വടക്കുംകര സെന്റ് ആന്റണീസ് ഇടവകയില് തിരുനാള്
വടക്കുംകര ഇടവകയിലെ തിരുനാളിന് ഇരിങ്ങാലക്കുട രൂപതയുടെ മുഖ്യ വികാരി ജനറല് മോണ്. ജോസ് മാളിയേക്കല് കൊടി ഉയര്ത്തുന്നു. വികാരി ഫാ. ജിജോ വാകപറമ്പില് സമീപം.
ഇരിങ്ങാലക്കുട: വടക്കുംകര ഇടവകയില് ദൈവമാതാവായ പരിശുദ്ധ കന്യകാമറിയത്തിന്റെയും ഇടവക മധ്യസ്ഥനായ വിശുദ്ധ അന്തോണീസിന്റേയും വിശുദ്ധ സെബസ്ത്യാനോസിന്റെയും സംയുക്ത തിരുനാള് 17, 18 തീയതികളില് നടക്കും. 17 ശനി രാവിലെ ഏഴിന് പ്രസുദേന്തി വാഴ്ച, രൂപം എഴുന്നള്ളിക്കല്, വീടുകളിലേക്ക് അമ്പ് എഴുന്നള്ളിപ്പ് എന്നിവ നടക്കും.
അറേബ്യന് പെനിന്സുലയുടെ അപ്പസ്തോലിക് വിസിറ്റര് ഫാ. ജോളി വടക്കന് കാര്മ്മികത്വം വഹിക്കും. രാത്രി ഒമ്പതിന് അമ്പ് പ്രദക്ഷിണം സമാപിക്കും. തിരുനാള് ദിനമായ ഞായറാഴ്ച രാവിലെ 10.30ന് നടക്കുന്ന ആഘോഷമായ ദിവ്യബലിക്ക് ആലുവ മംഗലപുഴ സെമിനാരി പ്രൊഫസര് റവ.ഡോ. പോള് കൊമ്പന് മുഖ്യ കാര്മ്മികത്വം വഹിക്കും. ഉച്ചകഴിഞ്ഞു നാലിന് തിരുനാള് പ്രദക്ഷിണം ഉണ്ടാകും. തിങ്കളാഴ്ച രാവിലെ 6.30ന് ഇടവകയില് നിന്നും മരിച്ചുപോയവര്ക്കുള്ള അനുസ്മരണ ബലിയും പൊതു ഒപ്പീസും നടക്കും.
തിരുനാള് കൊടിയേറ്റം ഇരിങ്ങാലക്കുട രൂപതയുടെ മുഖ്യ വികാരി ജനറല് മോണ്. ജോസ് മാളിയേക്കല് നടത്തി. തിരുനാള് ദീപാലങ്കാരങ്ങളുടെ സ്വിച്ച് ഓണ് കര്മ്മം മോണ്. വില്സന് ഈരത്തറ നാളെ വൈകീട്ട് 7.30 ന് നിര്വഹിക്കും. വികാരി ഫാ. ജിജോ വാകപറമ്പിലില്, ജനറല് കണ്വീനര്മാരായ ആന്റണി കാളത്തുപറമ്പില്, ജോസ് കാളത്തുപറമ്പില് എന്നിവരുടെ നേതൃത്വത്തില് വിപുലമായ കമ്മറ്റിയാണ് തിരുന്നാളിന്റെ വിജയത്തിനായി പ്രവര്ത്തിക്കുന്നത്.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ക്രൈസ്റ്റ് കോളജില് ആര്മി ഡേയുടെ ഭാഗമായി ജന് ഗണ മന് 2.0 എന്ന എന്സിസി എക്സ്പോസംഘടിപ്പിച്ചു 
10വര്ഷത്തെ ജന വിരുദ്ധ ഇടതുസര്ക്കാര് ഭരണം ഈ നിയമസഭാ തിരഞ്ഞെടുപ്പോടെ അവസാനിക്കും – അഡ്വ. തോമസ്സ് ഉണ്ണിയാടന് 
സേഫ് ഓട്ടോ- സ്ത്രീകളുടെയും കുട്ടികളുടെയും സുരക്ഷ ഉറപ്പാക്കാന് ഓട്ടോ ഡ്രൈവര്മാര്ക്ക് പരിശീലനം നല്കി തൃശ്ശൂര് റൂറല് പോലീസ് 
ഒമ്പത് വയസുക്കാരനെതിരെ ലൈംഗീകാതിക്രമം, പ്രതിയ്ക്ക് ആറ് വര്ഷം കഠിനതടവും പിഴയും 
കള്ളുഷാപ്പുകള് പൂട്ടിയതില് പ്രതിഷേധം 
ഇന്ത്യ ലോയേഴ്സ് കോണ്ഗ്രസ് വായ്മൂടിക്കെട്ടി പ്രതിഷേധിച്ചു 