നൂലിഴകളിലെ വിശുദ്ധ അന്തോണീസ്; തിരുനാള്‍ദിനം മനോഹരമാക്കി യുവജനങ്ങള്‍
പാദുവനഗര്‍ ഇടവകയിലെ തിരുനാളിന്‍റെ ഭാഗമായി കെസിവൈഎം യുവജനങ്ങള്‍ രൂപംനല്‍കിയ വിശുദ്ധ അന്തോണീസിന്റെ ത്രെഡ് ആര്‍ട്ട് ചിത്രവുമായി.
ഐക്കരക്കുന്ന്: ഇടവക മധ്യസ്ഥന്‍റെ ഓര്‍മത്തിരുനാള്‍ വ്യത്യസ്തമാക്കി യുവജനങ്ങള്‍. നൂലിഴകളില്‍ വിശുദ്ധ അന്തോണീസിന്റെ ചിത്രം തയാറാക്കിയാണ് പാദുവനഗര്‍ സെന്‍റ് ആന്‍റണീസ് ഇടവകയിലെ കെസിവൈഎം യുവജനങ്ങള്‍ തിരുനാള്‍ ആചരണം വ്യത്യസ്തമാക്കിയത്. ഇടവകയിലെ യുവജനങ്ങളുടെ നേതൃത്വത്തില്‍ 20 മണിക്കൂര്‍കൊണ്ട് 6000 നൂലിഴകളിലാണ് ഉണ്ണിയേശുവിനെ കൈകളിലേന്തിയ വിശുദ്ധ അന്തോണീസിന്റെ ത്രെഡ് ആര്‍ട്ട് ചിത്രം തയാറാക്കിയത്. ഇടവക വികാരി ഫാ. റിജോ ആലപ്പാട്ട്, പാസ്റ്ററല്‍ കൗണ്‍സില്‍ അംഗം ബ്രിന്‍റോ കുരിയന്‍, കോ-ഓര്‍ഡിനേറ്റര്‍മാരായ എസ്തര്‍ ഡൊമിനി, ഷാരോണ്‍ ഷാജി, എഡ്വേര്‍ഡ് ജീജോ, ആന്‌റിയ ഫ്രാങ്കോ എന്നിവരുടെ നേതൃത്വത്തില്‍ 20 ഓളം യുവജനങ്ങളാണ് ചിത്രത്തിന് രൂപംനല്‍കിയത്. ചിത്രത്തിന്‍റെ അനാഛാദനം ഫാ. ജോമിന്‍ ചെരടായി നിര്‍വഹിച്ചു. നാളെയാണ് പാദുവനഗര്‍ സെന്‍റ് ആന്‍റണീസ് ഇടവക ദേവാലയത്തില്‍ ഊട്ടുതിരുനാള്‍ നടക്കുന്നത്. ഫാ. ആന്‍റോ പാണാടന്‍ തിരുനാള്‍കര്‍മങ്ങള്‍ക്ക് മുഖ്യകാര്‍മികത്വം വഹിക്കും.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
