ടവര്‍ നിര്‍മാണത്തിനെതിരെ പ്രതിഷേധവുമായി പ്രദേശവാസികള്‍
ഇരിങ്ങാലക്കുട: ജനവാസ കേന്ദ്രത്തിലെ മൊബൈല്‍ ടവര്‍ നിര്‍മാണത്തിനെതിരെ ശക്തമായ പ്രതിഷേധവുമായി പ്രദേശവാസികള്‍. ഇരിങ്ങാലക്കുട നഗരസഭയിലെ മുപ്പത്തിമൂന്നാം വാര്‍ഡിലെ പൊറത്തിശ്ശേരി കണ്ടാരം തറ പടിഞ്ഞാറു ഭാഗത്താണ് സ്വകാര്യ വ്യക്തിയുടെ സ്ഥലത്ത് ടവര്‍ നിര്‍മാണം ആരംഭിച്ചിട്ടുളളത്. നൂറോളം വീട്ടുകാര്‍ താമസിക്കുന്ന ഈ പ്രദേശത്ത് ക്യാന്‍സര്‍ രോഗികള്‍, വ്യക്ക രോഗികള്‍ തുടങ്ങി നിരവധി രോഗികള്‍ താമസിക്കുന്ന പ്രദേശമാണന്നും, ഇവരുടെ ജീവനു തന്നെ ഭീഷണി ഉയര്‍ത്തുന്നതാണ് ടവര്‍ നിര്‍മാണമെന്നും നാട്ടുകാര്‍ ചൂണ്ടിക്കാട്ടി. ഇത്തരം കാര്യങ്ങള്‍ ചൂണ്ടിക്കാട്ടി മന്ത്രിയടക്കമുള്ളവര്‍ക്ക് നിവേദനം നല്‍കിയിട്ടും യാതൊരു നടപടിയും ഇല്ലെന്ന് പ്രദേശവാസികള്‍ പറഞ്ഞു. ടവര്‍ നിര്‍മ്മിക്കുന്ന സ്ഥലമുടമയുടെ തന്നെ മറ്റൊരു സ്ഥലത്തേക്ക് ടവര്‍ നിര്‍മാണം മാറ്റണമെന്ന പ്രദേശവാസികളുടെ ആവശ്യത്തിനും അതിക്യതര്‍ ചെവി കൊടുത്തിട്ടില്ല. ടവര്‍ നിര്‍മാണത്തിനെതിരെയുള്ള പ്രതിഷേധത്തിനു നേരെ മുഖ്യധാര രാഷ്ട്രീയ പ്രസ്ഥാനങ്ങള്‍ മുഖം തിരിക്കുകയാണന്ന പരാതിയും പ്രദേശവാസികള്‍ക്കുണ്ട്. എം.എം. വിനയന്‍, എം.കെ. സാബു, ചിറ്റിലപ്പിള്ളി ഔസേപ്പ് എന്നിവര്‍ നേതൃത്വം നല്‍കി.
About Author
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
നവജാതശിശു സംരക്ഷണ വാരാചരണത്തിന് തുടക്കമായി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
ക്രൈസ്റ്റ് എന്‍ജിനീയറിംഗ് കോളജില്‍ ഹയര്‍ സെക്കന്‍ഡറി അധ്യാപകര്‍ക്ക് ആദരം ഗ്രെയ്‌സ് 2024 നടന്നു 
