പുല്ലൂര് സെന്റ് സേവിയേഴ്സ് ദേവാലയത്തില് അമ്പ് തിരുന്നാളിനു കൊടിയേറി
പുല്ലൂര് സെന്റ് സേവിയേഴ്സ് ദേവാലയത്തിലെ അമ്പു തിരുനാളിന് വികാരി ഫാ. ജോയ് വട്ടോളി സിഎംഐ കൊടിയേറ്റുന്നു.
പുല്ലൂര്: പുല്ലൂര് സെന്റ് സേവിയേഴ്സ് ദേവാലയത്തിലെ വിശുദ്ധ ഫ്രന്സിസ് സേവ്യറിന്റെയും, വിശുദ്ധ സെബസ്ത്യാനോസിന്റെയും, വിശുദ്ധ ചാവറയച്ചന്റെയും തിരുനാളിന് കൊടിയേറി. നാളെയും മറ്റന്നാളുമാണ് തിരുന്നാള്. വികാരി ഫാ. ജോയ് വട്ടോളി സിഎംഐ കൊടിയേറ്റം നിര്വഹിച്ചു. ഇന്ന് വൈകീട്ട് ദീപാലങ്കാരങ്ങളുടെ സ്വിച്ച് ഓണ് കര്മം ഇരിങ്ങാലക്കുട സെന്റ് തോമസ് കത്തീഡ്രല് വികാരി റവ.ഡോ. ലാസര് കുറ്റിക്കാടന് നിര്വഹിക്കും.
നാളെ രാവിലെ 6.30 ന് നടക്കുന്ന ദിവ്യബലിക്ക് ഹൊസൂര് രൂപത ബിഷപ്പ് മാര് സെബാസ്റ്റ്യന് പൊഴോലിപറമ്പില് മുഖ്യകാര്മ്മികത്വം വഹിക്കും. തുടര്ന്ന് തിരുസ്വരൂപ പ്രതിഷ്ഠ, അമ്പ് വെഞ്ചിരിപ്പ് എന്നിവ ഉണ്ടായിരിക്കും. വൈകിട്ട് ഏഴിനും 11 നും ഇടയില് യൂണിറ്റുകളില് നിന്നുള്ള അമ്പ് പ്രദക്ഷിണം പള്ളിയില് എത്തിച്ചേരും. തിരുനാള് ദിനമായ നാലിന് രാവിലെ 6.30 ന്, 10.30 ന്, മൂന്നിന് ദിവ്യബലിയും കാഴ്ചസമര്പ്പണവും പ്രസുദേന്തി വാഴ്ചയും ഉണ്ടായിരിക്കും 10.30 ന്റെ ആഘോഷമായ ദിവ്യബലിക്ക് ഫാ. ഷാജി തെക്കേക്കര മുഖ്യകാര്മ്മികത്വം വഹിക്കും.
ഉച്ചതിരിഞ്ഞ് നാലിന് തിരുനാള് പ്രദക്ഷിണം പള്ളിയില് നിന്ന് ആരംഭിച്ച് വൈകിട്ട് ഏഴിന് പള്ളിയില് എത്തിച്ചേരും. തുടര്ന്ന് ലൈറ്റ് ആന്ഡ് സൗണ്ട് ഷോ ഉണ്ടായിരിക്കും. ജനുവരി അഞ്ചിന് രാവിലെ ആറിന് ദിവ്യബലിയും ഏഴിന് പരേതര്ക്ക് വേണ്ടിയുള്ള ദിവ്യബലിയും ഉണ്ടായിരിക്കും. തുടര്ന്ന് വൈകിട്ട് ഏഴിന് കലാവിരുന്ന് ഉണ്ടായിരിക്കും.
ജനുവരി 11 ന് എട്ടാമിടത്തില് 6.30 ന് നടക്കുന്ന ദിവ്യബലിക്ക് ഫാ. വിന്സെന്റ് നീലങ്കാവില് സിഎംഐ മുഖ്യകാര്മ്മികത്വം വഹിക്കും. പ്രദക്ഷിണം, നേര്ച്ചവിതരണം എന്നിവ ഉണ്ടായിരിക്കും. തിരുനാളിന്റെ വിജയത്തിന് വികാരി ഫാ. ജോയ് വട്ടോളി സിഎംഐ, അസിസ്റ്റന്റ് വികാരി ഫാ. ആല്വിന് അറക്കല് സിഎംഐ, ട്രസ്റ്റിമാരായ ഡേവീഡ് ചിറമ്മല്, സേവ്യര് ആളൂക്കാരന്, ജോണ്സന് ചെതലന്, ജോസ് സെബാസ്റ്റിയന് മറ്റപ്പള്ളില് എന്നിവരുടെ നേതൃത്വത്തില് വിപുലമായ കമ്മറ്റിയാണ് പ്രവര്ത്തിക്കുന്നത്.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakudahttps://irinjalakuda.news/archives/60264
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ഇരിങ്ങാലക്കുട സെന്റ് ജോസഫ്സ് കോളജ് ബയോടെക്നോളജി അന്താരാഷ്ട്ര സെമിനാര് സംഘടിപ്പിച്ചു 
പിഞ്ചു കുഞ്ഞിന്റെ തല പാത്രത്തിനുള്ളില് കുടുങ്ങി; രക്ഷകരായി അഗ്നിരക്ഷാ സേന 
അര്ദ്ധരാത്രിയില് വീടുകളുടെ ജനല്ചില്ലുകള് എറിഞ്ഞു തകര്ത്ത കേസിലെ പ്രതി അറസ്റ്റില് 
ചാമക്കുന്ന് ജംക്ഷനില് മിനി മാസ്റ്റ് ലൈറ്റ് ഉദ്ഘാടനം ചെയ്തു 
പുല്ലൂര് സേക്രഡ് ഹാര്ട്ട് മിഷന് ഹോസ്പിറ്റലില് സെര്വിക്കല് കാന്സര് പ്രതിരോധ വാക്സിനേഷന് ക്യാമ്പ് സംഘടിപ്പിച്ചു 
സിബിഐ ചമഞ്ഞ് ഒന്നേ മുക്കാല് കോടി രൂപയുടെ സൈബര് തട്ടിപ്പ് ; രണ്ട് പ്രതികള് കൂടി റിമാന്റിലേക്ക്