നരേന്ദ്രമോഡി സര്ക്കാരിന്റെ സത്യപ്രതിജ്ഞ; ഇരിങ്ങാലക്കുടയില് വിജയോത്സവം സംഘടിപ്പിച്ചു
നരേന്ദ്രമോഡി സര്ക്കാരിന്റെ സത്യപ്രതിജ്ഞയുടെ ഭാഗമായി എന്ഡിഎ ഇരിങ്ങാലക്കുട ടൗണില് നടത്തിയ വിജയോല്സവ പ്രകടനം.
ഇരിങ്ങാലക്കുട : നരേന്ദ്രമോഡി സര്ക്കാരിന്റെ സത്യപ്രതിജ്ഞയും തൃശൂര് ലോക്സഭാ മണ്ഡലത്തിലെ ഉജ്ജല വിജയവും ഇരിങ്ങാലക്കുട നിയോജകമണ്ഡലത്തിലെ മുന്നേറ്റവും ആഘോഷിച്ച് എന്ഡിഎ പ്രവര്ത്തകര്. വാദ്യഘോഷങ്ങളുടെയും കാവടികളുടെയും അകമ്പടിയോടെ ഇരിങ്ങാലക്കുട കൂടല്മാണിക്യം ക്ഷേത്രം കിഴക്കേ നടയില് നിന്നും ആരംഭിച്ച വിജയോല്സവ പ്രകടനം നഗരം ചുറ്റി ബസ് സ്റ്റാന്ഡ് പരിസരത്ത് സമാപിച്ചു. ബിജെപി സംസ്ഥാന കമ്മിറ്റി അംഗം സന്തോഷ് ചെറാക്കുളം, എന്ഡിഎ നിയോജക മണ്ഡലം ചെയര്മാന് കൃപേഷ് ചെമ്മണ്ട, കണ്വീനര് എ ആര് ജയചന്ദ്രന് തുടങ്ങിയവര് നേത്യത്വം നല്കി.
സുരേഷ് ഗോപിയെ വിജയിപ്പിച്ചതിന് നന്ദിയറിയിച്ച് സുരേഷ് ഗോപിയുടെ കൈയൊപ്പോടെയുള്ള കാര്ഡും മധുരപലഹാരങ്ങളും എല്ലാ വീടുകളിലും വിതരണം ചെയ്യുമെന്നും എന്ഡിഎ നേതൃത്വം അറിയിച്ചു. യു.ഡി.എഫും, എല്.ഡി.എഫും ജനകീയവിഷയങ്ങള് കൈകാര്യം ചെയ്യുന്നതിലുള്ള പിടിപ്പുകേടും രാഷ്ട്രീയ കപടതയും തിരിച്ചറിഞ്ഞ് പൊതുജനം ജാതിമതഭേദമെന്യേ വോട്ടുചെയ്തതാണ് സുരേഷ് ഗോപിയെ വിജയിപ്പിച്ചതെന്ന് എന്.ഡി.എ. നേതാക്കള് പറഞ്ഞു.
ലോക്സഭാ തിരഞ്ഞെടുപ്പില് ഇരിങ്ങാലക്കുട നിയോജകമണ്ഡലത്തിലെ 181 ബൂത്തില് 101 ബൂത്തിലും എന്.ഡി.എ. ഒന്നാമതെത്തി. ഇരിങ്ങാലക്കുടയില് 13,000 ലധികം വോട്ടുകളുടെ ഭൂരിപക്ഷമാണ് നേടിയത്. 2019ലെക്കാള് 17,000 വോട്ടിന്റെ വര്ധന. കരുവന്നൂര് ബാങ്ക് സ്ഥിതിചെയ്യുന്ന പൊറത്തിശ്ശേരി മേഖലയില്നിന്നുമാത്രം 44 ശതമാനം വോട്ട് നേടി. 19 ബൂത്തുകളില് ഒന്നാം സ്ഥാനത്തെത്തി.
About Author
കരാഞ്ചിറ സെന്റ് സേവിയേഴ്സ് ഹൈസ്കൂളില് സ്മാര്ട്ട് ക്ലാസ് റൂമുകള് മന്ത്രി ഡോ.ആര്. ബിന്ദു ഉദ്ഘാടനം ചെയ്തു 
കെഎസ്ഇബി ജലം വിട്ടു നല്കുന്നില്ല. തുമ്പൂര് വഴിക്കിലിച്ചിറയില് വരണ്ടുണങ്ങി; പുഞ്ച കൃഷി കര്ഷകര് പ്രതിസന്ധിയില് 
ശ്രീ വിശ്വനാഥപുരം ക്ഷേത്രത്തിലെ കാവടി പൂര മഹോല്സവം നാളെ 
അസഭ്യം പറഞ്ഞത് ചോദ്യം ചെയ്തതിനെ തുടര്ന്നുള്ള വൈരാഗ്യത്താല് ആക്രമണം; സ്റ്റേഷന് റൗഡി അറസ്റ്റില് 
അഡ്വ. തോമസ് ഉണ്ണിയാടനു വിജയ സാധ്യതയില്ല എന്ന അഭിപ്രായത്തില് മാറ്റമില്ല യൂത്ത് കോണ്ഗ്രസ് 
പച്ചക്കുടയ്ക്കു കീഴില് പൂമംഗലം പടിയൂര് സമഗ്ര കോള് കൃഷിവികസന പദ്ധതിക്ക് തുടക്കമായി