ഇരിങ്ങാലക്കുടയിലെ ക്രൈസ്റ്റ് കോളേജില് കാവുകളെക്കുറിച്ചുള്ള ത്രിദിന ദേശീയ സെമിനാര് സംഘടിപ്പിച്ചു
ഇരിങ്ങാലക്കുട ക്രൈസ്റ്റ് കോളജിലെ ബോട്ടണി ഡിപ്പാര്ട്ട്മെന്റും സുവോളജി ഡിപ്പാര്ട്ട്മെന്റും ബയോഡൈവേഴ്സിറ്റി ക്ലബ്ബുമായി സഹകരിച്ച് നടത്തിയ ദേശീയ സെമിനാറിന്റെ ഉദ്ഘാടനം കേരള സംസ്ഥാന ജൈവവൈവിധ്യ ബോര്ഡ് (കെഎസ്ബിബി) മെമ്പര് സെക്രട്ടറി ഡോ. വി. ബാലകൃഷ്ണന് നിര്വഹിക്കുന്നു.
ഇരിങ്ങാലക്കുട: ക്രൈസ്റ്റ് കോളജിലെ ബോട്ടണി ഡിപ്പാര്ട്ട്മെന്റും സുവോളജി ഡിപ്പാര്ട്ട്മെന്റും ബയോഡൈവേഴ്സിറ്റി ക്ലബ്ബുമായി സഹകരിച്ച് ബ്രിഡ്ജിംഗ് ബിലീഫ് ആന്ഡ് ബയോഡൈവേഴ്സിറ്റി ദി ഫ്യൂച്ചര് ഓഫ് സേക്രഡ് ഗ്രോവ്സ് എന്ന പേരില് മൂന്ന് ദിവസത്തെ ദേശീയ സെമിനാര് സംഘടിപ്പിച്ചു. കേരളത്തിലും ഇന്ത്യയുടെ മറ്റ് ഭാഗങ്ങളിലും സമൂഹാധിഷ്ഠിത വനസംരക്ഷണത്തിന്റെ ഒരു പുരാതന രൂപത്തെ പ്രതിനിധീകരിക്കുന്ന കാവുകളുടെ പാരിസ്ഥിതിക, സാംസ്കാരിക, സംരക്ഷണ പ്രാധാന്യം എടുത്തുകാണിക്കുക എന്നതാണ് സെമിനാറിന്റെ ലക്ഷ്യം.
ഉദ്ഘാടന സെഷനില് കേരള സംസ്ഥാന ജൈവവൈവിധ്യ ബോര്ഡ് (കെഎസ്ബിബി) മെമ്പര് സെക്രട്ടറി ഡോ. വി. ബാലകൃഷ്ണന് സെമിനാര് ഉദ്ഘാടനം ചെയ്തു. സേക്രഡ് ഗ്രോവ് ജൈവവൈവിധ്യ പൈതൃക സ്ഥലം ഇന്ത്യയിലെ ജൈവവൈവിധ്യ സംരക്ഷണത്തിനുള്ള നിയമപരമായ ഉപകരണങ്ങള് എന്ന വിഷയത്തില് അദ്ദേഹം മുഖ്യപ്രഭാഷണം നടത്തി. സാങ്കേതിക സെഷനുകളില് ഡോ. ടി.വി. സജീവ്, ഡോ. മുഹമ്മദ് ജാഫര് പാലോട്ട്, ഡോ. പി.എസ്. ഉദയന്, ഡോ. കെ.എ. സുജന, ഡോ. എന്.സി. ഇന്ദുചൂഡന് തുടങ്ങിയ പ്രമുഖ പ്രഭാഷകര് പങ്കെടുത്തു.
ജൈവവൈവിധ്യ നഷ്ടം, ജന്തു വൈവിധ്യം, പാരിസ്ഥിതിക പഠനങ്ങള്, പരമ്പരാഗത സംരക്ഷണ രീതികള്, പുണ്യ വനങ്ങളുടെ സാംസ്കാരിക പ്രസക്തി തുടങ്ങിയ വിവിധ വശങ്ങള് അവര് ചര്ച്ച ചെയ്തു. ഒന്നും രണ്ടും ദിവസങ്ങളില് യുവ ഗവേഷകര്ക്ക് അവരുടെ കണ്ടെത്തലുകള് അവതരിപ്പിക്കാന് ഒരു വേദി ഒരുക്കി. ഡോ. കെ. പ്രവീണ്കുമാര് നയിച്ച ശങ്കുകുളങ്ങര കാവിലേക്ക് നടത്തിയ സന്ദര്ശനത്തോടെ സെമിനാര് അവസാനിച്ചു. കേരള സ്റ്റേറ്റ് കൗണ്സില് ഫോര് സയന്സ്, ടെക്നോളജി ആന്ഡ് എന്വയോണ്മെന്റ് (കെഎസ്സിഎസ്ടിഇ), കേരള സ്റ്റേറ്റ് ബയോഡൈവേഴ്സിറ്റി ബോര്ഡ് (കെഎസ്ബിബി) എന്നിവയുടെ സഹകരണത്തോടെയാണ് ഈ പരിപാടി സംഘടിപ്പിച്ചത്.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ഇരിങ്ങാലക്കുട സെന്റ് തോമസ് കത്തീഡ്രലിലെ പിണ്ടിപ്പെരുന്നാളിനോടനുബന്ധിച്ച് നടന്ന മത സൗഹാര്ദസമ്മേളന ചടങ്ങില് ബിഷപ്പ് മാര് പോളി കണ്ണൂക്കാടന് പിണ്ടിയില് തിരി തെളിയിക്കുന്നു 
വിശ്വാസദീപ്തിയില് ഇരിങ്ങാലക്കുട പിണ്ടിപ്പെരുന്നാള്, വന് ഭക്തജന പ്രവാഹം തിരുസ്വരൂപം എഴുന്നള്ളിച്ച് വെക്കല് ഭക്തിസാന്ദ്രം 
സൗഹാര്ദ സന്ദേശം നല്കി ഇരിങ്ങാലക്കുട സെന്റ് തോമസ് കത്തീഡ്രല് ദേവാലയത്തിലെ പിണ്ടിപ്പെരുന്നാള് പ്രദക്ഷിണം 
ഇരിങ്ങാലക്കുട പൂതംകുളം – ചന്തക്കുന്ന് റോഡ് നാലുവരിപ്പാത വികസനം 
തൃശൂര് ജില്ലാ പഞ്ചായത്ത് മുരിയാട് ഡിവിഷന്റെ നേതൃത്വത്തില് സഞ്ജീവനം: ആരോഗ്യസദസുകള്ക്ക് തുടക്കമായി 
മൂര്ക്കനാട് സെന്റ് ആന്റണീസ് വാര്ഷിക ആഘോഷിച്ചു 