ഭാര്യയെ കാറിടിപ്പിച്ച് പരിക്കേല്പ്പിച്ച കേസില് നിരവധി ക്രിമിനല്കേസില് പ്രതി അറസ്റ്റില്
പ്രതി ഡെനീഷ്.
ആളൂര്: ഭാര്യയെ കാറിടിപ്പിച്ച് പരിക്കേല്പ്പിച്ച കേസില് നിരവധി ക്രിമിനല്കേസില് പ്രതി അറസ്റ്റില്. ആളൂര് വെള്ളാഞ്ചിറ പാലപ്പെട്ടി ഉന്നതി സ്വദേശി വല്ലിയങ്കല് വീട്ടില് ഡെനീഷ് (38) നെയാണ് എറണാകുളം കലൂരില് നിന്നും തൃശൂര് റൂറല് പോലീസ് അറസ്റ്റ് ചെയ്തത്. 2025 നവംബര് 11ന് 11.30 മണിയോടെ ആളൂര് പറമ്പിറോഡിന് അടുത്തുള്ള മുസ്ലിം പള്ളിക്ക് സമീപം വെച്ച് ടൂവീലറില് പോകുകയായിരുന്ന പരാതിക്കാരിയെ കാര് കുറുകെയിട്ട് തടഞ്ഞുനിര്ത്തി വണ്ടി കേറ്റി കൊല്ലുമെന്ന് ഭീഷണിപ്പെടുത്തിയും ഭയന്ന് വണ്ടിയെടുത്ത് മുന്നോട്ടുപോയ പരാതിക്കാരിയുടെ സ്കൂട്ടറില് കാറിടിപ്പിച്ച് വീഴ്ത്തുകയും ചെയ്തിരുന്നു.
വെള്ളാഞ്ചിറ സ്വദേശിയായ ഭാര്യയുടെ സ്വര്ണം പ്രതി പണയം വെച്ചത് തിരികെ എടുത്ത് കൊടുക്കാത്തതിനെ സംബന്ധിച്ച് പരാതിക്കാരി ആളൂര് പോലീസ് സ്റ്റേഷനില് പരാതി കൊടുത്തതിലുള്ള വൈരാഗ്യത്താലാണ് പ്രതി പരാതിക്കാരിയെ ആക്രമിച്ചത്. ഡെനീഷ് ചാലക്കുടി പോലീസ് സ്റ്റേഷനില് ഒരു വധശ്രമകേസിലും ഒരു അടിപിടികേസിലും മനുഷ്യ ജീവന് അപകടം വരത്തക്ക വിധം വാഹനമോടിച്ച ഒരു കേസിലും അങ്കമാലി പോലീസ് സ്റ്റേഷന് പരിധിയില് 2345 ലിറ്റര് സ്പിരിറ്റും 954 കുപ്പി ഇന്ത്യന് നിര്മിത വിദേശ മദ്യവും സഹിതം അറസ്റ്റിലായ കേസിലും അടക്കം നാല് ക്രിമിനല്ക്കേസുകളിലെ പ്രതിയാണ്. ആളൂര് പോലീസ് സ്റ്റേഷന് എസ്എച്ച്ഒ ബി. ഷാജിമോന്, എസ്ഐ കെ.ടി. ബെന്നി, എസ്ഐ ജയകുമാര്, ജിഎസ്സിപിഒ രാഗേഷ്, സിപിഒ മാരായ ഹരികൃഷ്ണന്, ആഷിക്, വിശാഖ് എന്നിവരാണ് പ്രതിയെ അറസ്റ്റ് ചെയ്ത അന്വേഷണ സംഘത്തിലുള്ളത്.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ക്രൈസ്റ്റ് എന്ജിനീയറിംഗ് കോളജില് മാനേജ്മെന്റ് ഫെസ്റ്റ് 
ഹോണ് അടിച്ചതിനെച്ചൊല്ലി തര്ക്കം; യുവാവിനെ കല്ലുകൊണ്ട് തലക്കടിച്ച് ഗുരുതരമായി പരിക്കേല്പ്പിച്ച കേസിലെ പ്രതി അറസ്റ്റില് 
കാട്ടൂര് സെന്റ് മേരീസ് ദേവാലയത്തില് തിരുനാളിന് കൊടിയേറി 
രാസ ലഹരി, കള്ളനോട്ട്, വധശ്രമം തുടങ്ങി നിരവധി ക്രിമിനല്ക്കേസില് പ്രതിയായ ദയാല് അറസ്റ്റില് 
ഉല്സവത്തിന്റെ എഴുന്നള്ളിപ്പിനെത്തിയ ആന ഇടഞ്ഞത് പരിഭ്രാന്തി പരത്തി; ഇടഞ്ഞ ആന പിങ്ക് പോലീസിന്റെ കാര് കുത്തി മറച്ചിട്ടു 
കല്ലേറ്റുംകര ഇന്ഫന്റ് ജീസസ് ഇടവകയില് തിരുനാള് ഇന്നും നാളെയും 