ഇരിങ്ങാലക്കുട ഠാണ റോഡ്, പൂതംകുളം വരെ ഒരു ഭാഗം കോണ്ക്രീറ്റിംഗ് പൂര്ത്തിയായി
ഇരിങ്ങാലക്കുട: ഠാണ മുതല് പൂതംകുളം വരെ റോഡിന്റെ ഒരു ഭാഗത്തെ കോണ്ക്രീറ്റിംഗ് പൂര്ത്തിയായി. തൃശൂര്- കൊടുങ്ങല്ലൂര് സംസ്ഥാനപാത കോണ്ക്രീറ്റിടലിന്റെ ഭാഗമായിട്ടാണ് ഠാണ ജംഗ്ഷന് മുതല് പൂതംകുളം വരെ പടിഞ്ഞാറുഭാഗതതെ കോണ്ക്രീറ്റിംഗ് പൂര്ത്തിയാക്കിയത്. റോഡ് പൊളിച്ചു തുടങ്ങിയപ്പോള് മുതല് ഠാണാവില്നിന്ന് ഇതുവഴിയുള്ള ഗതാഗതം പൂര്ണമായും നിരോധിച്ചിട്ടുണ്ട്.
ജനറല് ആശുപത്രിയുടെ പുതിയ കെട്ടിടത്തില് അത്യാഹിതവിഭാഗവും കിടത്തിച്ചികിത്സയും ഉദ്ഘാടനം ചെയ്തതിന് പിന്നാലെ റോഡിലെ ഗതാഗതം നിരോധിച്ചത് ആശുപത്രി പ്രവര്ത്തനങ്ങളെ ബാധിക്കുമെന്ന ആശങ്കയിലാണ് അധികൃതര്. പടിഞ്ഞാറുഭാഗത്തുള്ള തൃശൂര്- കൊടുങ്ങല്ലൂര് റോഡില്നിന്നാണ് ഈ കെട്ടിടത്തിലേക്കുള്ള പ്രവേശനം. ആശുപത്രിയുടെ തെക്കുള്ള പ്രധാന കവാടം നിര്മാണം പൂര്ത്തീകരിച്ച് കഴിഞ്ഞ ദിവസമാണ് തുറന്ന് നല്കിയത്. റോഡുവികസനത്തിന്റെ ഭാഗമായി നഗരത്തില് ഗതാഗതനിയന്ത്രണം ഏര്പ്പെടുത്തി.
ചാലക്കുടി ഭാഗത്തുനിന്ന് വരുന്ന വാഹനങ്ങള് മെറീന ആശുപത്രി പരിസരത്തുനിന്ന് തിരിഞ്ഞ് ഉദയ ജംഗ്ഷന് വഴി സംസ്ഥാനപാതയിലേക്ക് കയറിയാണ് തൃശൂര് ഭാഗത്തേക്ക് പോകേണ്ടത്. തൃശൂര് ഭാഗത്തുനിന്ന് വരുന്ന വാഹനങ്ങള് പൂതകുളം പരിസരത്തുനിന്ന് തിരിഞ്ഞ് ഞവരികുളം വഴിയാണ് മെയിന്റോഡില് പ്രവേശിക്കേണ്ടത്. പൂതംകുളം മുതല് സെന്റ് ജോസഫ്സ് കോളജ് വരെ നിലവിലുള്ള റോഡ് പൊളിച്ചുനീക്കി 14 മീറ്ററില് കോണ്ക്രീറ്റ് ചെയ്യും. ഈ ഭാഗത്ത് കാനനിര്മാണം പൂര്ത്തിയാക്കി വൈദ്യുതിക്കാലുകള് അരികിലേക്ക് മാറ്റി സ്ഥാപിച്ചിട്ടുണ്ടെങ്കിലും വൈദ്യുതിലൈനുകള് മാറ്റിയിട്ടില്ല. പണികള് എത്രയും വേഗം പൂര്ത്തീകരിക്കണമെന്നാണ് നാട്ടുക്കാരുടെയും വ്യാപാരികളുടെയും ആവശ്യം.
വാർത്തകൾ വേഗത്തിലറിയാൻ ഇരിങ്ങാലക്കുട ന്യൂസ് ഫോളോ ചെയ്യൂ…..
https://www.facebook.com/newsirinjalakudahttps://irinjalakuda.news/archives/60264
join our Whatsapp group
https://chat.whatsapp.com/DELcIHjzm7WHn9hFF9h1jB
join our Whatsapp Channel
https://whatsapp.com/channel/0029Var2S4l0Vyc9XcuAMh1V
whatsapp/call: 9496663558
About Author
ഇരിങ്ങാലക്കുട സെന്റ് ജോസഫ്സ് കോളജ് ബയോടെക്നോളജി അന്താരാഷ്ട്ര സെമിനാര് സംഘടിപ്പിച്ചു 
പിഞ്ചു കുഞ്ഞിന്റെ തല പാത്രത്തിനുള്ളില് കുടുങ്ങി; രക്ഷകരായി അഗ്നിരക്ഷാ സേന 
അര്ദ്ധരാത്രിയില് വീടുകളുടെ ജനല്ചില്ലുകള് എറിഞ്ഞു തകര്ത്ത കേസിലെ പ്രതി അറസ്റ്റില് 
ചാമക്കുന്ന് ജംക്ഷനില് മിനി മാസ്റ്റ് ലൈറ്റ് ഉദ്ഘാടനം ചെയ്തു 
പുല്ലൂര് സേക്രഡ് ഹാര്ട്ട് മിഷന് ഹോസ്പിറ്റലില് സെര്വിക്കല് കാന്സര് പ്രതിരോധ വാക്സിനേഷന് ക്യാമ്പ് സംഘടിപ്പിച്ചു 
സിബിഐ ചമഞ്ഞ് ഒന്നേ മുക്കാല് കോടി രൂപയുടെ സൈബര് തട്ടിപ്പ് ; രണ്ട് പ്രതികള് കൂടി റിമാന്റിലേക്ക്