വെളയനാട് സെന്റ് മേരീസ് ദേവാലയത്തില്‍ തിരുനാള്‍ ഇന്നും നാളെയും

January 17, 2026

Social media

വെളയനാട്: വെളയനാട് സെന്റ് മേരീസ് ഇടവകയില്‍ വിശുദ്ധ സെബസ്ത്യാനോസിന്റെയും വിശുദ്ധ അന്തോണിസിന്റെയും തിരുനാള്‍ ഇന്നും നാളെയും നടക്കും. തിരുനാളിന്റെ കൊടിയേറ്റം ഫാ. പോള്‍ വടക്കുംമ്പാടന്‍ നിര്‍വഹിച്ചു. ഇന്ന് രാവിലെ 6.30 ന് ലദീത്ത്, ആഘോഷമായ അമ്പ് എഴുന്നള്ളിപ്പ്്, നൊവേന എന്നിവ നടക്കും. തിരുകര്‍മങ്ങള്‍ക്ക് വികാരി ഫാ. ജിനു വെണ്ണാട്ടുപറമ്പില്‍ കാര്‍മ്മികത്വം വഹിക്കും.

രാത്രി 7.30 മുതല്‍ 10 വരെ യൂണിറ്റുകളില്‍ നിന്നുള്ള അമ്പുപ്രദിക്ഷണം പള്ളിയില്‍ എത്തിച്ചേരും. തിരുനാള്‍ ദിനമായ നാളെ രാവിലെ 6.30 ന്, 10.30 ന്, മൂന്നിന് ദിവ്യബലി ഉണ്ടായിരിക്കും. 10.30 ന് നടക്കുന്ന ആഘോഷമായ ദിവ്യബലിക്ക് ഫാ. ഷിന്‍സ് പോട്ടോക്കാരന്‍ മുഖ്യകാര്‍മ്മികത്വം വഹിക്കും. ഫാ. ജോയല്‍ പുല്ലേലി തിരുനാള്‍ സന്ദേശം നല്‍കും. തുടര്‍ന്ന് ഉച്ചതിരിഞ്ഞ് നാലിന് ആരംഭിക്കുന്ന തിരുനാള്‍ പ്രദിക്ഷണം വൈകീട്ട് ഏഴിന് പള്ളിയില്‍ സമാപിക്കും.

19 ന് രാവിലെ 6.30 ന് ദിവ്യബലി ഉണ്ടായിരിക്കും. അന്നേ ദിവസമാണ് അങ്ങാടി അമ്പ് നടക്കുന്നത്. വൈകീട്ട് 6.30 മുതല്‍ 7.30 വരെ വെളയനാട് സെന്റ് ആന്റണീസ് കപ്പേളയില്‍ വാദ്യഘോഷങ്ങള്‍. തുടര്‍ന്ന് നടക്കുന്ന അമ്പ് പ്രദക്ഷിണം 10 ന് പള്ളിയില്‍ സമാപിക്കും. 20 ന് രാവിലെ 6.30 ന് മരിച്ചുപോയ പൂര്‍വ്വീകര്‍ക്കു വേണ്ടി ദിവ്യബലിയും ഒപ്പീസും ഉണ്ടായിരിക്കും. തിരുനാളിന്റെ വിജയത്തിനായി വികാരി ഫാ. ജിനു വെണ്ണാട്ടുപറമ്പില്‍, കൈക്കാരന്മാരായ രാജു റാഫേല്‍ പുല്ലുക്കര, ജോളി ആന്റണി കോലങ്കണ്ണി, ജോസഫ് ജോബി കാനംകുടം, സിക്‌സണ്‍ കൊച്ചപ്പന്‍ പുല്ലുക്കര, കേന്ദ്ര സമിതി പ്രസിഡന്റ് ജോണ്‍ ഷിന്റോ വാതുക്കാടന്‍ എന്നിവരുടെ നേതൃത്വത്തില്‍ വിപുലമായ കമ്മിറ്റിയാണ് പ്രവര്‍ത്തിക്കുന്നത്.