വീടിനു നേരെ ആക്രമണം നടത്തുകയും ഭീഷണിപ്പെടുത്തുകയും ചെയ്ത സഹോദരങ്ങള്‍ അറസ്റ്റില്‍
ഇരിങ്ങാലക്കുട: കാറളം പഞ്ചായത്തിലെ താണിശേരിയില്‍ വീടിനു നേരെ അക്രമണം നടത്തുകയും വീട്ടുകാരെ അസഭ്യം പറയുകയും ഭീഷണിപ്പെടുത്തുകയും ചെയ്ത സഹോദരങ്ങള്‍ അറസ്റ്റില്‍. താണിശേരി ഹരിപുരം ആലക്കല്‍ വീട്ടില്‍ അഭയന്‍ (46), അരുണ്‍ (38) എന്നിവരെയാണു ഡിവൈഎസ്പി ഫേമസ് വര്‍ഗീസിന്റെ നിര്‍ദേശപ്രകാരം കാട്ടൂര്‍ എസ്‌ഐ വി.വി. വിമലും സംഘവും അറസ്റ്റു ചെയ്തത്. ഞായറാഴ്ച വൈകീട്ട് എഴരയോടെയായിരുന്നു സംഭവം. മദ്യലഹരിയിലായിരുന്ന പ്രതികള്‍ അയല്‍പക്കത്ത് താമസിക്കുന്ന ഹരിപുരം നടുപറമ്പില്‍ പരേതനായ രാജന്റെ ഭാര്യ സുലോചനയുടെ വീടിനു നേരെ കല്ലെറിയുകയും 65 വയസുള്ള സുലോചനയെ അസഭ്യം പറയുകയും ഭീഷണിപ്പെടുത്തുകയുമായിരുന്നുവെന്നു പോലീസ് പറഞ്ഞു. സംഭവ സമയത്ത് സുലോചനയുടെ മകനും ഭാര്യയും കുട്ടികളുമാണു വീട്ടിലുണ്ടായിരുന്നത്. വിവരമറിയച്ചതിനെ തുടര്‍ന്ന് പോലീസ് ഉദ്യോഗസ്ഥര്‍ രാത്രി തന്നെ വീട്ടില്‍ എത്തി അന്വേഷണം നടത്തിയിരുന്നു.
About Author
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
ക്രൈസ്റ്റ് കോളജില്‍ നടന്ന ജിയോ എക്‌സ്‌പോ 2024 സമാപിച്ചു 
ക്രൈസ്റ്റ് കോളജില്‍ ഇംഗ്ലീഷ് ഭാഷാ പഠനത്തില്‍ അന്താരാഷ്ട്ര സെമിനാര്‍ സംഘടിപ്പിച്ചു 
ബൈക്കുകളും സൈക്കിളും ലക്ഷ്യമിട്ടു കുട്ടി മോഷ്ടാക്കള്‍ പെരുകുന്നു 
