നീതിയുടെ പ്രകാശം ലഭിക്കുവാന്‍ കോടതികള്‍ സഹായകരമാകണം: സുപ്രീംകോടതി ചീഫ് ജസ്റ്റിസ് സൂര്യകാന്ത്
ഇരിങ്ങാലക്കുട ജുഡീഷ്യല്‍ കോംപ്ലക്‌സിന്റെ ഉദ്ഘാടന ചടങ്ങില്‍ ഹൈക്കോടതി ചീഫ് ജസ്റ്റിസ് സൗമെന്‍സെന്‍ സംസാരിക്കുന്നു.
ഇരിങ്ങാലക്കുട: നീതിയുടെ പ്രകാശം ലഭിക്കുവാന്‍ കോടതികള്‍ സഹായകരമാകണമെന്ന് സുപ്രീംകോടതി ചീഫ് ജസ്റ്റിസ് സൂര്യകാന്ത് അഭിപ്രായപ്പെട്ടു.
ഹൈക്കോടതി കഴിഞ്ഞാല്‍ സംസ്ഥാനത്തെ ഏറ്റവും വലിയ കോടതി സമുച്ചയമായ ഇരിങ്ങാലക്കുട ജുഡീഷ്യല്‍ കോംപ്ലക്‌സിന്റെ ഉദ്ഘാടനം ഓണ്‍ലൈനായി നിര്‍വഹിച്ചു സംസാരിക്കുകയായിരന്നു ചീഫ് ജസ്റ്റിസ്. പുതിയ സാങ്കേതിക വിദ്യകള്‍ക്കനുസരിച്ച് നടത്തിയ ആധുനികവത്കരണമാണ് ഇരിങ്ങാലക്കുടയിലെ കോടതി സമുച്ചയത്തിന്റെ നിര്‍മാണത്തില്‍ ഉണ്ടായിരിക്കുന്നത്. പ്രകൃതി ദുരന്തങ്ങളില്‍ മരിച്ചവര്‍ക്ക് അനുശോചനവും കോടതി സമുച്ചയത്തിന്റെ പണികള്‍ പൂര്‍ത്തീകരിച്ച കേന്ദ്ര സംസ്ഥാന സര്‍ക്കാരുകള്‍ക്ക് നന്ദിയും അദ്ദേഹം പറഞ്ഞു. കേരള ഹൈക്കോടതി ചീഫ് ജസ്റ്റിസ് സൗമെന്‍സെന്‍ അധ്യക്ഷത വഹിച്ചു. കേരള ഹൈക്കോടതി ജഡ്ജി എസ്. ഈശ്വരന്‍, അഡ്വക്കേറ്റ് ജനറല്‍ കെ. ജാജു ബാബു, ഇരിങ്ങാലക്കുട ബാര്‍ അസോസിയേഷന്‍ പ്രസിഡന്റ് അഡ്വ.വി.എസ്. ലിയോ എന്നിവര്‍ ചടങ്ങില്‍ പങ്കെടുത്തു. കേരള ഹൈക്കോടതി ജഡ്ജി പി.വി. കുഞ്ഞികൃഷ്ണന്‍ സ്വാഗതവും തൃശൂര്‍ ജില്ലാ പ്രിന്‍സിപ്പല്‍ ജഡ്ജി പി.എസ്. ശശികുമാര്‍ നന്ദിയും പറഞ്ഞു. 93.25 കോടി ചെലവഴിച്ച് 80 മീറ്റര്‍ നീളത്തിലും 45 മീറ്റര്‍ വീതിയിലുമായി 1.68 ലക്ഷം ചതുരശ്ര അടിയില്‍ ഏഴുനിലകളിലായിട്ടാണ് കോര്‍ട്ട് കോംപ്ലക്‌സ് നിര്‍മിച്ചിരിക്കുന്നത്. പത്ത് കോടതികളും അനുബന്ധ സൗകര്യങ്ങളും നൂറു കാറുകള്‍, ടൂവീലര്‍ പാര്‍ക്കിംഗ് സൗകര്യവും കോര്‍ട്ട് കോംപ്ലക്‌സില്‍ സജ്ജമാക്കിയിട്ടുണ്ട്. റെക്കോഡ് റൂം, ഇലക്ട്രിക് സബ് സ്റ്റേഷന്‍, ജനറേറ്റര്‍, ബാര്‍ അസോസിയേഷന്‍, മീഡിയ റൂം, സെന്‍ട്രല്‍ ലൈബ്രറി, തുടങ്ങി അത്യാധുനിക സൗകര്യങ്ങളോടെയാണ് കോടതി സമുച്ചയം ഒരുക്കിയിട്ടുള്ളത്.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ചെന്ത്രാപ്പിന്നി എസ്എന്‍ വിദ്യാഭവന്‍ സീനിയര്‍ സെക്കന്‍ഡറി സ്‌കൂളിന് കിരീടം 
എവുപ്രാസ്യ ജന്മഗൃഹ കപ്പേളയില്‍ 149-ാം ജന്മദിനത്തിരുനാള്‍ ആഘോഷിച്ചു 
പടിയൂരില്‍ കാട്ടുപന്നി ശല്യം രൂക്ഷം; നെല്‍കൃഷി കുത്തിയിളക്കി നശിപ്പിച്ചു 
കുച്ചിപ്പുടിയില്‍ വീണ്ടും കാറ്റ്‌ലിന്റെ വിജയത്തിളക്കം; സഹോദയ കലോത്സവത്തില്‍ ഒന്നാം സ്ഥാനം 
ഭരതനാട്യത്തില്‍ മികവിന്റെ മുദ്ര പതിപ്പിച്ച് കാറ്റ്‌ലിന്‍; സഹോദയ കലോത്സവത്തില്‍ തുടര്‍ച്ചയായ മൂന്നാം വര്‍ഷവും ഒന്നാം സ്ഥാനം 
തെളിവ് മായ്ക്കാന്‍ മുളകുപൊടി വിതറി;പാക്കറ്റിലെ വിരലടയാളം പ്രതിയെ കുടുക്കി 
