ഇരിങ്ങാലക്കുട കെഎസ്ആര്ടിസി ഓപ്പറേറ്റിംഗ് സെന്റര് ജീവനക്കാരില്ല, ബസില്ല, സര്വീസുകള് കട്ടപ്പുറത്ത്
ഇരിങ്ങാലക്കുട കെഎസ്ആര്ടിസി ഓപ്പറേറ്റിംഗ് സെന്റര്.
ഇരിങ്ങാലക്കുട: ആവശ്യത്തിന് ജീവനക്കാരോ ബസുകളോ ഇല്ലാതെ ഇരിങ്ങാലക്കുട കെഎസ്ആര്ടിസി ഓപ്പറേറ്റിംഗ് സെന്ററിന്റെ പ്രവര്ത്തനം താളംതെറ്റുന്നു. താത്കാലിക ജീവനക്കാരെ ഒഴിവാക്കിയതിനുശേഷം പുതിയ നിയമനം നടക്കാത്തതിനാലാണ് ദൈനംദിന പ്രവര്ത്തനങ്ങള് പ്രതിസന്ധിയിലായിരിക്കുന്നത്. നിലവില് നൈറ്റ് ടിക്കറ്റ് ആന്ഡ് കാഷില് ഒരാളും ഒരു അസിസ്റ്റന്റും മാത്രമാണുള്ളത്. ഇവര് മാറിമാറിയാണ് ഏഴുദിവസവും ഡ്യൂട്ടിക്ക് ഹാജരാകുന്നത്. പകല് ഓഫീസ് പ്രവര്ത്തനങ്ങള്ക്ക് ആളില്ല. ഓപ്പറേറ്റിംഗ്, ഓഫീസ്, ടിക്കറ്റ് കാഷ് പ്രവര്ത്തനത്തിന് രണ്ട് ജീവനക്കാര് വേണ്ട സ്ഥാനത്താണ് ഈ അവസ്ഥ. ജീവനക്കാരുമായി ബന്ധപ്പെട്ടുള്ള മറ്റ് ഓഫീസ്
പ്രവര്ത്തനങ്ങള്ക്ക് മാസങ്ങളായി ആരുമില്ല.
ഇതുമൂലം ജീവനക്കാരുടെ അറ്റന്ഡന്സ്, അക്കൗണ്ട്സ്, മറ്റു ഓഫീസ് പ്രവര്ത്തനങ്ങള് കൂടാതെ വര്ക്ഷോപ്പ് സംബന്ധിച്ച ഓഫീസ് പ്രവര്ത്തനങ്ങള് എന്നിവ പൂര്ണമായും നിലച്ചിരിക്കുകയാണ്. കെ സ്വിഫ്റ്റ് ഡ്രൈവര്, കണ്ടക്ടര് ജീവനക്കാരും, ബദലി കണ്ടക്ടര്, ഡ്രൈവര് ജീവനക്കാരുടേയും സ്ഥിരം ജീവനക്കാരുടെയും ഹാജര് കൃത്യമായി രേഖപ്പെടുത്താനും നിലവില് ആളില്ലാത്തതിനാല് നിലവില് നൈറ്റ് ഡ്യൂട്ടിയിലുള്ള ആള് ഇതെല്ലാം ചെയ്യണമെന്ന് യൂണിറ്റ് ഓഫീസര് താത്കാലിക ഉത്തരവ് നല്കിയിരിക്കുകയാണ്.
ഇതുമൂലം അഡ്മിനിസ്ട്രേഷന് ജോലികള് പൂര്ത്തിയാക്കുന്നതിന് നിലവിലുള്ള നൈറ്റ് ഡ്യൂ ട്ടി ചെയ്യുന്ന ജീവനക്കാരന് 24 മണിക്കൂര് തുടര്ച്ചയായി ജോലി ചെയ്യേണ്ട അവസ്ഥയിലുമാണ്. ഇരിങ്ങാലക്കുട ഓപ്പറേറ്റിംഗ് സെന്ററിലെ ജീവനക്കാരുടെ കുറവ് പരിഹരിക്കണമെന്നാവശ്യപ്പെട്ട് ഓഫീസ് തലത്തില് നിരന്തരം അറിയിച്ചിട്ടും യാതൊരു നടപടിയും ഉണ്ടായില്ലെന്ന് ജീവനക്കാര് പറഞ്ഞു. സ്ഥലം എംഎല്എയും മന്ത്രിയുമായ ആര്. ബിന്ദു മുഖാന്തരവും നിരന്തരം പരാതി നല്കിയിട്ടും ഫലമില്ല. ഏറെനാളായി ആവശ്യപ്പെട്ടിട്ടും ഒരു മന്ത്രിയുടെ നിയോജകമണ്ഡലത്തിലെ ഓപ്പറേറ്റിംഗ് സെന്റര് എന്ന പരിഗണന പോലും ലഭിക്കുന്നില്ലെന്ന് ജീവനക്കാര് ആരോപിച്ചു.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ക്രൈസ്റ്റ് എന്ജിനീയറിംഗ് കോളജില് മാനേജ്മെന്റ് ഫെസ്റ്റ് 
ഹോണ് അടിച്ചതിനെച്ചൊല്ലി തര്ക്കം; യുവാവിനെ കല്ലുകൊണ്ട് തലക്കടിച്ച് ഗുരുതരമായി പരിക്കേല്പ്പിച്ച കേസിലെ പ്രതി അറസ്റ്റില് 
കാട്ടൂര് സെന്റ് മേരീസ് ദേവാലയത്തില് തിരുനാളിന് കൊടിയേറി 
രാസ ലഹരി, കള്ളനോട്ട്, വധശ്രമം തുടങ്ങി നിരവധി ക്രിമിനല്ക്കേസില് പ്രതിയായ ദയാല് അറസ്റ്റില് 
ഭാര്യയെ കാറിടിപ്പിച്ച് പരിക്കേല്പ്പിച്ച കേസില് നിരവധി ക്രിമിനല്കേസില് പ്രതി അറസ്റ്റില് 
ഉല്സവത്തിന്റെ എഴുന്നള്ളിപ്പിനെത്തിയ ആന ഇടഞ്ഞത് പരിഭ്രാന്തി പരത്തി; ഇടഞ്ഞ ആന പിങ്ക് പോലീസിന്റെ കാര് കുത്തി മറച്ചിട്ടു