പാറപ്പുറം സാംസ്കാരിക നിലയം: പ്രതീകാത്മക ഉദ്ഘാടനം നടത്തി ബിജെപി
നഗരസഭ 34-ാം വാര്ഡില് നിര്മ്മാണത്തിലിരിക്കുന്ന പാറപ്പുറം സാംസ്കാരിക നിലയത്തിന്റെ പ്രതീകാത്മക ഉദ്ഘാടനം വാര്ഡ് കൗണ്സിലര് വിജയകുമാരി അനിലന് ഉദ്ഘാടനം ചെയ്യുന്നു.
ഇരിങ്ങാലക്കുട: നഗരസഭ 34-ാം വാര്ഡില് നിര്മ്മാണത്തിലിരിക്കുന്ന പാറപ്പുറം സാംസ്കാരിക നിലയം നിലയത്തിന്റെ പ്രതീകാത്മക ഉദ്ഘാടനം വാര്ഡ് കൗണ്സിലര് വിജയകുമാരി അനിലന് ഉദ്ഘാടനം ചെയ്തു. 2020ല് 14,90,000 രൂപയും പട്ടികജാതി വികസന ഫണ്ടില് നിന്ന് നഗരസഭ വച്ച പ്രോജക്ട് പ്രകാരം 2022ല് നാല് ലക്ഷം രൂപയും, 2023ല് 10 ലക്ഷം രൂപയും, ഇലക്ട്രിക് വര്ക്കിന് 60000 രൂപയും ഫണ്ട് അനുവദിച്ചിട്ടും ഉദ്ഘാടന ചടങ്ങ് നീട്ടിക്കൊണ്ടു പോകുന്നതില് പ്രതിഷേധിച്ചായിരുന്നു പ്രതീകാത്മക ഉദ്ഘാടനം.
കൗണ്സിലര് രേഖാമൂലം പരാതി നല്കിയിട്ടും നഗരസഭ അധികാരികള് സാംസ്കാരിക നിലയത്തിന് കെട്ടിട നമ്പറും വൈദ്യുതിയും വെള്ളവും അനുവദിച്ചു തന്നില്ല. നഗരസഭയുടെ ഈ അനാസ്ഥ പട്ടികജാതി വിഭാഗങ്ങളോടുള്ള കനത്ത വെല്ലുവിളിയാണെന്ന് ബിജെപി കുറ്റപ്പെടുത്തി. ഉദ്ഘാടനവേളയില് സൗത്ത് ജില്ലാ ജനറല് സെക്രട്ടറി കെ.പി. ഉണ്ണികൃഷ്ണന്, പൊറത്തിശേരി ഏരിയ പ്രസിഡന്റ് സൂരജ് കടുങ്ങാടന്, മഹിള മോര്ച്ച ജില്ലാ ജനറല് സെക്രട്ടറി സിന്ധു സതീഷ് എന്നിവര് ആശംസകള് നേര്ന്നു.
വാര്ഡ് കണ്വീനര് വിപിന് രാജ് സ്വാഗതവും സുനില് കമലദളം നന്ദിയും പറഞ്ഞു. ജില്ലാ സെക്രട്ടറിമാരായ അഖിലാഷ് വിശ്വനാഥന്, അജീഷ് പൈക്കാട്ട്, മണ്ഡലം ജനറല് സെക്രട്ടറി വി.സി. രമേഷ്, കൗണ്സിലര്മാരായ അമ്പിളി ജയന്, സ്മിത കൃഷ്ണകുമാര്, മണ്ഡലം ട്രഷറര് ജോജന് കൊല്ലാട്ടില്, കര്ഷക മോര്ച്ച മണ്ഡലം ജനറല് സെക്രട്ടറി സുശിതാംബരന്, ഏരിയ കമ്മിറ്റി അംഗങ്ങളായ കെ.കെ. സുരേഷ്, ടി.വി. ഉണ്ണികൃഷ്ണന്, വാര്ഡ് വികസന ടീം ദശരഥന്, രഘുനന്ദന്, കണ്ണന് നാരാട്ടില്, രാജു, വിനോജ് ഹരിത, കാര്ത്തിക എന്നിവര് നേതൃത്വം നല്കി.
About Author
പി.വി. പൗലോസ് മാസ്റ്റര് സാമൂഹ്യശ്രീ പുരസ്കാരം രമേശ് ചെന്നിത്തലയ്ക്ക് മാധ്യമശ്രീപുരസ്കാരം സെബി മാളിയേക്കലിനും എ. ജീവന് കുമാറിനും 
വേളൂക്കര പഞ്ചായത്തും തുമ്പൂര് സര്വീസ് സഹകരണബാങ്കും സംയുക്തമായി നടത്തുന്ന ഞാറ്റുവേല ഉദ്ഘാടനം ചെയ്തു 
ഋതു പരിസ്ഥിതി ചലച്ചിത്രോത്സവത്തിന് കൊടിയേറി; സലിംകുമാറിന് ആദരവുമായി പൊക്കാളി ഡോക്യുമെന്ററി പ്രദര്ശനം 
ഇരിങ്ങാലക്കുട റെയില്വേ സ്റ്റേഷന് അമൃത് പദ്ധതിയില് ഉള്പ്പെടുത്തണം 
സെന്റ് ജോസഫ്സ് കോളജിലെ ഫൈന് ആര്ട്സ് ആന്ഡ് കള്ച്ചര് ക്ലബ്ബ് പ്രതിഭകള്ക്ക് വേദിയായി ടാലന്റ് ഷോ 
കര്ഷകര് പന്തം കൊളുത്തി പ്രതിഷേധ പ്രകടനം നടത്തി 
