മദ്യലഹരില്‍ വാക്കുതര്‍ക്കം-യുവാവ് കുത്തേറ്റ് മരിച്ചു., മൂന്നു പേര്‍ കസ്റ്റഡിയില്‍
ഇരിങ്ങാലക്കുട: മദ്യലഹരിയിലുണ്ടായ വാക്കു തര്‍ക്കത്തിനിടയില്‍ യുവാവ് കുത്തേറ്റ് മരിച്ചു. കാറളം പഞ്ചായത്തില്‍ കിഴുത്താണി കൂത്തുപാലയ്ക്കല്‍ മോഹനന്റെ മകന്‍ ശരത് (39) ആണ് മരിച്ചത്. ഇന്നലെ വൈകീട്ട് എഴരയോടെ കാക്കാത്തുരുത്തി സ്വദേശി കൈമാപ്പറമ്പില്‍ വീട്ടില്‍ ജിജീഷ് (കുട്ടമണി ) യുടെ വീട്ടില്‍ വച്ചായിരുന്നു സംഭവം. സംഭവവുമായി ബന്ധപ്പെട്ട് മൂന്നു പേര്‍ കാട്ടൂര്‍ പോലീസിന്റെ കസ്റ്റഡിയില്‍ ഉണ്ട്. ഇന്നലെ ഏറെ നേരം ശരത്തും കൂട്ടരും ചേര്‍ന്ന് ജിജീഷിന്റെ വീട്ടില്‍ മദ്യപിക്കുന്നുണ്ടായിരുന്നു. മദ്യപാനത്തിനിടെ ഇവര്‍ തമ്മിലുണ്ടായ വാക്കുതര്‍ക്കത്തെ തുടര്‍ന്നാണ് ശരത്തിന് കുത്തേറ്റത്. കുത്തേറ്റ ശരത്തിനെ ആദ്യം ഇരിങ്ങാലക്കുട സഹകരണ ആശുപത്രിയിലും തുടര്‍ന്ന് തൃശൂരിലെ എലൈറ്റ് ആശുപത്രിയിലും പ്രവേശിപ്പിച്ചുവെങ്കിലും മരണപ്പെടുകയായിരുന്നു. വയറിലാണ് കുത്തേറ്റത്. സംഭവവുമായി ബന്ധപ്പെട്ട് പോലീസിന്റെ കസ്റ്റഡിയിലുള്ളവര്‍ നിരവധി ക്രിമിനല്‍ കേസുകളില്‍ പ്രതികളായുള്ളവരാണ്. ഇരിങ്ങാലക്കുട ഡിവൈഎസ്പി ടി.ആര്‍. രാജേഷ്, കാട്ടൂര്‍ സിഐ അനില്‍കുമാര്‍ എന്നിവരുടെ നേതൃത്വത്തില്‍ അന്വേഷണം നടക്കുന്നു.
About Author
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
ദേശീയ പല്ലാവൂര്‍ താള വാദ്യോത്സവത്തിന്റെ ഭാഗമായി നല്‍കുന്ന പുരസ്‌കാരങ്ങള്‍ പ്രഖ്യാപിച്ചു 
മുകുന്ദപുരം ചാലക്കുടി താലൂക്ക് തല വാരാഘോഷം ഉദ്ഘാടനം നടന്നു 
