക്കം 18 ാം വയസില്, ഇതുവരെ ചെയ്തത് 50 രക്തദാനം. ഇനിയും ജീവന് കൈത്താങ്ങാകുവാന് രക്തം നല്കുവാന് തയാറാണെന്ന് ഇരിങ്ങാലക്കുട സ്വദേശി ഷാജന് ചക്കാലക്കല്. കഴിഞ്ഞ ദിവസം തൃശൂര് മെഡിക്കല് കോളജില് വച്ചായിരുന്നു 50 ാമത്തെ രക്തദാനം. ഇരിങ്ങാലക്കുട സെന്റ് തോമസ് കത്തീഡ്രല് ഇടവകയില് കെസിവൈഎം പ്രസ്ഥാനത്തിലൂടെ രക്തദാന ക്യാമ്പുകള് നടത്തിയാണ് രക്തദാനത്തിന് തുടക്കം കുറിച്ചത്. പുല്ലൂര് സേക്രഡ് ഹാര്ട്ട് മിഷന് ആശുപത്രിയിലായിരുന്നു ആദ്യ രക്തദാനം. പിന്നീട് രക്തദാനം ജീവിതചര്യയായി മാറി. കഴിയുന്ന സമയങ്ങളിലെല്ലാം രക്തദാനത്തിന് തയാറാകാറുണ്ട്.
തൃശൂര് മെഡിക്കല് കോളജ്, തൃശൂര് ജൂബിലി മിഷന് ആശുപത്രി, തിരുവനന്തപുരം, എറണാകുളം എന്നിവിടങ്ങള്ക്കു പുറമേ ചെന്നൈ ആശുപത്രിയിലും രക്തദാനം നടത്തിയിട്ടുണ്ട്. കത്തീഡ്രല് ട്രസ്റ്റിയും കെസിവൈഎം രൂപത ജനറല് സെക്രട്ടറിയുമായും സേവനമനുഷ്ടിച്ചിട്ടുള്ള ഷാജന് ആവശ്യമുള്ളവര്ക്കെല്ലാം രക്തം സംഘടിപ്പിച്ചു നല്കാന് സമയം കണ്ടെത്താറുണ്ട്. തൃശൂര് മെഡിക്കല് കോളജില് രക്തബാങ്കിന്റെ ചുമതലയുള്ള ഡോ. സജിത്ത് വിളമ്പില് സര്ട്ടിഫിക്കറ്റും സമ്മാനങ്ങളും നല്കി.

വെസ്റ്റാ ബാലകലോത്സവത്തില് മത്സരങ്ങള് സംഘടിപ്പിച്ചു
ഉപജില്ലാ കലോത്സവം നാഷണല് എച്ച്എസ്എസിന് ഓവറോള് കിരീടം
സെന്റ് ആന്റണീസ് ഹയര്സെക്കന്ഡറി സ്കൂളില് സ്മാര്ട്ട് ക്ലാസുകളുടെ ഉദ്ഘാടനം നടത്തി
ഇരിങ്ങാലക്കുട യൂണിറ്റിലെ ആധാരം എഴുത്തുകാരുടെ വാര്ഷിക പൊതുയോഗം സംഘടിപ്പിച്ചു
ഇരിങ്ങാലക്കുട ബ്ലോക്ക് പഞ്ചായത്ത് അക്ഷരോന്നതി 2.0 ലിഖിതോത്സവം സംഘടിപ്പിച്ചു
കാടുപിടിച്ചു കിടന്ന പി.കെ. ചാത്തന് മാസ്റ്റര് സ്മൃതി മണ്ഡപം ബിജെപി പ്രവര്ത്തകര് ശുചീകരിച്ചു