ഷണ്മുഖം കനാലില് പുളിക്കെട്ട്: ആവശ്യം ശക്തമാകുന്നു
പടിയൂര് പഞ്ചായത്തിലൂടെ കടന്ന് പോകുന്ന ഷണ്മുഖം കനാലില് കാക്കത്തുരുത്തി ഭാഗത്ത് എല്ലാ വര്ഷവും കനാലില് പുളിക്കെട്ട് പണിയുന്ന ഭാഗം.
പടിയൂര്: കനോലി കനാലില് നിന്ന് ഉപ്പുവെള്ളം കയറുന്നത് തടയാന് ഷണ്മുഖം കനാലില് അടിയന്തരമായി പുളിക്കെട്ട് നിര്മിക്കണമെന്ന ആവശ്യം ശക്തമാകുന്നു. എല്ലാ വര്ഷവും ഡിസംബര് ആദ്യ ആഴ്ചകളില് ഷണ്മുഖം കനാലില് കാക്കത്തുരുത്തി ഭാഗത്ത് പുളിക്കെട്ട് നിര്മിക്കാറുള്ളത്. എന്നാല് ഇത്തവണ നിര്മാണം നടന്നിട്ടില്ല. കനാലില് ഉപ്പുവെള്ളം കടന്നാല് പൂമംഗലം, പടിയൂര് പഞ്ചായത്തുകളിലെ കോള്മേഖലയെയും മറ്റ് കൃഷിയിടങ്ങളെയും കാക്കത്തുത്തി മേഖലയിലെ ജല സ്രോതസ്സുകളെയും ബാധിക്കും.
എല്ലാ വര്ഷവും അഞ്ച് ലക്ഷം രൂപ ചെലവഴിച്ചാണ് പഞ്ചായത്തിന്റെ നേതൃത്വത്തില് ഷണ്മുഖം കനാലില് പുളിക്കെട്ടും അനുബന്ധ ഇടക്കെട്ടുകളും നിര്മിക്കുന്നത്. കാലവര്ഷം ആരംഭിക്കുന്നതോടെ ഇത് പൊളിച്ചു നീക്കുകയാണ് പതിവ്. പുളിക്കെട്ട് നിര്മാണം ഉടന് ആരംഭിക്കണമെന്നും അല്ലാത്തപക്ഷം വ്യാപക കൃഷി നാശത്തിനും ശുദ്ധജലക്ഷാമത്തിനും ഇടയാകുമെന്ന് ജനങ്ങളുടെ ആശങ്ക പരിഹരിക്കുവാന് അടിയന്തര നടപടി സ്വീകരിക്കണമെന്നും ബിജെപി പഞ്ചായത്ത് പാര്ലമെന്ററി പാര്ട്ടി ലീഡര് ബിനോയ് കോലാന്ത്ര, അപര്ണ നിമേഷ്, ഈശ്വരി ജയന്, പ്രഭാത് വെള്ളാപുള്ളി, ടി.എസ്. സുദേവന് എന്നിവര് ആവശ്യപ്പെട്ടു.
എന്നാല് കഴിഞ്ഞ വര്ഷം അധികം മഴ ലഭിച്ചതിനാല് നിലവില് ഷണ്മുഖം കനാലിലേക്ക് ഉപ്പുവെള്ളം കയറുന്ന സാഹചര്യം ഇല്ലെന്നും. അതിനാലാണ് പുളിക്കെട്ട് നിര്മാണം ഡിസംബറില് ചെയ്യാതിരുന്നത്. പഞ്ചായത്തിലെ 11, 14 വാര്ഡുകളിലൂടെ കനാല് കടന്ന് പോകുന്ന ഭാഗത്ത് താല്ക്കാലികമായി പണിയുന്ന ഇടക്കെട്ടുകളുടെ പണികള് ആരംഭിച്ചെന്നും കാക്കത്തുരത്തിയില് പുളിക്കെട്ടിന്റെ നിര്മാണം വരും ദിവസങ്ങളില് ആരംഭിക്കുമെന്നും നടപടികള് പൂര്ത്തിയായെന്നും പഞ്ചായത്ത് കെ.പി. കണ്ണന് പറഞ്ഞു.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakuda
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
കരാഞ്ചിറ സെന്റ് ഫ്രാന്സിസ് സേവിയേഴ്സ് ദേവാലയത്തില് അമ്പ് തിരുനാള് 
കോണ്ഗ്രസ് ഇരിങ്ങാലക്കുട നിയോജകമണ്ഡലം കമ്മിറ്റിയുടെ നേതൃത്വത്തില് വിജയോത്സവം സംഘടിപ്പിച്ചു 
അന്തര്ജില്ലാ മോഷണ സംഘത്തിലെ കണ്ണികളായ നിരവധി മോഷണക്കേസിലെ പ്രതികളായ അഞ്ചു പേര് അറസ്റ്റില് 
ബാറില് ആക്രമണം നടത്തിയത് ചോദ്യം ചെയ്തതിലുള്ള വൈരാഗ്യത്താല് ബിയര് കുപ്പി കൊണ്ട് ആക്രമിച്ച് പരിക്കേല്പ്പിച്ച കേസില് സ്റ്റേഷന് റൗഡിയും കൂട്ടാളികളും അറസ്റ്റില് 
ഭാരതത്തിന്റെ നൈതിക മൂല്യങ്ങള് വിദ്യാഭ്യാസത്തില് പ്രതിഫലിക്കണം: പ്രഫ. മനീഷ് ആര്. ജോഷി 
മെഡിസെപ്പ് പ്രീമിയം കൂട്ടിയത് പിന്വലിക്കണം- കെഎസ്എസ്പിഎ