മൂര്ക്കനാട് പള്ളി കോമ്പൗണ്ടില് നിര്ത്തിയിട്ടിരുന്ന കാറിനു തീപിടിച്ചു
ഇരിങ്ങാലക്കുട: മൂര്ക്കനാട് പള്ളി കോമ്പൗണ്ടില് നിര്ത്തിയിട്ടിരുന്ന കാറിന് തീപിടിച്ചു. ഇന്നലെ വൈകീട്ട് അഞ്ച് മണിയോടെയാണ് സംഭവം. മുരിയാട് നെരേപറമ്പില് വീട്ടില് ജോര്ജിന്റെ ഉടമസ്ഥതയിലുള്ള കാറിനാണ് തീപിടിച്ചത്. വിവാഹ സത്കാരത്തില് പങ്കെടുക്കുന്നതിനായി എത്തിയവരുടെതയാണ് കാര്. തീ പടര്ന്ന സമയം കാറില് ആരും തന്നെ ഉണ്ടായിരുന്നില്ല.
കാറിനു തീ പടരുന്നത് കണ്ട ഉടനെ ഫയര്ഫോഴ്സിനെ വിവരം അറിയിച്ചു. ഇരിങ്ങാലക്കുടയില് നിന്നും ഫയര്ഫോഴ്സ് സംഘം എത്തിയാണ് തീ അണച്ചത്. ഇരിങ്ങാലക്കുട സ്റ്റേഷന് ഓഫീസര് കെ.എസ് ഡിബിന്റെ നേതൃത്വത്തില് സീനിയര് ഓഫീസര് സജയന്, ഫയര്മാന്മാരായ ലൈജു, ടി.ടി പ്രദീപ്, സതീഷ്, എം.ഉല്ലാസ്, ഉണ്ണികൃഷ്ണന്, ഫയര്മാന് ഡ്രൈവര് സന്ദീപ് എന്നിവരടങ്ങുന്ന സംഘമാണ് തീയണച്ചത്. അഞ്ച് ലക്ഷം രൂപയുടെ നഷ്ടമാണ് കണക്കാക്കുന്നത്. ഷോര്ട്ട് സര്ക്യൂട്ടാണ് അപകടകാരണമായി കരുതുന്നത്.
About Author
മുംബൈയില് ബിജെപിയെ തോല്പ്പിച്ച് ഇരിങ്ങാലക്കുടക്കാരന്; ധാരാവിയിലെ 185-ാം വാര്ഡില് തുടര്വിജയവുമായി ജഗദീഷ് തൈവളപ്പില് 
ഇരിങ്ങാലക്കുട സെന്റ് മേരീസ് ഹയര് സെക്കന്ഡറി സ്കൂള് രജതജൂബിലി സമാപനം ഇന്ന് 
ഠാണാ- ചന്തക്കുന്ന് വികസനം: റോഡു നിര്മാണത്തിലെ മെല്ലെപ്പോക്ക്; പ്രതിഷേധവുമായി വ്യാപാരികളും രാഷ്ട്രീയ കക്ഷികളും സമുദായ സംഘടനകളും 
ഇരിങ്ങാലക്കുട മുന് നഗരസഭ ചെയര്മാനും കെഎസ്ഇ കമ്പനിയുടെ മാനേജിംഗ് ഡയറക്ടറുമായിരുന്ന അഡ്വ.എ.പി. ജോര്ജ് (90) അന്തരിച്ചു 
കത്തീഡ്രല് പിണ്ടിപ്പെരുന്നാള് അമ്പെഴുന്നള്ളിപ്പുകള് പ്രതിസന്ധിയിലാകുമോ… ആശങ്കയില് ഇരിങ്ങാലക്കുട നിവാസികള് 
മാനവസമൂഹത്തില് പ്രത്യാശയുടെ പ്രകാശം പരത്തുവാന് യുവജനങ്ങള് രംഗത്തിറങ്ങണം- മാര് പോളി കണ്ണൂക്കാടന് 
