എം.ടി. വാസുദേവന്‍നായരുടെ വിയോഗം; വര്‍ണ്ണക്കുട 26, 27 തിയതികളിലെ പരിപാടികള്‍ മാറ്റി വച്ചു
ഡിസംബര്‍ 28, 29, 30 തീയതികളില്‍ മെഗാ ഇവന്റുകള്‍ അടക്കമുള്ള പരിപാടികള്‍ അരങ്ങേറുമെന്ന് മന്ത്രി ഡോ. ആര്‍. ബിന്ദു
ഇരിങ്ങാലക്കുട: എം.ടി.യുടെ വിയോഗത്തെത്തുടര്‍ന്ന് സംസ്ഥാനത്ത് രണ്ടുദിവസത്തെ ദുഖാചരണം പ്രഖ്യാപിച്ചിട്ടുള്ള സാഹചര്യത്തില്‍ ഇരിങ്ങാലക്കുടയില്‍ നടന്നു വരുന്ന വര്‍ണ്ണക്കുട സാംസ്‌കാരികോത്സവത്തിന്റെ രണ്ട് ദിവസത്തെ പരിപാടികള്‍ മാറ്റി വച്ചു. ഡിസംബര്‍ 26, 27 തിയതികളിലെ പരിപാടികള്‍ മാറ്റിയതായി ഉന്നത വിദ്യാഭ്യാസ വകുപ്പ് മന്ത്രി ഡോ. ആര്‍. ബിന്ദു പത്രസമ്മേളനത്തില്‍ അറിയിച്ചു. ഡിസംബര്‍ 28, 29, 30 തീയതികളിലേക്കാണ് പരിപാടികള്‍ മാറ്റിയിട്ടുള്ളത്. മെഗാ ഇവന്റുകളായ സിത്താര കൃഷ്ണകുമാറിന്റെ മ്യൂസിക് ബാന്‍ഡ് ഡിസംബര്‍ 28 നും ആല്‍മരം മ്യൂസിക് ബാന്‍ഡ് 29 നും ഗൗരിലക്ഷ്മി നയിക്കുന്ന ഡാന്‍സ് മ്യൂസിക് ബാന്‍ഡ് 30 നും നടക്കുമെന്ന് മന്ത്രി അറിയിച്ചു. സംഘാടകരും ജനപ്രതിനിധികളുമായ ഇരിങ്ങാലക്കുട നഗരസഭ ചെയര്‍പേഴ്‌സണ്‍ മേരിക്കുട്ടി ജോയ്, മുരിയാട് ഗ്രാമപ്പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി, പൂമംഗലം പഞ്ചായത്ത് പ്രസിഡന്റ് കെ.എസ്. തമ്പി, കാട്ടൂര്‍ പഞ്ചായത്ത് പ്രസിഡന്റ് ടി.വി. ലത, വേളൂക്കര പഞ്ചായത്ത് പ്രസിഡന്റ് കെ.എസ്. ധനീഷ് എന്നിവരും പത്രസമ്മേളനത്തില്‍ പങ്കെടുത്തു.
About Author
രാജ്യത്തിന്റെ 76ാം റിപ്പബ്ലിക് ദിന പരേഡില്‍ ഇരിങ്ങാലക്കുട സെന്റ് ജോസഫ്‌സ് കോളജ് എന്‍സിസി യൂണിറ്റിന്റെ സാന്നിദ്ധ്യം 
ക്രൈസ്റ്റ് കോളജിലെ മലയാളഭാഷ പഠിക്കുന്ന വിദ്യാര്‍ഥികള്‍ക്ക് പ്രഫ. മാമ്പുഴ കുമാരന്‍ എന്‍ഡോവ്‌മെന്റ് പുരസ്‌കാരം 
ഈ കാരുണ്യയാത്ര, അപകടത്തില്‍ ഗുരുതര പരിക്കേറ്റ് ചികില്‍സയില്‍ കഴിയുന്ന പെണ്‍കുട്ടിക്കായ് 
ഗുരുസ്മൃതി നാട്യവാദ്യോത്സവം അമ്മന്നൂര്‍ സ്മാരക ഗുരുകുലത്തിലെ മാധവനാട്യ ഭൂമിയില്‍ ആരംഭിച്ചു 
പുല്ലൂര്‍ സെന്റ് സേവിയേഴ്‌സ് ഇടവക ദേവാലയത്തില്‍ തിരുനാള്‍ ഇന്നും നാളെയും 
ലെജന്റ്‌സ് ഓഫ് ഇരിങ്ങാലക്കുട ക്രിസ്മസ് ആഘോഷം സംഘടിപ്പിച്ചു 
