കൂടിയാട്ട മഹോത്സവം സമാപിച്ചു

January 16, 2026

Social media

ഇരിങ്ങാലക്കുട: അമ്മന്നൂര്‍ ഗുരുകുലത്തില്‍ പന്ത്രണ്ട് ദിവസമായി നടന്നുവന്ന കൂടിയാട്ട മഹോത്സവം കല്യാണസൗഗന്ധികം കൂടിയാട്ടത്തോടെ സമാപിച്ചു. സമാപന ദിവസം ഭീമനും ഹനുമാനും തമ്മില്‍ കണ്ടുമുട്ടുന്നതും പരസ്പരമുള്ള സംഭാഷണ രംഗങ്ങളുമാണ് അരങ്ങേറിയത്. ഭീമനായി പൊതിയില്‍ രഞ്ജിത് ചാക്യാര്‍, ഹനുമാനായി സൂരജ് നമ്പ്യാര്‍, കല്യാണകനായി ഗുരുകുലം കൃഷ്ണദേവ്, ഗുണമഞ്ജരിയായി ഗുരുകുലം അതുല്യ എന്നിവര്‍ രംഗത്തെത്തി. മിഴാവ് കലാമണ്ഡലം രാജീവ്, കലാമണ്ഡലം നാരായണന്‍ നമ്പ്യാര്‍, കലാമണ്ഡലം വിനീഷ്, കലാമണ്ഡലം വിനീത്, ഇടക്ക കലാനിലയം ഉണ്ണികൃഷ്ണന്‍, മൂര്‍ക്കനാട് ദിനേശ് വാര്യര്‍, താളം സരിത കൃഷ്ണകുമാര്‍, ഗുരുകുലം അക്ഷര, ഗുരുകുലം ഗോപിക, ഗുരുകുലം വിഷ്ണുപ്രിയ, ഗുരുകുലം ഋതു, ചമയംകലാനിലയം ഹരിദാസ,് കലാമണ്ഡലം വൈശാഖ് എന്നിവരും പങ്കെടുത്തു.