ഇരിങ്ങാലക്കുട സെന്റ് തോമസ് കത്തീഡ്രല് പിണ്ടിപ്പെരുന്നാള്
പെരുന്നാള് ദീപപ്രഭയില് .......പിണ്ടിപ്പെരുന്നാള് ആഘോഷിക്കുന്ന ഇരിങ്ങാലക്കുട സെന്റ് തോമസ് കത്തീഡ്രല് ദേവാലയം ദീപാലങ്കാര പ്രഭയില്.
ദേവാലയവും പന്തലുകളും ദീപാലങ്കാര പ്രഭയില്, വാനം മുട്ടെ പിണ്ടികളുയര്ന്നു; പിണ്ടിപ്പെരുന്നാളിന്റെ ആഘോഷത്തിമിര്പ്പില് ഇരിങ്ങാലക്കുട നഗരം
ഇരിങ്ങാലക്കുട: ഇരിങ്ങാലക്കുട സെന്റ് തോമസ് കത്തീഡ്രലിലെ ചരിത്രപ്രസിദ്ധമായ പിണ്ടിപ്പെരുന്നാളിന്റെ ആഘോഷത്തിമിര്പ്പിലാണ് നാടും നഗരവും. ആഹ്ലാദത്തിന്റെയും സന്തോഷത്തിന്റെയും ആത്മീയതയുടെയും ഇഴചേരലാണ് ഇരിങ്ങാലക്കുടക്കാര്ക്ക് പിണ്ടിപ്പെരുന്നാള്. നയന മനോഹരമായ ദീപാലങ്കാരങ്ങളില് വീടുകളും സ്ഥാപനങ്ങളും മനോഹരമായിക്കഴിഞ്ഞു. ക്രൈസ്തവ വീടുകള്ക്കും സ്ഥാപനങ്ങള്ക്കും മുന്നില് മാനം മുട്ടെ ഉയരത്തിലുള്ള പിണ്ടികള് കുത്തി അലങ്കരിച്ചിരിക്കുകയാണ്. വഴി വാണിഭക്കാര് എല്ലാ റോഡുകളും കൈയടക്കി കഴിഞ്ഞു. ജാതിമതഭേദമന്യേ എല്ലാ വിഭാഗം ജനങ്ങളും ഒന്നു ചേരാനും ബന്ധങ്ങള് ഊട്ടിയുറപ്പിക്കാനുമുള്ള അവസരം കൂടിയാണ് പിണ്ടിപ്പെരുന്നാള്. പലഹാര പണികള് പൂര്ത്തിയാക്കി വീട്ടമ്മമാര് ബന്ധുമിത്രാദികളെ വരവേല്ക്കാന് തയാറായിക്കഴിഞ്ഞു. ഒട്ടേറെ പുതുമകളോടെയാണ് കത്തീഡ്രല് ദേവാലയത്തിലെ ഇത്തവണത്തെ ദീപാലങ്കാരം. കത്തീഡ്രല് ദേവാലയത്തിലെ ദീപാലങ്കാരങ്ങളുടേയും പള്ളിയുടെ തെക്കേ നടയിലും കിഴക്കേ നടയിലും ഒരുക്കിയിട്ടുള്ള ബഹുനിലപന്തലുകളുടേയും സ്വിച്ച് ഓണ് കര്മ്മം റൂറല് പോലീസ് അസിസ്റ്റന്റ് സൂപ്രണ്ട്് ടി. എസ്. സിനോജ് നിര്വഹിച്ചു. കത്തീഡ്രല് വികാരി റവ. ഡോ. ലാസര് കുറ്റിക്കാടന് അധ്യക്ഷത വഹിച്ചു. തിരുനാളിന് എത്തുന്നവര്ക്ക് അമ്പ് എഴുന്നെള്ളിക്കുന്നതിന് പ്രത്യേക സംവിധാനം ഏര്പ്പെടുത്തിയിട്ടുണ്ട്.
കത്തീഡ്രലില് ഇന്ന്
വൈകീട്ട് 5.30ന് നടക്കുന്ന ആഘോഷമായ ദിവ്യബലിക്കുശേഷം പള്ളിചുറ്റി പ്രദക്ഷിണവും രൂപം പ്രത്യേകം തയ്യാറാക്കിയ പന്തലിലേക്ക് എഴുന്നെള്ളിച്ച് വെയ്ക്കലും നേര്ച്ച വെഞ്ചിരിപ്പും നടക്കും. രാത്രി എട്ടിന് മതസൗഹാര്ദ സമ്മേളനം. ബിഷപ്പ് മാര് പോളി കണ്ണൂക്കാടന് അധ്യക്ഷത വഹിക്കും. വലിയങ്ങാടി, കുരിശങ്ങാടി, കോമ്പാറ, കാട്ടുങ്ങച്ചിറ എന്നീ വിഭാഗങ്ങളുടെ അമ്പെഴുന്നെള്ളിപ്പുകള് രാത്രി 12ന് പള്ളിയിലെത്തും.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ഇരിങ്ങാലക്കുട സെന്റ് തോമസ് കത്തീഡ്രലിലെ പിണ്ടിപ്പെരുന്നാളിനോടനുബന്ധിച്ച് നടന്ന മത സൗഹാര്ദസമ്മേളന ചടങ്ങില് ബിഷപ്പ് മാര് പോളി കണ്ണൂക്കാടന് പിണ്ടിയില് തിരി തെളിയിക്കുന്നു 
വിശ്വാസദീപ്തിയില് ഇരിങ്ങാലക്കുട പിണ്ടിപ്പെരുന്നാള്, വന് ഭക്തജന പ്രവാഹം തിരുസ്വരൂപം എഴുന്നള്ളിച്ച് വെക്കല് ഭക്തിസാന്ദ്രം 
സൗഹാര്ദ സന്ദേശം നല്കി ഇരിങ്ങാലക്കുട സെന്റ് തോമസ് കത്തീഡ്രല് ദേവാലയത്തിലെ പിണ്ടിപ്പെരുന്നാള് പ്രദക്ഷിണം 
ഇരിങ്ങാലക്കുട പൂതംകുളം – ചന്തക്കുന്ന് റോഡ് നാലുവരിപ്പാത വികസനം 
തൃശൂര് ജില്ലാ പഞ്ചായത്ത് മുരിയാട് ഡിവിഷന്റെ നേതൃത്വത്തില് സഞ്ജീവനം: ആരോഗ്യസദസുകള്ക്ക് തുടക്കമായി 
ഇരിങ്ങാലക്കുടയിലെ ക്രൈസ്റ്റ് കോളേജില് കാവുകളെക്കുറിച്ചുള്ള ത്രിദിന ദേശീയ സെമിനാര് സംഘടിപ്പിച്ചു