കര്‍മമേഖലകളില്‍ സ്ത്രീകള്‍ നടത്തുന്ന മുന്നേറ്റങ്ങള്‍ എന്നും അടയാളങ്ങളാണ്: സോണിയ ഗിരി
ഇരിങ്ങാലക്കുട: കര്‍മമേഖലകളില്‍ സ്ത്രീകള്‍ നടത്തുന്ന മുന്നേറ്റങ്ങള്‍ എന്നും അടയാളങ്ങളാണെന്നു സോണിയഗിരി പറഞ്ഞു. ഇരിങ്ങാലക്കുട ലയണ്‍സ് ക്ലബിന്റെ ആഭിമുഖ്യത്തില്‍ അന്താരാഷ്ട്ര വനിതാദിനത്തിനോടനുബന്ധിച്ച് സമൂഹത്തിന്റെ ഉന്നമനത്തിനായി നിലകൊള്ളുന്ന വനിത രത്‌നങ്ങളെ ആദരിച്ച ‘ജ്വാല 2021’ ഉദ്ഘാടനം ചെയ്തു സംസാരിക്കുകയായിരുന്നു സോണിയഗിരി. തദേശ സ്വയംഭരണ സ്ഥാപനങ്ങളിലടക്കം 50 ശതമാനമാണു വനിത സംവരണമെങ്കിലും അതിലും കൂടുതലാണു വനിത പ്രാതിനിധ്യം ഉള്ളതെന്നു സോണിയഗിരി പറഞ്ഞു. ഇരിങ്ങാലക്കുട ലയണ്‍സ് ക്ലബ് ഹാളില്‍ നടന്ന ചടങ്ങില്‍ ലയണ്‍സ് ക്ലബ് പ്രസിഡന്റ് വീണ ബിജോയ് അധ്യക്ഷത വഹിച്ചു. കോവിഡ് കാലത്ത് മരണാനന്തര മൃതദേഹ സംസ്‌കാരത്തിനു സധൈര്യം മുന്നോട്ടു വന്ന പി.ജെ. സുബീനയെ ചടങ്ങില്‍ ആദരിച്ചു. വനിതാദിന ആഘോഷത്തിനോടനുബന്ധിച്ച് ഇരിങ്ങാലക്കുട നഗരസഭയിലെ 60 അങ്കണവാടിയിലെ ടീച്ചര്‍മാര്‍ക്കു അഡ്വ. ആശാ ഉണ്ണിത്താന്‍ ക്ലാസ് നയിച്ചു. നിര്‍ധനരായ കുടുംബത്തിനു ഭവന നിര്‍മാണ സഹായധനം വിതരണം ചെയ്തു. ലയണ്‍സ് ക്ലബ് പ്രസിഡന്റ് ബിജോയ് പോള്‍, ലയണ്‍സ് ക്ലബ് റീജിയന്‍ ചെയര്‍മാന്‍ ബാബു കൂവ്വക്കാടന്‍, സോണ്‍ ചെയര്‍മാന്‍ ഷാജന്‍ ചക്കാലക്കല്‍, ഏരിയ ചെയര്‍പേഴ്‌സണ്‍ ജ്യോതി കിഷോര്‍, സി. ഷാലിന്‍, നഗരസഭ കൗണ്‍സിലര്‍ ഫെനി എബിന്‍, ലയണ്‍സ് ക്ലബ് സെക്രട്ടറി റെന്‍സി ജോണ്‍ നിധിന്‍, ട്രഷറര്‍ എല്‍സലെറ്റ് ജോണ്‍ എന്നിവര്‍ പ്രസംഗിച്ചു. ലയണ്‍സ് ക്ലബ് സെക്രട്ടറി അഡ്വ. ജോണ്‍ നിധിന്‍, ട്രഷറര്‍ ജോണ്‍ തോമസ് എന്നിവര്‍ നേതൃത്വം നല്‍കി.
About Author
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
നവജാതശിശു സംരക്ഷണ വാരാചരണത്തിന് തുടക്കമായി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
ക്രൈസ്റ്റ് എന്‍ജിനീയറിംഗ് കോളജില്‍ ഹയര്‍ സെക്കന്‍ഡറി അധ്യാപകര്‍ക്ക് ആദരം ഗ്രെയ്‌സ് 2024 നടന്നു 
