ഇരിങ്ങാലക്കുട വെസ്റ്റ് ഡോളേഴ്‌സ് ഇടവകയില്‍ തിരുനാള്‍ ഇന്നും നാളെയും

January 17, 2026

Social media

ഇരിങ്ങാലക്കുട: വെസ്റ്റ് ഡോളേഴ്‌സ് ഇടവകയില്‍ പരിശുദ്ധ വ്യാകുല മാതാവിന്റെയും വിശുദ്ധ സെബസ്ത്യാനോസിന്റെയും സംയുക്ത തിരുനാള്‍ ഇന്നും നാളെയും നടക്കും. വികാരി ഫാ. ഫ്രാന്‍സിസ് കൊടിയന്‍ കൊടിയേറ്റം നിര്‍വഹിച്ചു. ഇന്ന് രാവിലെ 6.30 ന് നടക്കുന്ന ദിവ്യബലിക്ക് ഫാ. സീമോന്‍ കാഞ്ഞിത്തറ മുഖ്യകാര്‍മ്മികത്വം വഹിച്ചു. തുടര്‍ന്ന് പ്രസുദേന്തി വാഴ്ച, ലദീത്ത്, നൊവേന, രൂപം എഴുന്നഴിച്ചു വയ്ക്കല്‍, വീടുകളിലേക്ക് അമ്പ് പ്രദക്ഷിണം എന്നിവ നടക്കും.

നാളെ തിരുനാള്‍ ദിനത്തില്‍ രാവിലെ 6.30 ന്, 10.30ന് ദിവ്യബലിയും, പ്രസുദേന്തി വാഴ്ചയും ഉണ്ടായിരിക്കും. 10.30 ന്റെ നടക്കുന്ന ദിവ്യബലിക്ക് ഫാ. പോള്‍ നടയ്ക്കല്‍ മുഖ്യകാര്‍മ്മികത്വം വഹിക്കും. ഫാ. സിജോ വര്‍ഗീസ് പൈനാടത്ത് തിരുനാള്‍ സന്ദേശം നല്‍കും. ഉച്ചതിരിഞ്ഞ് നാലിന് ആരംഭിക്കുന്ന പ്രദക്ഷിണം വൈകിട്ട് ഏഴിന് പള്ളിയില്‍ സമാപിക്കും. തുടര്‍ന്ന് വര്‍ണ്ണനഴ. 19 ന് രാവിലെ 6.30 ന് പൂര്‍വികര്‍ക്കുള്ള ദിവ്യബലി ഉണ്ടായിരിക്കും. വൈകിട്ട് ഏഴിന് കലാസന്ധ്യ. തിരുനാളിന്റെ വിജയത്തിനായി വികാരി ഫാ. ഫ്രാന്‍സിസ് കൊടിയന്‍, കൈക്കാരന്മാരായ സുനില്‍ ജേക്കബ്, സാംസന്‍ തോമസ്, വിനോയ് വര്‍ഗീസ്, ജനറല്‍ കണ്‍വീനര്‍ ഷാജു അന്തോണി, ജോ കണ്‍വീനര്‍ ലിജോ പൗലോസ്, പബ്ലിസിറ്റി കണ്‍വീനര്‍ സെബി ജോസഫ് എന്നിവരുടെ നേതൃത്വത്തില്‍ വിപുലമായ കമ്മിറ്റിയാണ് പ്രവര്‍ത്തിക്കുന്നത്.