ഠാണാവിലെ സബ് ജയില്‍ ഭൂമി പോലീസിന് ഉപയോഗാനുമതി നല്‍കി
ഉടമസ്ഥാവകാശം റവന്യു വകുപ്പില്‍ തുടരും
ഇരിങ്ങാലക്കുട: ഠാണാവില്‍ സബ് ജയില്‍ പ്രവര്‍ത്തിച്ചിരുന്ന സ്ഥലം പൊലിസ് വകുപ്പിന് ഉപയോഗിക്കാനായി വിട്ടുനല്‍കിയതായി റവന്യു അധികൃതര്‍. ഭൂമിയുടെ ഉടമസ്ഥാവകാശം റവന്യു വകുപ്പില്‍ നിലനിര്‍ത്തിക്കൊണ്ടാണ് പൊലിസ് കണ്‍ട്രോള്‍ റൂം ഉള്‍പ്പടെയുള്ള നിര്‍മാണ പ്രവര്‍ത്തനങ്ങള്‍ക്കായി ഉപയോഗാനുമതി നല്‍കിയിരിക്കുന്നത്. 2024 ഓഗസ്റ്റ് 19ന് ഇതുസംബന്ധിച്ച് ജില്ലാ കളക്ടര്‍ ഉത്തരവ് പുറപ്പെടുവിച്ചിരുന്നതായി മുകുന്ദപുരം താലൂക്ക് വികസനസമിതി യോഗത്തില്‍ തഹസില്‍ദാര്‍ ആന്‍റോ ജേക്കബ് വ്യക്തമാക്കി. യോഗത്തില്‍ മറുപടി നല്‍കുകയായിരുന്നു അദ്ദേഹം. ബിടിആര്‍ പ്രകാരം സ്ഥലം പുറമ്പോക്ക് പോലീസ് സ്റ്റേഷന്‍ എന്നും സെറ്റില്‍മെന്‍റ് രജിസ്റ്റര്‍ പ്രകാരം ഇരിങ്ങാലക്കുട പോലീസ് സ്റ്റേഷന്‍ എന്നുമാണ് രേഖപ്പെടുത്തിയിരിക്കുന്നതെന്നും തഹസില്‍ദാര്‍ അറിയിച്ചു.
ഇരിങ്ങാലക്കുടയില്‍നിന്ന് രാമേശ്വരം, വേളാങ്കണ്ണി തുടങ്ങിയ പ്രധാന തീര്‍ഥാടനകേന്ദ്രങ്ങളിലേക്ക് കെഎസ്ആര്‍ടിസി ബസ് സര്‍വീസ് ആരംഭിക്കണമെന്ന ആവശ്യവും യോഗത്തില്‍ ഉയര്‍ന്നു. യാത്രക്കാരുടെയും തീര്‍ഥാടകരുടെയും സൗകര്യം പരിഗണിച്ച് സര്‍വീസ് ആരംഭിക്കുന്നതിന് നടപടി വേണമെന്നായിരുന്നു ആവശ്യം. ഗായകന്‍ പി. ജയചന്ദ്രന്‍റെ സ്മരണാര്‍ഥം ഇരിങ്ങാലക്കുടയില്‍ സ്മാരകം നിര്‍മിക്കണമെന്ന ആവശ്യം തൃശൂര്‍ എംപിയുടെ പ്രതിനിധി കൃപേഷ് ചെമ്മണ്ട ഉന്നയിച്ചു. വെള്ളാങ്കല്ലൂരില്‍ കെഎസ്ടിപിയുടെ റോഡ് നിര്‍മാണ പ്രവര്‍ത്തനങ്ങള്‍ പൂര്‍ണമായി നടപ്പാക്കിയിട്ടില്ലെന്നും ഇതുമൂലം വെള്ളക്കെട്ട് ഉള്‍പ്പടെയുള്ള പ്രശ്‌നങ്ങളും അപകടങ്ങളും ഉണ്ടാകുന്നതായും പഞ്ചായത്ത് വൈസ് പ്രസിഡന്‍റ് ഷംസു വെളുത്തേരി ചൂണ്ടിക്കാട്ടി.
പടിയൂര്‍ – പുളിക്കലച്ചിറ റോഡ് പൊതുമരാമത്ത് വകുപ്പിന് കൈമാറുന്നതുമായി ബന്ധപ്പെട്ട തീരുമാനം പഞ്ചായത്ത് ഭരണസമിതി എടുത്തുകഴിഞ്ഞതായി പ്രസിഡന്‍റ് കെ.പി. കണ്ണന്‍ അറിയിച്ചു. ഇരിങ്ങാലക്കുട ബസ് സ്റ്റാന്‍ഡില്‍ പെട്രോള്‍പമ്പിന് എതിര്‍വശത്ത് റോഡിനേക്കാള്‍ ഉയരത്തില്‍ സ്ഥതിചെയ്യുന്ന മൂന്ന് സ്ലാബുകള്‍ അപകടഭീഷണി ഉയര്‍ത്തുന്നതായും അവ നീക്കം ചെയ്യാന്‍ അടിയന്തരനടപടി സ്വീകരിക്കണമെന്നും സിപിഐ പ്രതിനിധി കെ.എസ്. പ്രസാദ് ആവശ്യപ്പെട്ടു. അളഗപ്പനഗര്‍ പഞ്ചായത്ത് പ്രസിഡന്‍റ് ഭാഗ്യവതി ചന്ദ്രന്‍ അധ്യക്ഷത വഹിച്ചു. മന്ത്രി ഒ.ജെ. ജനീഷിന്‍റെ പ്രതിനിധി ഇ.വി. സജീവ്, ചാലകകുടി എംപിയുടെ പ്രതിനിധി എ. ചന്ദ്രന്‍, പുതുക്കാട് എംഎല്‍എയുടെ പ്രതിനിധി എ.വി. ചന്ദ്രന്‍ തുടങ്ങിയവര്‍ പങ്കെടുത്തു.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
16-ാമത് റവന്യൂ ജില്ലാ ശാസ്‌ത്രോത്സവത്തില്‍ തൃശൂര്‍ ഈസ്റ്റ് ഉപജില്ല ഓവറോള്‍ ചാമ്പ്യന്മാര്‍ 
ഠാണാ ചന്തക്കുന്ന് റോഡിലെ അശാസ്ത്രീയ ഡിവൈഡര്‍ നിര്‍മാണം; ആശങ്കകള്‍ പരിഹരിക്കാതെ പണികള്‍ പുനരാരംഭിക്കില്ലെന്ന് കെഎസ്ടിപി 
ശാസ്ത്രസ്വപ്നങ്ങള്‍ക്ക് ചിറകുനല്‍കി കുരുന്നുപ്രതിഭകള്‍നൂതന ആശയങ്ങളും വിസ്മയാവിഷ്‌കാരങ്ങളുമായി തൃശൂര്‍ റവന്യൂ ജില്ലാ സ്‌കൂള്‍ ശാസ്‌ത്രോത്സവത്തിന് തുടക്കം 
ഠാണാ ചന്തക്കുന്ന് റോഡ്: ഡിവൈഡര്‍ അശാസ്ത്രീയം 
ഫോട്ടോഗ്രാഫിയുടെ ഋതുഭേദങ്ങള്‍ അടയാളപ്പെടുത്തിയ പുസ്തകശേഖരം സെന്റ് ജോസഫ്‌സ് കോളജിന് കൈമാറി എ.സി. ജയന്‍ 
തൃശൂര്‍ കൊടുങ്ങല്ലൂര്‍ സംസ്ഥാനപാത; നടവരമ്പ് ചിറവളവില്‍ റോഡ് ഗതാഗതത്തിനു തുറന്നു 
